انا عندي خبره
1-كم عندك اسماك با الحوض؟؟؟
اذا كان ما بي ال......1و7 فلازم تشترين لها اكل من جيان او اي سوبر ماركة

2- اذا كان عندك صفاية الماء فا تنضفين الحوض كل 7 ايام
واذا ما عنك اغسليه كل يوم والافضل انك تشترين الصفايه باسرع وقت ممكن

3- السمك ما يقدريعيش اكثر من 3 شهور اذا كان من نوع سمك الزينه

واتمنى ان اسماكك تكون سعيده با المبيت معك

نسيت اهم شيئ اشتري الصفايه

بصراحه يا إختي أنا ما عندي خبره

بس إلي أعرفه ولازم يكون موجود لأني أعرف واحد كان يربي أسماك

كان دائماً يغيّر المويه مو وقت لأخر

والأهم من هذا لازم تغذينهم بأكل مخصص لهم مو أي أكل

مثل ما قال أخوي إلي فوقي تشترينهم من جيان وغيرها

بس نصيحتي لكِ تروحين لمحل الأسماك إلي شريتي منه وتسئلينه لأنه خبير وراح يعطيكِ المعلومات بشكل أفضل مني


ولا تنسين تربينهم على البر وطاعه الوالدين والصلاه <<< شكل حرارتك مرتفعه هههههههههه


بالتوفيق لكِ إختي في تربيه الأسماك

نسيت تعطينها الاكل مره وحده بس في اليوم وبعد تغير الحوض

اكوكي المهم اهتمي فيهم

ما عليش اذا كانو اكثر من 7 سمكات

أهلين اختي قمرهم كلهم

الصراحة الحوض حلو

لانه صغير ومريح في التنضيف

بالنسبة لتطوير المشروع انا ما أنصحك فيه لانه متعب ويكلف

طبعا فيه أحواض عديدة في محلات الحيوانات منها المستورد الصيني ومنها التفصيل طبعا وطني

اذا اردتي أحواض للسمك للزينه يعني اذا كانت في الصالة او المدخل يعني يشوفونها الضيوف افضل انك

تشترين الصيني لانه أفضل من ناحية المنظر بس بالمقابل أعلى سعر

حجم الحوض يرتبط بعدد الاسماك الي بتشترينها يعني كل ما زاد السمك زاد حجم الحوض وسعره

أنا عن نفسي شفت أحواض جنان في كذا محل بس أحلى الاحواض الي شفتها تكون على شكل

برواز صورة يعلق في الجدار شكلة مرة حلو واسعارها تتراوح بين الـ900 و 3000 وقد تصل للـ 9000 والـ10000 وأكثرعلى حسب الحجم والنوع(مستورد او تفصيل)

طبعا المحل الي تشترينه من عنده يتكفل بالتركيب طبعا ينفك من الجدار وقت التنظيف ويعاد بسهولة لانه مثبت بـ مشكبيات او شناكير

بالنسبة للفلتر

فيه أنواع عديدة منها الالماني والصيني

فيه شيء يجي على شكل شلال لما ينزل الماء المفلترة

وفيه شيء يشفط الماء من انبوب ويمررها على القطن بداخل الانبوب

وفيه شيء وضيفته بس يدخل هوى داخل الماء عشان يوفر الاكسجين في الماء يعني من دون لا ينضفه

وأحسن الانواع المتوفره الفلتر الأرضي وهو عبارة عن جهاز فيه انبوب ممتد الى قاع الحوض ويكون قاع

الحوض فيه شبك بلاستيكي تحت الشبك قطن بحيث ان الجهاز يشفط الماء من تحت القطن الي بدورع يعلق به

الأوساخ وبعدين يرجع الماء صافي دون شوائب والشوائب والاوساخ تبقى في القاع عالقة بالقطن وكل فترة

تغيرين القطن والماء تتراوح بين الاسبوع والشهر في بعض الاحيان بس مع الاسف ما تحظرني أسعارها

ولا تحرصين على كثرة الفلاتر لانها اذا كثرت حركت الماء بسرعة مما يؤدي لموت السمك


بالنسبة للماء اذا كنت تستعملين الماء العادي يفضل انك قبل لا تنظفين الحوض انك تملئين حوض فارغ او قدر

او دلو بالماء وتتركينه في الهواء لمدة ساعة قبل ما تضعينه في الحوض الاساسي وتضعين السمك بداخله

لان ماء البلدية يجي عن طريق محطات تحلية الي بدورها تضع مادة الكلور سريعة التبخر للتعقيم ومن المعروف خطورة هذه

المادة على الانسان ما بالك بالسمك

والاضاء العالية تتعب السمك وتموته فاحرصي على اقفالها من وقت لآخر خصوصا وفي الليل في وقت النوم



بالنسبة للأكل المفروض ما تكثرين الاكل ولا يكسرون خاطرك ويلعبون عليك وتكثرين لان الاكل

أولا يلوث الماء
ثانيا السمك ياكل بشراهه قد تؤدي الى موته

بالنسبة لزينة الحوض فيه بعض القطع تكون داخلها فتحات يدخل السمك بها قد تكون صغيره وتعلق فيها

السمكة فانتبهي من هذه النقطة

وفيه احجار صناعية ملونه وفيه طبيعية ولا يوجد فرق كبير بينهم بس عادة الطبيعي أفضل واحرصي دائما اذا

اشتريتي احجار جديده على غسلها لانها عادة تحمل الغبار

وفيه اشجار بلاستيكية وفيه طبيعية طبعا الطبيعية افضل بكثير لانها تولد الاوكسيجين بس المشكله فيها

انها ما تعيش فترة طويلة يعني تقريبا شهر وسعرها بين 5 و 15 على حسب المحل

وفيه للأسماك حضانه عبارة عن مكعب فيه فتحات صغيره عشان يدخل السمك الصغير فيه لان السمك الكبير يأكله

ويفضل عزل السمك الصغير اذا قفس البيض



بالنسبة لانواع السمك فأنواعها كثيرة ومن أجملها بالنسبة لي الببغاء لان الونها بناتية وحلوه وقوية يعني

تتحمل ما تموت بسرعة والاعمار بيد الله وسعرها مرتفع نوعا ما تقريبا بين 60 و80 ريال للحبة

طبعا فيه انواع اخرى بس احرصي على الاختيار لان بعض انواع السمك ما تعيش مع بعضها مثل الوحشي

والزبال نوع حلو للتنضيف مثل ما قلتي لانه يأكل الفطريات العالقة بزجاج الحوض



آسف على الاطالة

وأتمنى اني افدتك

ولك خالص تقديري