حــزن الفرح

09-04-2007, 01:05 AM

السلام عليكم ورحمة الله وبركاته

قصيدة اعجبتني وحبيت انقلها لكم

ياكبـر ذنـب السـؤال وياثـقـل دم الاجـابـه
لا انتهى حبك وصدرك مختنـق بحـروف ليـه
وقتها كن خافقك ( جالي ) وحزنك (شيخ لابـه)
اتصـدد لكـن الدنـيـا تـحـدك تنتخـيـه...
يارفيـق الهـم علمنـي اذا عينـي ربـابـه ..
منهو يسمـع نزفهـا لامـن نظرهـا ويحكيـه؟؟
بسئلك بالله قلي : عـن شقـا الـدرب وسرابـه
كيف علقني بكذبه ((باكـر اوصـل وارتويـه))
لو فقلـب الليـل رحمـه مافتـح للجفـن بابـه
وعشمه في حـب نجمـه يـدري انهـا ماتبيـه
ولو يضيق الكون بالطعنات تلقـى بـي رحابـه
لاتعكر بال خنجـر تركـض ضلوعـي تجيـه
لايشيـل الهـم ((همـه)) دام تجمعـه القرابـه
في صـدر شاعـر يعـده: واحـد منـه وفيـه
له علـي دامـه يبينـي مااخونـه فـي غيابـه
كـان ماجالـي اجـي لـه يحتوينـي واحتويـه
ولي عليـه انـه ماينسانـي ويصطفلـي عذابـه
ولا يعرضني لضحـك صـدق ماعـاد اشتهيـه
اقسى من حزني وهمي الفـرح حضـرة جنابـه
لاطـرى مايطـري الا منهـو عرفنـي علـيـه
ذاك من يحكي علـى عينـي وتقنـع باغترابـه
لجل تعتق صورة فيني سجنـت كـل الوجيـه؟؟
غايتي ((فرح الحزن)) لاينكسـر بالقلـب نابـه
وخوفي لا ((حزن الفرح)) يخنق لي انفاسه بيديه
من ورى قلبي رسمتك غيم يحكـي بـوح غابـه
كـل غصـن منحنـي فيهـا يمدلـه راحتيـه ؟
هاك صدري شوف بعيونـك متاهـات الغلابـه
فـي شـوارع هالحنايـا كـم متشـرد نـزيـه
لاقبل عطف السنيـن ولارضـى بسلـم الذيابـه
ماسئـل كـود الامانـي يالامانـي جاوبـيـه..
ويش اقول وويـش اخلـي والبـلاوي ماتشابـه
غير لا قالت في قلبـي لاحشـى مالـي شبيـه
ليت في وجه الزمن ((ذرة حيا)) واحسب احسابه
احشمه لجـل يحشمنـي دون شـي احتريـه..
وليت شعري مايخيب هقـوة اللـي قـد هقابـه
لاتولـج هاليميـن وصـحـت فيـهـا اكتبـيـه
وليت دربي لا نثنـت رجلـي يقدرنـي ترابـه
كان وربـي مـا احاتـي قولـت ازرى ينتهيـه
بعـده يذبـل اسمـي بأخـر دمـوع الكتـابـه
دام كـل بيـت بقصيـدي شـال دمعـه مايليـه
هذا انا ياصاحبـي حلمـي الاقـي لـي اجابـه
لا انفجر صدري وضاقت دنيتي بحروف ((ليه))

الشاعر: محمد السهلي

تقبلو تحياتي

09-04-2007, 04:35 PM

قلــ ممتنع ـــب
صح لسان قايلها
وسلمت ايدين ناقلها
تحياتي لك

10-04-2007, 01:56 AM

قلب ممتنع

الله الله

حبيت انسخ بعض الابيات لكن وجدت ان القصيده كل بيت افضل من بيت

سلمت يمينك على النقل الراااائع وانا اول من يصفق لك عليها

اشكرررك ,, وبأنتظار جديدك ,,

تحياتي ’’