لاتتعبيني يكفـي القلـب مجـروح
لاقلت احبـك اسكتي...واسمعينـي

ماجيت ادوّر فيك لوعـات وجـروح
جيتك وانا كلي امـل ...تسعدينـي

جيتك وانا كلي احاسيس ووضـوح
جيتـك ابـي لوساعةٍ...تفهمينـي

والله ماغيرك سكن داخـل الـروح
ولاغيرك انتي وسط قلبـي وعينـي

والعاشق اللي يعشق بصدق مفضوح
لو جـا يـرد الشـوق لازم يبينـي

لاتساليني وش ورى الهم والنـوح
وفي عز جـرح القلـب لاتسالينـي

ياليتني اقدر علـى البـوح وابـوح
ان كان ماشفتي الشقـا محتوينـي

ياللي تحسبين الهوى لعب ومـزوح
شوفي سواة العشق والهـم فينـي

بعض الغرام ايجيله ايـام ويـروح
وانتي غرامـك بالحشـا مبتلينـي

لاتتعبيني يـادوى القلـب والـروح
لاقلت احبـك اسكتي...واحضنينـي.




اعجبتني وقلت انقلها للغالين

تحياتي :a8:

شــــــــــــامخ بروحه

صح لســــــــــــــانك على نقل حروف مشاعر البوح



أشـــــــــــراقة