بهديك طعنه.. من بقايا ..طعونك

20-03-2007, 04:09 AM

[glow="000000"]
لا جيت ابنسى واتراجـع واسامحـك
صاحن جروحي واشتكن لي طعونك!!

كلك خيانه !! قول وشلـون ابمنحـك
وش موقفك من شخص دايم يخونك!!

اكبر خطا.. لو جيت يمك اصالحـك
اول تحـول لاتغـرك .. إلحـونـك

اللي تقوله صح لـو كنـت جارحـك
(مير) انت غارق للاسف في ظنونك

وصفك نسيته بس .. باقي ملامحـك
بنهيك وانهـي بالنهايـه .. جنونـك

ماتستحق امـد (كفـي) واصافحـك
مثلك غلط عمري وابحيا .. بدونـك

لعبت دورك شاهدات(ن) مسارحـك
خدعتني واظهرت خافـي فنونـك!!

كنت اعتقد قلبي هو ابرز مطامحـك
اللي يبيع النـاس .. لجلـه يصونـك

تعبت اسوق الشوق يمك واصارحـك
اخلصت لك بالحب شوفـت عيونـك

لكن خسارة صرت غايـة مصالحـك
ياليتني ماجيـت لحظـه .. بكونـك

بالامس كنت بنشوة الحب .. امازحك
اخيـل برقـك... واتحـرى امـزونـك

واليوم من صفحة حياتـي ابمسحـك
هديت صرحك ثم طاحـت ركونـك

ولابي عيوني لو تصـورت تلمحـك
اعلنت موتك .. وانسجن لي كفونـك

وان جيت تطلب ترتجيني .. اسامحك
بهديك طعنه .. من بقايا .. طعونك!!
[/glow]

20-03-2007, 06:43 AM

وان جيت تطلب ترتجيني .. اسامحك
بهديك طعنه .. من بقايا .. طعونك!!
،
،
،
رائـــع شويه على هاذي
الكلمات الأكثر من رائعه
،
،
،
مشكور على القصيده الجميله

20-03-2007, 06:59 PM

قصيده جدا رائعه..

سلمت اناملك..

21-03-2007, 03:22 PM

بالامس كنت بنشوة الحب .. امازحك
اخيـل برقـك... واتحـرى امـزونـك

طـبـعـي الــود

__

___

الله الله عليك قصيده في منتهى الروعه صح لسان شاعرها وسلمت ايدين ناقلها

اشكرك فلا تحرمنا جديدك

تحياتي ’’

21-03-2007, 05:28 PM

مررررررررررررررة

روووووووووووووووووعة