يبه شلونك ؟؟ ملل هالكون من دونك .. ((مرثيه))

21-10-2006, 10:52 AM

يبـه شلـونك

يبه شلونك...ملل هالــكــون من دونك ..

يبه شلونك ؟؟وتمضي رحلة الدنيا..

بليا طلة عيونك..؟؟!!

يبه شلونك ؟؟وشلون المرض وياك ؟؟

بعد ماهدك بدنياك..عساها تغمض جفونك ؟؟

تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟

.. يبه امي تخيلك دوم...تغني لك مع القمرا..

يبه واللي خذاك بيوم....خذا بنيتك بكرا..

خذا.. وياماخذا.. وياما..خذا ناس يحبونك

يبه حنا صرنا كبار..توفقنا وتخرجنا..

يبه ماعاد فيه صغار..يموج بهالزمن كل شي..

وحنا ماتموجنا..على ذاك العهد نسري..

نبيع العمر والدنيا..ولا تخلف بنا ظنونك

يبه شلونك ؟؟تبي تدري عن اخباري ؟؟

عن افكاري وتذكاري ؟؟

اشيلك داخلي جمره ..وبعيون الحزن عبره..تغرقني .. وتحرقني..

اشوفك نجمة تجبر..مراعيها .. يراعيها..

واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى !!

يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يايبــه ..
ملــــــــــــــل هالكون من دونك
يبه وينك ؟؟ .... ولهت لنظره من عينك ....
يبه وينك ؟؟
اشوفه طوّل غيابك !! ... و من ودّاك .... ما جابك !!
قالوا ما يدوم الزين !! ... و انا عندي امل للحين ..
و لكني اعرفك وين !!
يبه وينك ؟؟
عسى الداعي يبه بس خير ؟!!
عساك بخير .... مداين تكرم لعينك ...
بس ارجوك علمني ...
علمني .. يبه وينك ؟؟
سألت امي عن رجوعك ... ولا كني اعرفك وين !!
و قالت .. ما يدوم الزين !! ... و انا .. عندي امل للحين ..
في رجوعك !! .... يبه بس تكفى علمني ....
متى رجوعك ؟؟ .... يبه بس تكفى علمني .
وش احلى من طلوع اثنين ؟؟
طلوع الشمس .... و طلوعك
يبه وينك ؟؟
سألت امي ...... غيابك طال ؟؟
ولا كنّي اعرفك وين !!
و قالت مثل ما قالت .. حسافه ...
ما يدوم الزين ... مع كل هذا صدقني .. انا عندي امل للحين !!
سؤالي عنك يالوالد .. صار كما الموال
و اشوفه طال ... والله طال ..
حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه ..
يبه ..
ارجوك علمني ...
تشوف اللي انا اشوفه ؟؟
انا اشوفك نهار و ليل ...
في وسط المجلس تصلي .. و تدعي الرب ييسر لي ..
يبه ..
ما عاد بي من حيل .. وين الحيل ؟؟
و انا اشوفك نهار و ليل .. مع اني ادري ما ترجع !!
غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !!
يبه .... وينك ؟؟
و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..
و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !!
يبه.. كل جرح في الدنيا .. مصيره بالدوا يلتم ... و لكن البلا من جرح ..
نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!!
ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما
تـلتم ..
بس عندي امل للحين !! ... و لا كنّي اعرفك وين !!

يبه .. ذكراك تفرحني ....
في نفس الوقت تجرحني !! ... لا من جبت في طاريك ... دموعي غصب تفضحني ....

يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هـالناس .. كل ٍ كان في بيتك ضيف ..
الا يا حيف .... الا يا حيف ..
زمن قاسي .. زمن قاسي ...
اخذ مني بلا رحمه ... اخذ مني اعز ناسي !!
و خلاّ لي سهر هالليل .. في عيني ضيف .. الا يا حيف !!

يبه وينك ؟؟
تعال و شوف ...
كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..

يبه وينك ؟؟
تعال و شوف .. صحيح الدنيا ما ترحم ..
تجرعنا التعب انواع ... و لكن الأمل ما ضاع ..
و انا عندي امل للحين !! ... و لا كني اعرفك وين !!

يبه تذكر شطانـتـنا ؟؟
انا و اخواني و اخواتي ... معانا عيال حارتنا ..
نلعب في زوايا البيت .. يبه ... والله انا حنيت ..
لذاك الوقت في وجودك ... الا يا ريت ... الا يا ريت ...

ترجع .. يا يبه حنيت ..
حسافه الدنيا ما ترحم ...
خذت منا سعادتنا ... خذتك بعيد .. و خلتنا !!!

يبه امي تذّكرنا ... بأيامك قبل ما تروح ... تناديها.. يا روح الروح ..
تغازلها و تنظر لك .. مثل طفله ... ملامحها عشق مفضوح ...

في ذاك الوقت .. كنا صغار ...
معَ هذا ... كنا نغار ..
عليها .. او بعد منها ... كنا نغار
نحبك يا يبه ... ارجع .. مثل شمس الفجر .. اطلع
حزينه الشمس في غيابك .. و نفس الحزن في احبابك .. واخاف الشمس من حزني ..
تغيب و ما بعد تطلع !! .. يبه ارجع !! ... اذا لي خاطر فـ قلبك ..
تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..

لكن قلّت الحيله ... و يمكن مـ البطا ضاعت ..
و قلنا يوم !!

يبه سامحني بترخّص ... قبل ينشف حبر الأقلام .. كلامي بعده ما خلّص ..
و لكن موعد الأحلام .. حان ..
ولازم اوفي له.. بعد ما ضاعت الحيله .. اشوفك والوعد باكر !!
اذا فكّر يجي باكر ..!! .. و برجع اسألك وينك !!

بس لازم تجاوبني .. ترى عندي امل للحين !! .. و لا كني اعرفك وين ..!!

يبه شلونك ؟

ملل هالكون من دونك
يبه شلونك ؟
وتمضي رحلة الدنيا ... بليا طلة عيونك
لاجل هذا ... وكل هذا ... اقول اليوم يابـيـي

ملل هالكون من دونك منقووول النص الذي في الاعلى هو احد أجمل نصوص الشاعر مسفر الدوسري
هي قصيدة كتبها رثاء بوالده رحمة الله عليه

21-10-2006, 03:02 PM

صح لساان ناقلها ,,,
تسلم أخوي على المرثية الراائعه ,,,
يعطيك الف عاافيه ...

22-10-2006, 09:06 AM

الله يعافيك طـيـ( الحـزن )ــف

على المرور الجميل

***انا بنت

22-10-2006, 07:33 PM

مشكووره أختي(اًهات الذكريات)
على المرثية

22-10-2006, 07:48 PM

المسافر

يعطيك العافيه على المرور

آهــــــــــات الذكريات

22-10-2006, 07:51 PM

تسلم أخوي على المرثية الراائعه ,,,
يعطيك الف عاافيه ...

وننتظر يديدك...

01-11-2006, 10:05 PM

400)this.style.width = 400;" border=0>

وشلون نقرا وما نبكي ...وشلون نتذكر وما نبكي

انزلت دموووع البحار يا هذا ...فشكراً

وتقبل عزاء البحار

03-11-2006, 03:26 AM

[GLOW="0000FF"]آهــآت الذكريـآت [/GLOW]

أراكِ تبتدأين كما بدأ بي أنهياري..

ولكن لحبركِ صهيل فرس جامحه تأبى أختياري..

وتلوذ الى حيث أسطرها..واورقتها..

وعلى غرار ما قد حُفر في جوف القلب بالامس يتماثل الهمس للشفاء..

وتبيض صفحه..وتحمر دمعه..وتزرّق ليله..وتصفر شمعه..

وفي جانب طاولة الأيام يمتثل أثنان للحضور في موعدهما..

وأتسأل عن مصير الزهره التي ستجمع أبهام رجل وسبابة امرأه..

وبين الوجهين مساحه ملأها ضحكات وأبتسامات..

وعينان لهما حديث النجوم ..

وما بين الشفاة العطشى تتناثر هموم..

يقبض بها احدهما وينتزع الشر من اعماقها..

ويعيدها الى مكانها كفراشه تحلق في سماء العشق بحرّيه..

والكلمات ثكلى على متن كاتبها..

والمعاني لها صرير القلم..ولها ذائقها..

والحروف كركب الخيل..وفي المعارك هيبتها..

والحبر..طلاء الدم..ونزف القلب..والحزن مسافتها

ونحن ما بين الخيالات وبين الحقائق نتفنن في لوحتها

ولكم تغنّى..رقيبٍ بمرتقب..

وكم تمنّى الحالم أن يتنفس حلماً بهِ ينطلق..

ويترك زمن الجدث المحموم المنتحب..

الحزن تمردا..على الأخداد بدى خيطاً مُدمعٍ غدِق..

وقريباً مني..كقريناً لي يوشك أن يكتئب..

ومارج..لجّاجٍ قال..قال..كفاك هزلاً ورشقاً لعينٍ بلقائك ترتقب..

وويله في نهارٍ وليله أخشى على ذكراها أن تُسترق

وصيحه لها نُطيحه..وويحه..عزفها المجون بي ملتهب..

وتبرئه ناقصة الدلائل لها في عمق حنيني غسق

سماءها صفوه..وتحت سقفها لا يبدو لقلبي أنه مستتب

تودعني ليلاها..وبين ذراعي ترقد نجماها

هذه هي السردميه التي ستودي بحتفي يوماً فأحترق..

وهذه هي طلاسمها..وأباريقها..وعطرها

هذه زواياها تقبع داخل غرفتي..وذاك تمثالها

وذاك كتابها..وأساورها..عليهما أحرفًُ من دمها..

وتيك أدمعها..في قلبي..في عمق وريدي موقعها..

وتعلم أني بغيابها أدميت أرضي شوقاً لأرضها

وتعلم ان عبيرها وشذاها لا أستنشقهُ إلا على مرآها وموعدها

الليل ضرير..ضرير..منذ أن غابت قُمريتها..

والنهار..من شجارٍ في شجار..كيف أختلى بها مغربها

وبحيره لآجلها قد جذبت..فبكت على صرختها

سألتها..مالذي يبكيك..أجابتني دمعة مُقلتها

أنني أذبل..فلا تحاول أن تقرأ مافي عيناي

وخذ بيداي عانقهما..دللهما..تلك هي آخر أحرفها..

آهـ من صمتها..

كم بكى القلب من إغماضةِ عينها..

وكم تسارع النبض لحظتها..

أناديها..بأسمها..وتسميتها..

ذبلت..وذبل على صعيدها حديقةًُ بأكملها..

رحلت..ورحل على إثرها بسمة مدينه بأسرها..

وخيم الحزن..وأستوطن البكاء..وتشققت الأحداقـ..

وترياق الدمع يطوق حياتي بذكرى حسينة المذاقـ..

فما تمزقت صفائح القلب لأحدٍ سواها..

وما أضمحلت أنفاسي إلا بهمسها..

وما كتب لي هذه النهايه الوخيمه إلا رحيلها..

وما أعلنت قط التوقف عن الحبر إلا بومضه ساحره أكتبها بقلمها..

ومالا أمتلكه اليوم..حتماً سأقتنيهِ غداً

حيث الوجه الآخر لهذا العالم..

عالم

من

إيقاع

دمعها

والكلمات ثكلى على متن كاتبها..

والمعاني لها صرير القلم..ولها ذائقها..
ما أجمل صرير القلم حين يحبو على سطور الورق
يسجل جرح القلب هنا او هناك
هو الجرح لا يشفئ ولا يبرئ
ممها اضاة الشمعة
ومهما درفت الدمعة
لتبكي على ماضي

متى يتوقف النزف ومن يوقف ذلك النزف من ذلك القلب ؟؟ سؤال لا نجد لها إجابة

آهـآت الذكريــآت تنقلت بين سطورك ابحرت على نزف المشاعر ووصلت الى قناعة ان جرح القلب لا يندمل
ومن خلال ابحارى في ذلك النزف الهادر بللتني دموعي ونزيف القلب

وذلك كان نزف آخر أراه هنا او هناك

~*¤ô§ô¤*~آهــآت الذكريـآت~*¤ô§ô¤*~
,,
نصمت لنبوح

ونبوح لنصمت

نكتب ونعبر عن مافي صدورنا

نرتاح بكتم احزاننا

هكذا نحن

لا يعجبنا حالنا

ولاتروق لنا الامنا

ودائما نشكو احزاننا

لوقت ضاع من ايامنا

,,
,,
,,
,,

~*¤ô§ô¤*~اختي الفاضلة~*¤ô§ô¤*~

،،
،،
،،
،،

لاتحزني كفكفي دموعك

ولملمي شتات نفسك

فلست وحدك الحزينة

فما اكثر احزانى والاحزان

تمضي بنا دروب الحياة

لا نستطيع حتى ان تحين منا التفاتة للخلف

لان كل شيء يمضي وتبقى الذكريات

نتجرع مرارتها ونقاسي لوعتها

وننام على جفن الأسى

فكم ليلة هدهدني الشجن

والتحفت غطاء الأنين

ومهما حدث فان الحب يبقى واحة وارفة الظلال

حاولي ان تتحاشى الحزن فقد ادمى قلوبنا

وارسمي ابتسامة للغد

ولوني الدنيا بلون الزهر

امنيت ان يجعل الله دروبك مليئة بكل الوان الفرح

بالحب تنبت ورود المنى على جنباتها

تحية لهذه المعزوفة الرائعه

التي حلقت بنا بين السحب

وهذه الحروف التي تقطر عذوبة وجمال

سنبقى ننتظر منك كل جديد

لكى كل التحيه والتقدير

اخوكـ

[GLOW="FF0000"]معـآند جروحــه [/GLOW]