هل ممكن ان ترجع لشخص خانك

14-01-2007, 12:11 AM

(( اختلاف الرأي لا يفسد للود قضية ))
هلا فييكم،،
هالموضووع حبيت انكم تشاركووني رايكم فيه...

( الخيــــــــــــــــــــــــــانه... )
لو حبيت انساان من كل قلبك ،، وظنيت انه يبادلك نفس الشعوور،، وفجأة اكتشفت انه خانك !!!!
وعقب فترة من الالم والحسرة رجع مرة ثانيه يقدم اعتذاره ويتمنه انك تسامحه على اللي سواه!!!

ايش راح يكووون تصرفك؟؟؟؟؟؟؟؟؟

بالأصح...
هل يمكن ان تعوود اليه مرة أخرى بعد خيانته لك؟؟؟؟؟؟

*انا في راايي انه هالشي مستحييل يصير لأن من باعني مو ابيعه وبس الا احرج عليه ..

واللي يحبك بصدق لوتضم السماء الارض ماخانك ..

آتمنى اني ماأمر في هالموقف ولا أحد منكم يمر فيه..
ابغى رايكم في هذا الموضوع

تحياتي لكم
مكانه الخالي
وشكراً لكم

ننتظر طرح الآراء

14-01-2007, 12:20 PM

«®°·.¸.•°°·.¸¸.•°°·.¸.•°الخيانه «®°·.¸.•°°·.¸¸.•°°·.¸.•°®»

حقيقه طرح رائع وموضوع يستحق فتح باب النقاش له وهو موضوع يتسع للكثير
من المداخلات الا انك حددته بمسار واحد ؛

وعوده الى محور النقاش :

الخيانه اذا حدثت تزيل ما قبله فلا يمكن ان نعتبر من خان محب حتى لو تمثل بالحب .

واذا فرضنا بأن من خان عاد ليعتذر او ليطلب السماح :

فمن سماحة النفس ان نقبل الاعتذار ....!! ولاكن ؟

ليس من العقل ان نعود بماضي عهدنا :

لأن المؤمن لا يلدغ من جحر مرتين .

14-01-2007, 02:21 PM

موضوع مهم جداً لكل شخص

وخاصهً الأشخاص الذين يعيشون مرحله الحب والعشق

لكن بالنسبه لي

لو حصلت لي خيانه

أكيد راح أتحسف وأنقهر على ما فعلته معه من إخلاص ومحبه وتقدير وإحترام

وهل هذا جزائي له بعد ما أعطيته كل شيء

ويقوم هو بالخيانه

هذي الخيانه راح تجرح القلب جرح كبير وتخليه ينزف بدون توقف

لكن إذا إعتذر لي على خيانته

أكيد راح أسامحه بس ما راح أعطيه الحب والإخلاص مثل أول

لأني ما أثق فيه

لأن إلي عمله معي شيء كبير وهو الخيانه

ومثل ما قلت أخوي مكانه الخالي إن شاء الله محد يتعرض لخيانه لأي أحد من أعضاء هذا المنتدى الغالي

وألف شكر لك أخوي الغالي مكانه الخالي
على هذا الموضوع المميز والأكثر من راااائع
وتمنياتي لك بحياه بدون خيانه
ويعطيك ألف عافيه وما قصرت
وعساك على القوه

14-01-2007, 03:07 PM

إقتباس:

اقتباس من مشاركة مكانه الخالي

لو حبيت انساان من كل قلبك ،، وظنيت انه يبادلك نفس الشعوور،، وفجأة اكتشفت انه خانك !!!!

+
++
+

مكانه الخالي ..
انت تقول ظنيت انه يحبك يعني ما يحب ...؟؟!!!

عموما لوكان ما يحب
وظنيته يحبني ....ما بزعل لاني ما فهمته .....

ولو كان قصدك انه يحبني وخااان !!
في اكثر من جانب ....
الجانب الاول :
لو مثلا متزوجه وخاني ...بالزواج علي او غيره ...
برجعله ليش؟؟؟
عشان ما رجع الا بعد ما عرف قيمتي ..وعرف خطأه ..
والشيء الثاني ..بكون محتاجتله ,,يعني في واقعنا ومجتمعنا المراءه اللي متزوج عليها زوجها
افضل بكثير المطلقه ...لان مهما كان حتى ولو بالاسم انه رجل بس تحس ان لها سند ...
صح ان الاخوان سند ..بس الاخوان عندهم زوجات وعيال ...
الجانب الثاني :
لوانا مب متزوجه ..وخاني ....
ما برجعله لو حتى لحس كوعه ....>>:a5:
بداله عشرين ..
مب مستعده للخيانه مره ثانيه :mad: ...
ومثل ما قالت اختي غموض فطوم
المؤمن لا يلدغ من جحر مرتين .
ويعطيك الف عافيه اخوي الغالي ..
على الطرح الرااائع والراقي
سلامي :a4:
+
++
+

14-01-2007, 05:29 PM

عزيزي مكانه الخالي
لو هو يحبني صدق مارح يهون علي اتركه طبعا اذا حسيت انه نادم مررررررررره ويبي يرجع لي
ولازم اعرف ليه خاني يمكن عنده سبب مقنع مع انه ما فيه اي مبرر للخيانه بس يمكن كان محتاجني وما لقاني ويمكن انا مقصره عليه بشي يعني فيه اسباب كثيييييييره تخلي الواحد يخون حبيبه ويمكن اصلا ما يحبك من الاساس او انت تحبه من كل قلبك وهو لا
طبعا هالكلام على حسب الخيانه الي سواها في خيانه ممكن اسامحه عليها وفيه خيانه مستحيييييييييييييييييل اقدر اني اسامحه اذا سواها
والواحد قد ما يقدر انه يسامح لازم يسامح اذا رب السموات يسامح نجي احنا مانسامح
الشر برى وبعيد بسم الله عليكم من الخيانه
تاكد ان ربي بيعوضك باحسن من الي تتمناه

14-01-2007, 07:48 PM

طرح راائع

وموضووع هادف للنقااش

أخي مكانه الخالي

في مثل يقول الي يحب مايكره

ولكن اذا حبيت وجرحني يالخيانه فأكيد مراح أكرها بس

بكون منجرحه منه

واذا اعتذر لي فبقبل اعتذاره مهما يكون بس

بتقل ثقتي فيه ومحبتي له بتقل

وان سامحته بيكون له تجربة مراح ينساها

وبالافضل قبول الاعتذاار

ألف شكر لك اخي الغالي

وربي يعطيك ألف عاافيه

15-01-2007, 01:03 PM

هو لو يحبني ماكان خاني ....

لو ردلي بعد عشريين سنه ماافكر ارده واذا رديته برد له عادي بس بنتقم منه اول شئ بخليه يذوق المر اللي انا ذقته;););)