![[ ღღ شـبـكـة الـوفــا ღღ ]](jiro7-brown/images/3.png)
![[ ღღ شـبـكـة الـوفــا ღღ ]](jiro7-brown/images/2.png)
![[ ღღ شـبـكـة الـوفــا ღღ ]](jiro7-brown/images/1.png)
|
|
|
|
|
|
المشاركة رقم : 1 (permalink) | |
|
السلام عليكم،،، مساء الخيرات والنورات والعصفورات المشقشقات والجرابيع المفرفرات في الجحور والممرات ،،، مساء العسل والبصل وكل أنواع الهبل ،،، احـم احـم وراكم تطالعوني تــسذا وش فيها طيب بنرقم زينا زي غيرنا ،،، هذا اللي صار في الاجتماع الدوري الاسبوعي والذي كان من المقرر اقامتـه في مجلس بيتنا لكن حلفت عمتي الشغالة روسولبين مايدخل اسير الحزن البيت وقالت بالصوت الجهوري وباللهجة العربية الاصيلة المكسرة يزي اسير في حزن يزلس انتا وهوه في الملهق سيم سيم سواق قلت ابشري طال عنقـك مع العلم ان شغالتنا المذكور اسمها اعلاه تملك حزام كاراتيه اسود عشرة دان ولا ابشري ذي ماطلعت من احترام ( ياناس مدري على ايش شايفة نفسها هالشغالة ) مع العلم بان اعضاء الاجتماع هم :: مجنونها مكانه الخالي اسير الحزن تحملتك المهم جا اسير الحزن وقلطته بالملحق بعد محاولات جادة بالتسلل الى المجلس لكن جميع المحاولات باءت بالفشل وشوي الا وذاك السيكل مقاس عائلي مظلل يكبس من بعيد طلع اخونا مكانه الخالي ومعاه تحملتك طبعا مكانه الخالي لابس ثوب نوم بني اللون ( في الاصل كان لونه ابيض بس من زود النظافة صار بني ) يحمل ثلاث رقعات متفاوتة الاحجام وحاط ايدينه بجيوبه مسوي روبن هود...في الجهة الجانبية نجد تحملتك ياقلبي عليه قمة الأناقة الأيطالية وقمة الرومانسية لابس سروال أصفر اللون يحملان خطين اسودين بالجوانب ولابس فنيلة خضراء اللون ومكتوب عليها مهرجان الجنادرية 12 ومن ورا مركب رقم 9 على بالي شاري الفنيلة ( علينا يامناحي ) ،،، جلسنا بالملحق وبعد ماشربنا عصير جرجير مع ثلج ( أعدل مزاجـك ) قلت للتماسيح لازم هالاسبوع نترك لنا بصمة في أي محل لو على سطح القمر ( مسوي نفسي نيل ارمسترونج ) وقلت كل تمساح عاقل بالغ لازم يستخدم الكورة اللي فوق كتوفه 00 بعد ذلك بدأت الأفكار الجهنميه تشق طريقها الى رأسي المدجج بشبكات العناكب وبعد أن حطت الرحال قلت ياعوال خلوها لقيتها هالمرة نبي نروح نرقم صح الفكرة جديدة علينا وصح حدنا تشليح دبات غاز وقوارير مويه وسياكل( اكيد عرفتم الحين من وين جاب مكانه الخالي السيكل ) المهم قلت حنا قدها وقدود طبعا التماسيح استقبلوا الفكرة بترحيب شديد بس المشكلة لازم نسوي خطة محكمة قلت لكل واحد من التماسيح يدلي برأيه لعل وعسى يطلع منهم شي وكانت الآراء كالتالي :: مكانه الخالي يقول نروح السوق وندور على السحلية وانت يامجنونها تجي من وراها وتدفها وانا الفها بالعصا زي كورة البيسبول واذا طاحت رمينا الرقم وهربنا ويكون اسير الحزن وتحملتك ينتظرونا بالسيارة ( بيني وبينكم مستغرب لحد الآن علاقتي معاه تمام وباقي بخير وسلام ) بعد كلامه بغيت احط ركبتي بفمه بس خفت على الرباط الصليبي 000 وبعدها اعطانا الرومانسي الانيق تحملتك رأيه اللي يقول : نجلس نفرفر بالشوارع ونشغل عزازي ونرفع الصوت وأقرب سيارة تتواجد بها سحلية نصفط جنبها ونرمي الرقم عليها ونمشي . بصراحة أول مرة أحس ان تحملتك استخدم الكورة اللي فوق كتوفه صح قلتله تمام هذا الكلام وانت اسير الحزن وش رايك جلس يهز راسه حسيت انه يعاني من مغص شديد جراء اكل تونة حوت متوحم على جربوع .. وانتقلنا بعدى ذلك لطريقة الجرية : قلت لهم خلوها علي اول شي نلصق بالسيارة ونصفط جنبها الباب بالباب ثم يطل اسير الحزن ويقز السواق اذا طلع هندي نتقل الى الخطوة الثانية واذا غير ذلك ندور سيارة ثانية . ثاني شي السواق يكون مكانه الخالي ولا يلتفت ورا البته لانه لو التفت وشافته السحلية بتقول انا ما اتعرف على كائنات ناقصة النمو .انا وتحملتك راكبين ورا بالددسن ومولعين اللمبة اللي بالنص واللي كنها لمبة ثلاجة عسكريم ( لاضفاء مزيدا من الفاعلية ). وشوي واذا بتلك السيارة واقفه عند الاشارة ..قلت اسير الحزن وش جنسية السواق قال هندي جاي تهريب في كرتون شامبو صانسيلك ( ياناس تعجبني الدقة في العمل ) اللي راكب ورا سحلية من النوع النادر لابسه نظارات حسيت انها لابسة مجهر مركب .. وياسلام على الخدود أول مرة اشوف لحم هومبرغر قبل الفرم والشفايف شي ثاني... خيال ..يعني لما تشوفها بدون تركيز تقول ليّ دفاع مدني ولو تركز شوي تقول مضمار ملعب طبعا فيه شق بالخد الايسر بس مثل ما انتم عارفين الزين مايكمل وعارفين مشاكل الشوارع هالايام.لصقنا بالسيارة ولصقنا الباب بالباب وكل واحد فيني فاتح فمه على آخر مقاس ( ماعدا مكانه الخالي يعد عيون البس اللي بالطريق ) وجهت للسحلية غمز ساخنة تنمّ عن موهبة لم تصقل من ذي قبل فوجدت منها تجاوبا بعد ابتسامة رسمت معنى ( الجمال هذا مايفيدك بحاجه اهم حاجـه الاخلاق ) قلت بيني وبين نفسي ياويل تسبدي وقلت للعيال انا اللي بيرقمها وبعد مناوشات استمرت لبضع ثواني قررنا ( بما أنني صاحب الفكرة ) ان الترقيم يكون علي وبذلك تتحقق إحدى امنياتي بان تلمس يداي سحلية نادرة الوصف ... بس نسينا شي مهم جدا جدا الا وهو الرقم رقم مين نكتب ؟؟؟ قال مكانه الخالي بما اننا تعاونا في الجرية لازم نشترك كلنا بالرقم وبما ان مجنونها هو صاحب الفكرة فيكتب اول اربعة ارقام من رقمه يبقى ستة كل واحد منا يكتب آخر رقمين .. وبدون تفكير تناولت اقرب كرتون فاين وكتبت عليها اول اربعة ارقام من رقمي ( مع العلم اننا استخدمنا في الترقيم نفس قلمي الأسود اللي كتبت فيه التوقيع ) ثم أكملنا الرقم حتى اصبح الفاين جاهزا للتمرير ثم ممدت يدي بعيدا عن وجهي وسلمتها الرقم بيدها اللي كنها ابو جلمبو حشا مو بيد ذيك ومن هول الموقف ونجاح العملية قفل مكانه الخالي قزاز السيارة على يدي بقت معلقة حتى صار لونها ازرق حسيت بنفس المعاناة لو اني دخلت ركبتي بفمه ( راجع السطر 27 بالاعلى ) رجعنا لنقطة الانطلاق ( الملحق ) وتناولنا بشغف الاندومي التي ابدعت فيها روسولبين وتعشينا وكل واحد سرى لبيتــه....ولكن الى الان محد دق علينا.....!!! حتى اني بديت اشك ان السحلية شافت وجه مكانه الخالي بالمراية عشان كذا مادقت......!! والله اعلم مع خالص اعتذاري لأبطال الجرية ،،، سيناريو وحوار وإخراج ::- مجنونها
|
||
|
|
|
|
|
المشاركة رقم : 2 (permalink) | |
|
اعذروني على الموضوع الطويل بس هذا من تأليفي وابي ريكم شباااااب وبنااااات .......
|
||
|
|
|
|
|
المشاركة رقم : 3 (permalink) | |
|
هههههههههههههههههههههههههههههههههههههههههههههههههه هههههههههههه الله يرجك يالزاحف ليه تفضحنا الظاهر انت معاد نطلع معك اي شي نسويه تجي فيذا وتكتب انت شايف الدعوة خذني جيتك انا اوريك يادب اجل انا سواقكم اقول اشوا انها يوم شافت الرقم كاتبينه بكرتون فاين ارتاعت وعرفت اننا معبين بانزين وماخذينه هديه لان اشكالنا معروفه بس سلم لي على شغالتكم عليها اندومي تشق الراس من حلاوتها اقول مجنونها العيال وش اخبارهم بعد عملية الشغب اللي سويناها انا احس ان اسير راح في رجل امها ومتعذب الولد ياخي طول الطريق مهموم ولا تحملتك ياخي ذا الولد ذيييييب مجنونها اسمع ترا ملحقكم معاد داخلينه شغالتكم تخرع الواحد مسكين اسير بغا يموت والمهم ثاني مره لاعاد اشوفك كاتب سواليفنا يادب تفهم ولا جلسناك ثاني مره عند الشغاله وسالفة السيكل اصلا رابحه من نيدو امي جمعت غطيان ==> (أغطية) حليب نيدو وربحته مو سرقت السيكل بس سرقت النيدو من البقاله هههههههه مجنونها يعطيك الف عافيه والله ابداع يخليك ربي يالغالي ومشكور كثير
|
||
|
|
|
|
|
المشاركة رقم : 4 (permalink) | |
|
هههههههههههههههههههههههههههههههههههههههه ههههههههههههههههههههههههههههههههههه هههههههههههههههههههههههههههههه اجل هاذي سواليفكم هههههههههههههههههههه يسلمووو مجنونها لك مستقبل زاااهر بكتابه القصص هههههههههه تحياتي
|
||
|
|
|
|
|
المشاركة رقم : 5 (permalink) | |
|
اللللللللللللللللله يسلمكم شباااااااااب اهم شي عندي رايكم ويعطيكم العافيه على مروركم.........
|
||
|
|
|
|
|
المشاركة رقم : 6 (permalink) | |
|
مشكووووووووووووووووووور
|
||
|
|
|
|
|
المشاركة رقم : 7 (permalink) | |
|
هــلا فــيــصــل انــت الــلــي مــشــكــور عــلــى مــرورك اخــووي ........
|
||
|
|
|
 |
 |
||||||||||
| ||||||||||
| ||||||||||
|
|
|
مواقع ننصح بزيارتها | |||||
|
|
| ||||
النمط المتتابع
