 |
 |
 |
|
|
|
|
|
|
|
||
|
حكايه شاب وسيم
|
|||
|
حكاية شاب وسيم عمره بين 22 و23 ما يعرف عن الحب شي
ولا مره بحياته حاول انه يعرف شي عن الحب. له طله مقبوله واللي يشوفه على طول يحبه . سافر والله وفقه بوظيفة بس بعيد عن منطقة أهله اللي ساكن فيها والمكان اللي توظف فيه يمشي الحال بس زيارات البنات علي المكان هذا كثيرة وبيوم جت وحده ودخلت المكان هذا وشافت الولد هذا فأعجبت فيه و أخذت رقم المحل لأنه موجود على اللوحة برا ويوم راحت للبيت اتصلت عليه وحاولت تحتك فيه بالكلام بس حست أسلوبه جاف شوي ولا قدرت تأخذ وتعطي معه . وصار كل يوم الســــــاعة 11 المساء تتصل عليه على شان تتعرف أكثر عليه وتتكلم معاه وهو ما يعرف ايش يقول بس يسمع ويقول آيه ولا طالت الأيام على الطريقة هذي تشجع مره وسألها أنتي ايش الهدف من مكالماتك هذي ولوين تبين توصلين هي جاوبت على طول لأنها منتظره السؤال هذا قالت أبي أوصل لقلبك !!! قال طيب آنا ما اعرف شي عن الحب ولا حتى اعرف أتكلم فيه ولا افهم لغته قالت آنا بعلمك على أيديني وأخليك فيلسوف حب . المهم طالت المحادثة وجت أيام وراحت أيام وعلى الطريقة هذي وهي تعلم فيه وهو يستوعب بسرعة لين خلاااااااااااااااااااااااص حب الولد من كل قلبه لدرجه انه صار ما يقدر ينام الليل من كثر التفكير فيها وكل أصدقاه صاروا يحسون انه متغير ولا يأكل ونحف وصار يفكر كثير ويسرح كثير وأحيان يخطي باسمها وينادي أصدقاه وهم مايبون يسألونه من الاسم هذا لان من شكله مبين انه حب وخلاص أعلى مراحل الحب وصل . دارت الأيام ومرت سنه على الطريقة هذي. اتصل عليها بيوم وكان مزعوج قالها أنتي شفتيني وشفتي شكلي وعرفتي أسلوبي وصار لنا سنه الحين ولا شفتك ولا حتى شفت صورتك قالت له انتظر شوي لين يضبط وضعي وأخليك تشوفني قال.. لا ..لا.. لازم أشوفك وما راح اسكر لين توعديني متى قالت طيب الخميس الجاي راح نطلع للمكان الفلاني نتقابل هناك والكلام هذا كان يوم السبت . ( تخيلوا الانتظار كيف راح يكون من يوم السبت لين الخميس أصعب لحظات عمره كان مقضي يومه كله نوم على شان بسرعة الأيام تمشي( وصل يوم الأربعاء بدا يفكر كيف راح يكون شكلها طويلة قصيرة بيضا سمره نحيفة دبدوبه حلوه مثل ما هو راسمها بخياله . كان يفكر بكل شي . واتصلت عليه يوم الخميس قالت له يالله طالعين وسيارتنا كذا شكلها ولونها كذا ورقم اللوحة كذا قال تمام قال اسمعي آنا كل الطريق مقدر اصبر أبيك كل دقيقتين تشيكين على جوالي علشان أحس انك معاي موجودة وادري انك ما تقدرين تكلمين لان اهلك معاك صعبه بس اقل شي كل دقيقتين شيكي قالت اوكي تحركت السيارة وهو حرك بعدها على طول وكل دقيقتين تجيه تشييكه وعلى الجوال لين انقطعت التشييكات أكثر من عشر دقايق ما قدر يصبر أرسل رسالة ولا ردت عليه تردد بالاتصااال تردد و تردد كثير ما يدري يتصل آو يخاف يحرجها مع أهلها المهم قرر ويوم دق على جوالها مر من جنبه سيارة إسعاف متجهة بنفس الطريق اللي هو يمشي فيه من كثر ما هو مخبوص نزل الجوال جنبه أسرع ورا السيارة وخلى الجوال يدق ( معاودة الاتصال آليا) المهم وصل شاف حادث أكثر من رعب منظرة مافية. عائله كاملة يمين الخط منتثرة فيها أربع بنات وشايب وحده عجوز كلهم حالتهم وإشكالهم ميئوس منها بشكل خيالي . السيارة هي نفس السيارة ونفس اللوحة ونفس اللون بس كيف راح يعرفها بين البنات الأربع وهي ما وصفت له حت شكلها نزل مع اللي نزلو يشوف بقايا حلمه وبقايا أمله صار يناظر يمين يسار ولو يشوفها ما راح يعرفها !!!!!! سمع صوت جوال يرن حاول يتبع الصوت لقا وحده من البنات ماسكه الجوال ويرن بيدها وهي شبه ملطخه بالدم ومافي آمل من إنها تعيش آلا بعد إذن الله شاف اسم المتصل بجوالها لقا مكتوب!!!!! ( آمل عمري) قال يمكن هذي وحده من صديقات البنت هذي لكن بدون شعور رفع الجوال وناضر للاسم اللي هـــــو ( آمل عمري ) وفتح الرقم وكانت الصدمة انه شاف الرقم حقه لان الجوال لقاه مع وحده كان الجمال ما أنخلق لغيرها بس للآسف فارقت الحياة وانقلبت اسعد لحظات عمره بثواني إلى أتعس أيام العمر الرقم لقاه رقمه ولقا اسمه مكتوب ( آمل عمري ( صدمة خلته ينهار ويغمى عليه وانقلوه معاها للمستشفى هي انتقلت إلى رحمة الله بس هو عاش آو اقصد ما عاشت الضحكة بعدها يوم . وترك الوظيفة وتعقد من عيشته وصار يكره نغمة الجوال ولا يتكلم مره غير إذا كان مجبور انه يسولف ويكره أي واحد يجيب أبجدية كلمة حب عنده سافر عن المنطقة اللي كان موظف فيها وتعرف على آمل عمره اللي أنــــتــــها فيها . واخذ عهد على نفسه انه مايجي المنطقة هذي آلا بنفس اليوم اللي توفى فيه حلمه وصار كل سنه بنفس اليوم يسافر للمنطقة ويمر نفس المكان ويجلس فيه ساعة ويرجع لمنطقته... :::::::::::::::::::::::::::::::::::::::::::::::::: قصيده يرددها كل من في المستشفى فهي قصيده على لسان سيدة وقورة ترقد في احد المستشفيات منذ سنوات قصتها مبكية الحقيقه .. تقول هذه السيدة قبل سنوات جاء زوجي وطلب مني اروح معاه السوق وقالي اشتري اللي تبين وبأي سعر واشتريت افخم الثياب واجملها وجميع المستلزمات للبيت وغيره ..ورجعت للبيت مسرورة وفرحانه.. فجأة ... قالي زوجي كل هالاغراض مو لك .. هذي لزوجتي الجديدة وانتي الحين طالق .. بعد هالحادثة اصيبت الزوجة بجلطة وغيبوبه جلست في المستشفى .. ولا احد يزورها غير اخ لها زارها كم مره وبعدين بطل لما طالت المدة ولازالت موجودة في المستشفى والكل يعرفها وحافظ قصائدها وكلماتها ولما تسألها عن قصتها تبكي بحرقه وتردد قصائد توجع القلب لانها ولهانه على اولادها ولا تدري عنهم شيء فالكل هجرها .. وهذي احد قصائدها تقول فيها: تكـفـيـن يـاطـيـور حـــرار افـزعـيـلـي ...................ابي عن اديار الاهل منـك الاخبـار تكفـيـن حـومـي فوقـهـم وارجـعـي لـــي ..................والا ان حصل لك حومة داخل الـدار تكـفـيـن حـــول ابيـوتـهـم دوري لــــي .......................سبعة فروخ يوم اخليهم صغار شـوفـي ضـنـاي وعــودي وانكـفـي لـــي ........................وشلونهم ياعلهم صارواكبـار نسـيـوادفـاي ونـومـهـم فـــي شلـيـلـي ..................وش علمهم ياعلهم طول الاعمـار قـولـي لـهـم أن امـكــم لـــه عـويـلـي ..................خمسة سنيـن دمعهـا دوم مـدرار وقـولـي لـهـم انــي عـلـى طــول ليـلـي ...........................انوح ولياقرب الصبح انهار وقـولـي عيـونـه دايـــم لـــه همـيـلـي .....................تبكي لياشافت من النـاس زوار كـل يـوم اقـول اغـدي حديـهـم يـجـي لــي ........................راحت سنين مابهم واحـد زار وانـا الـلـي مــن سـبـة ســوات الحليـلـي ........................حالي تردت كل ماله وتنهـار وفـرقـى ضـنـاي الـلـي تــردت بحـيـلـي ...............كني على شوفتهم اصلـى علـى نـار يـاويـلـي كـــان الله عـجــل رحـيـلــي .....................وانالي سنين ابي لوهـي اخبـار ياعـونـة الله الله مــن يـبـي يتـكـي لـــي .................جارت علي بامرالولي كـل الاقـدار تـنـكـروا مـــن يـدخـلــون الـدخـيـلـي ..................واللي بوسط ديارهم يامـن الجـار قـولـي لـهـم ياطـيـور قـلـبـي علـيـلـي ..................الله يكافي قلوبهم صـارت احجـار وانــا الـلـي لـبـراق الخـيـال استخـيـلـي ..........................واقول ياعل (......) للامطار .تكفـيـن وســط ديـارهـم صـوتــي لـــي ........شوفي عسى لاسمـي مـع النـاس تذكـار وقـولــي لـمــن نسيـانـهـم يستحـيـلـي ...................يااللي نسيتوها تـرى الوقـت دوار يـاهـيـه يـالـلـي بالسـمـالـك هـديـلــي .......................ردي خبر تكفين يكفيني امـرار شـوفـي اكاالـلـي نومـهـم فــي شلـيـلـي ...............من اذانه المغرب الى وقـت الاسحـار شـوفـي اكاالـلـي مااهتـنـي فــي مقـيـلـي .........................الا بمقيل معهم كباروصغـار وقـولـي لـهـم ان كــان حمـلـي ثقـيـلـي .....................مره يجون وعقبها شي ماصـار وانـــا يـتـولانــي كــريــم جـلـيـلـي .....................ياعلني في جنته وسـط الابـرار :::::::::::::::::::::::::::::::::::::::::::::::::: هل كلمة آسف تداوي الجراح كان هناك شاب عصبي و كان يـفـقد صوابه بشكل مستمر فـأحضر له والده كيساً مملوءاً بالمسامير و قال له : يا بني أريدك أن تـدق مسمارا في سـياج حـديقتنا كلما اجـتاحتك موجـة غـضب و فـقدت أعصابك ... و هكذا بدأ الشاب بتـنـفـيـذ طلب والده ..فدق في اليوم الأول 37 مسماراً و لكن إدخال المسمار في السياج لم يكن سهلا فبدأ يحاول تمالك نـفسه عـنـد الغضب .. و بعـد مرور أيام كان يدق مسامير أقـل .. اكمل بعد تعليقاتكم المميزه... و بعـدها بأسابـيـع تمكن من ضـبـط نـفـسه .. و توقف عن الغضب وعن دق المسامير فجاء إلى والده و أخبره بإنجازه فـفـرح الأب بهذا التحول و قال له : ولكن عليك يا بني باستخراج مسمار لكل يوم لا تـغـضـب فيه و بدأ الشاب من جديد بخلع المسامير في اليوم الذي لا يـغضب فيه حتى انـتـهـى من كل المسامير في السياج . وجاء والده و أخبره بإنجازه مرة أخرى فأخذه والده إلى السياج و قال له : يا بني انك صـنـعـت حـسـناً.. ولكن انـظـر الآن الى تلك الثقوب في السياج ، هذا السياج لن يكون كما كان أبداً . وأضاف: عـنـدما تقول أشياء في حالة غـضـب فإنها تـتـرك آثار مـثـل هذه الثـقـوب في نفوس الآخرين تـستطيـع أن تطعن الإنسان و تـخـرج السـكـيـن وتقول : (( أنا آسـف )).....ولكن ولكن الجـرح سـيـظـل هـناك ..!! السلام عليكم ورحمة الله وبركاته تعالو اقرو الرسالة اللي جننت البنات الورقـــة اللــي جـــــننت الــــبنات الورقه اللي جننت البنات يقولكم فيه عجوز على فراش الموت وما عندها إلا ولد واحد .... وهي على فراش الموت قالت له وصية خذ ياوليدي الورقة هاذي ... وأي بنت تشوفها ( بأي مكان ) إفتح لها الورقة ( وخلها تقراها ) وياويلك (( إذا قريت اللي فيها )) أنت ما تشوفها ماتفتح الورقة .... إلا إذا وافتك المنية ... وقربت تموت قالها إبشري ....... وماتت الأم ====> الله يرحمها حزن الولد حزن شديد .... وضاق صدره بعد مده .... قال لازم أنفذ وصية أمي طلع للشارع .... وبالصدفة وهو مار من عند ( محل كافي ) قال يالله ... اضرب لي فنجال اقهوة أعدل الراس فيه دخل المطعم ........ طلب قهوة جى لمه الجرسون طلع الجرسون( بنت)... وقدمت له القهوة وهو يشرب القهوة ... قال ليه ما أوريها الورقة ... فكرة والله قام أخينا بالله وفتح لها الورقة البنت على طوووووول ... قامت تصارخ عليه ياللي فيك ومافيك ... يالخسيس .. يالحقير ياقليل الأدب .... يا عديم الذمة يا عديم الضمير ... يا منحط ... ياسافل الرجال .... طايرتن بوهته (مستغرب) ... مايدري وش السالفة جاء راعي الكافي .... وطرده المسيكين ضاق صدره ... وحزت في خاطره قال أكيد البنت هذي مجنونة ... أكيد فيها شي طلع من الكافي ... ومشي في الشارع ... وبالصدفة لقى ملاهي ... قال أبي أدخل فيها دخل الملاهي ... وراح يلعب فيها راح إلى لعبة تصادم السيارات ====>يحبها من يوم كان صغير مالقى ولا سيارة فاضية .... شافته بنت ... قالت له .. تعال إركب معاي الرجال إنبسط ... فرح ... ركب معاها ... وقام يلعب وسواليف ... وفله حجاج .. وسعه صدر وبالأخير .... عزمته على آيسكريم .... إنهبل ... ماصدق خبر راحوا يشترون آيسكريم ... وقعد يسولف معاها قال أبي أوريها الورقة ... أكيد تختلف عن البنت اللي في الكافي ... فتح لها الورقة البنت على طوووووول ياللي فيك ومافيك ... يالخسيس .. يالحقير ياقليل الأدب .... يا عديم الذمة يا عديم الضمير ... يا منحط ... ياسافل صطرته ولعنت خيره.. وهج منها برضه الرجال .... مايدري وش الطبخة ونفسه يقرأ اللي في الورقة ... لكن أمة ... محذرته راح للبيت ... مر على مطعم ... قال ليه ما أتعشى طلب عشاء كبسه رز .... أدهر فيها بالبيت ... وشبع بالليل عوره بطنه ... قام يتوجع ... الظاهر فيه ( زايدة ) طار للمستشفى ... سووا له عملية زايدة يوم صحى من النوم ... شاف الممرضة قدامة ... قال أكيد هذي تختلف عن الباقيات هي بترحمني ... أنا مريض ... وراح تعطف علي وقام أخينا بالله ... وورها الورقة البنت على طوووووول ياللي فيك ومافيك ... يالخسيس .. يالحقير ياقليل الأدب .... يا عديم الذمة يا عديم الضمير ... يا منحط ... ياسافل وقومي وأحذفيه من الدريشة إنهبل الرجال ..... جن جنونه .... قال مالي قعود بالبلد هذي ..... أكيد كلهن مجانين مالي إلا السفر ..... خارج الديرة هذي قص تذكرة على اول رحلة خارج البلد .... ركب الطيارة وقعد في الكرسي ... جت المضيفة تخدمــه ====>بنت ... أنتم عارفين وش بيسوي لها جابت له العصير ... وقال بإذن الله راح اوريها الورقة أكيد هذولي البنات .. طبقتهم فوووووق ... لأن مستواهم عالي .. ومحترمين فتح الورقة لها .......... والبنت على طوووووول ياللي فيك ومافيك ... يالخسيس .. يالحقير ياقليل الأدب .... يا عديم الذمة يا عديم الضمير ... يا منحط ... ياسافل والله لأنادي لك السوبرفايزر ... أشتكيه عليك جاء السوبرفايزر ... وسمع القصة من المضيفة قال ..... أبداً .... أبداً .... مالك قعود بالطيارة هذي ... أبداً ما فيه إلا حل واحد ........ مافيه غيره .... نرميك من عند باب الطيارة =====>والله ياناس رحمتـــه إنهبل الرجال وإنفقعت مرارته .... وبرضه ما يدري وش الطبخة ..... قال لهم معزمين على الدفه من الباب قالوا أبد ... من عند الباب ... قال شكواي إلى الله اللهم إني أنفذ وصية أمي ...... طيب ... أنا عندي طلب ممكن ...... قالوا تفضل قال لهم ... وأنا واقف عند الباب .... قبل ما تدفوني على الأرض .... ودي أقراً الورقة لأن سالفة أمي كذا وكذا ... وقالهم إن أمة موصيته إنه مايقرأ الورقة ... إلا إذا جاء يموت وهو أكيد راح يموت لأنه بيطيح من الطيارة ... وهو واقف على الباب ومفتوح حاسهم الهواء ... عجزوا يسوقون الطيارة وعلى وشك إنهم يدفوووونه عشان يطيح .... فتح الورقة ..... عشان يقراها أخينا بالله أول ما إنفتح الباب ... فتح الوررقة وش صار له طارت الورقة ودفوووووه من عند الباب وطاااااح ومات المسكين وهو ما يدري وش في الورقة وأنا كمااااااان .... ما أدري وش فيها يا حرااااااااااااااام ...... والله رحمته حرقت اعصابكم صح... ادري ودكم تذبحوني ...:a49: بس ترى ما سويت شيء.. :::::::::::::::::::::::::::::::::::::::::::::::::: ::::::::::::::::::::::::::::::::::::: ارجو ارسال التعليقات باسرع ما يمكن |
|||
|
![[ المزاج ]](images/Pink-Candy/Pi-Ca-10.gif)
|
|
||
|
ههههههههههه ,,
هلا والله مرجوجه حياك ,, مشكوره على القصه يالغلا ,, نتتظر القادم الاحلى ,, تحياتي ,, مــخــ الليل ــاوي ,, |
|||
|
|||
|
|
|
|
||
|
ههههههههههههههههههههههههااي
مشكوره اختي مرجوجه على القصه |
|||
|
|
|
|
||
|
مشكورة اختي على القصه
والله يعطيك العافيه تحياتي |
|||
|
|||
|
|
|
|
|
||
|
اشكر كل اللي ارسلو التعليقاتشكر كبيررررررررررر
وارجو المزيددددددددددددددددددددددددددددددددددد |
|||
|
|
|
|
|
||
|
طيحت اعاصبي معاه
الله يرجك صدق لقالولوا مرجوجة اسم على مسمى |
|||
|
|
 |
 |
![[ .. تصميم .. موعود .. ]](m-ramadan/images/m-ramadan_08.gif){kind=small} |
النمط المتتابع
