مجموعه اشعاار
اهديتهاا لصديقااتي
من مجموعه شعراء
انشالله تعجبكم
اه لو تدري عن الحب الكبير.
........لك بقلبي من بعضهم ماتغير.
*بس مااقوى العيش فالدنيا وحيد.
.......والعمر ياعمري الثاني قصيـر.
*ايه اجاملهم ولا عندي خيار.
.......عادتي مع كل من جاني عشير.
*ودي ان الناس حولي يكثرون.
.......وكل ماجت سيرتي معهم بخير.
*وكلهم غيرك يعرفون بوضوح.
.......انك الاول عليهـــــم والاخيــــر.
*انت وضعك غير وتشوف الدليل.
.......اني اخترتك وراضي بك مصير.
*انك تقارن نفسك بهم هذا حرام.
........علهم يفدون خنصرك الصغير.
*لا تخل الشك يحرمنا جميع.
.........من غرام ماهقينا انه يصير.
أحس الحزن فحروفك ودمعاتك تبـــعثرني ... ولا ودي أشوف بيوم شخصك ياغلا محـــزون
تشتتني معاناتك وهم القلب يعصـــرني ... ياليت الحزن لي داخلك يصبح داخلي مدفون
أكيد يهمني أمرك وابي انك تخبــــــــرني ... بمكـــنون الخفوق وكـل ما يحمله هالمكنون
ابجبر كسر قلبك وانت مش لازم تجّبرني ... كفايه شوفتك يا زين والبسمه تنير الكـــــون
اجيك بشوق متزايد وصدق الود يغمــرني ... ولاهو قول شاعر يفعلون بعكس ما يقولـــون
انا صادق فاحساسي ولابه شي يجبرني ... على اني أخدعك والله تراك انته علي ماتهون
نعم شاعر ولي ميزة بأن الهجر يقهــرني ... ويجبرني أعبر لـــك بكلماتي فــــرح وشجـــون
غيابج غيّب أفكاري وزود الشوق فجّرني ... واذا كنتي انتي مينونه تراني بسبتج مينون
مـن يقـول يخلـق مـن الشبـه اربعيـن
هذي عيونـي وحدهـا مـا مثلهـا مثيـل
وهبها ربي كل الحـلا واعطاهـا الحنيـن
بشوفتها تـداوي كـل مـن كـان عليـل
املكت قلبي وعمري مـن بـد هالعالميـن
ولو وهبت لهـا اغلـى مـا املـك قليـل
وش حيلتـي لـو كانـت اغلـى الغاليـن
وهي لعيونـي النـور وهـي لهـا الدليـل
السماء يحليها النجم وهـي حـلات العيـن
طلتها علي وبسمتها قمـر يضـوي الليـل
برقة اسلوبها تعلـت فـوق كـل المزاييـن
حبها يجري بدمي وعروقي جريان السيـل
بقربها تحلا ايامي وتعذب لو تغيب يوميـن
هي بالنسبه لي الاهل وكل الاحباب والخليل
أحبك وعساني منحرم منك يا اغلى الغاليـن
أحبك يا عيوني لو كان الكون كله عواذيـل
ويارب يحفظك من كـل شـر اللهم آميـن
ويصونك لي .. ويبعد عنك كل شخص ذليل
يا عمري الدنيا ماتسوى تنام وخاطرك زعلان
ولا به شي يستاهل يخلي قلبك يعاني
طلبتك كان لي خاطر تباعد عنك الاحزان
فديت عيونك الحلوة تبسم لو على شاني
حبيبي صار لي مدة اشوفك تايه وحيران
و انا والله لو شفتك حزين تزود احزاني
انا احبــــــــــك ولا ودي تعيش بدنيتك ندمان
ترى الايام محسوبه وتالي ذا العمر فاني
تصدق بسمتك والله تفرح خاطري الولهان
يطير من الفرح قلبي واعيش بعالم ثاني
ولا من شفتك بضيقه احس اني انا الغلطان
اعاتب نفسي بنفسي ولو ماكنت انا الجاني
غلاك بداخل عروقي ولا يوصل غلاك انسان
يمر الوقت ويثبتلك غلاك من الله احياني
بضحي بعمري لعيونك تنام انتا وانا سهران
وانا دي جروحك لقلبي وتجي واحد ورا الثاني
مــن غــبــت عــنـي وكــنـّـي فــاقــد ٍ نـاســي
...............ما يــسـعــد الـعــيـن إلا شــوف غـالـيـهـا
أسـري بـك الـحـلـم فـي عـقـلـي مـع أنـفـاسي
...............وأعـيـشـك أجـمـل مـن اللحــظة و مافـيها
وأضماك (!)وأرجع (أبل !)الريق من كاسي
.............. وأشربـك (!) وأروي عـطش قـلبي بتالـيها
وأعــل مـن مــنــهــل الـعــشـاق وأواسـي
.............. وأرجـو الـمـنـاوي تـرجـع لـي لـيـالـيـهـا
يـالـحظـة الشوق لـيـت الشوق مـب قاسـي
..............ولـيـت الــلـيـالي تـحـقــق لـي أمـانـيـهـا
مـاتــدري أنــك تــشـكــل قــمـة إحــسـاسـي؟؟
..............ومـواجعـك فـي صـمـيـم الـذات مـدعـيـها
وإنـي عـلـى شـوفـتـك أسـري بـهــوجـاسـي
..............وأخـذ من الـوقــت فـرصة عـمر تـكـفـيها
أدريـبــك إنـي إذا مـن غــبــت مــب نـاسـي
..............وأنا أدري إنـك هـوى نـفـسـي وطـاريـها
عــمــر إلــشــقـى مايـبـّـيـح لـلـمـلأ يـاســي
..............إلا (شـعـور إلـخـوافـي) كـيف نـخـفيـها
حـــلات الحــــب يـــا خـــلي مزايا=ولا يـــدرك مـــزايــاهــا حــبـيـبي
ملكــــت الـــكل فــي قــلب الحنايا=وقـــــلبك يــــا منــاتــي ما يطـيعي
دريـــت انـــــك لحـــروفي ســجايا=ونظم (ن) صغته من فكري وحنيني
أنا مـــا هـــمنــي قــول البــرايــا=مـــدامــك كــنت فــي حبي طليبي
لــزمــت الشـرع وهذا هو منايا=ولا عــديت شــرعن فـي سنيني
كــفـايـا يـا حبيــبي مـن البـــقايا=بقــايــا الـــروح تـهنا لــو قريبي
بــودعــك مــاخــذه همي وعنايا=إذا هــــذا طلــبــك ولا تــخــيــبي
يـــالــيتــك تــفهـم المعنى ورجايا=تشوف الحل من شعري وقصيدي
صباح الورد يا خلي يلامس وجنة المشتاق
..... صباح الشوق لاهل الشوق كل الشوق يهنا بكـ
صباحك يا خويّ العطر تتعطر معاه أعناق
..... تهل بطبعك الرايق ومن ريقك حلا اصباحكـ
صباح يصحي اللهفة وقبل الفجر هل اشراق
..... ضيا وجهك يصحيني واعرف ان الفجر زاركـ
بهمسات الغلا تهمس تحاكي خاطرن تواق
..... تلامس خافقي بكلمة أحبك تفضح أسراركـ
تناديني بعذب الصوت يا مريم حبيبك فاق
..... علامك يا ربيع العمر مختبية بأحلامك
وانا ما بين همساتك اخبي داخلي لشواق
..... عليك اتغنج بطبعي احب اجنن احساسك
ولكنك تعرف الي يذوبني وكيف انساق
..... تجي وتقول يا عمري حبيبك حيـــل محتاجكـ
أفز ولهفتي لاجلك ولحضانك اجي منساق
..... اذوب بشوق يغمرني تلحفني بأنفاسكـ
حبيبي يا حلو اصباحك بقربك كل شي راق
..... أبيك بفجرك وليلك يَزين الوقت لا جابكـ
من عرفتك ونت تايه من مواني لي مواني
وتارك قلبي مولع من وجيده في وجيده
ضاعت سنيني أحد بهاليالي وتحداني
ونت ما تشبع غياب ولا تخاف من النجيده
ودي اتحمد لك الله بالسلامه ما مداني
كل ما توصل برحله ترجع برحله جديده
دام تدري كل وجه غير وجه الله فاني
ياخي اكسب لك ثواب وخاف ربك في عبيده
كان فينى عيب قلي فينى العيب الفلاني
كان هرجي مزعلك في شي قلي لا تعيده
عيب تصغر في عيونى ونت برقاب الغواني
ليه تستسهل طعوني ونت خابرنى وليده
لعنبوك ان مت بيدك وش يفكك من خواني
لـ حزنو ربعي على فرقاي شـ الي تستفيده
انت مـنت الي عشقته انت اكيد انسان ثاني
ليه صرت بهالبرود وهالاحاسيس البليده
وين حبك لزعل وين العناد الاولاني
وين حنية زمانك وفرحة العمر الرغيده
ردي يامنى مثل ماكنتي وفرحيني
محبك حبيبي فؤاده رقيق= تعلق فـ/حبك أُوَدّه لقاك
جمالك وحسنك ونورك بَرَيق = ولاحد(ن) بزينه فتني سواك
لطيف(ن) عفيف(ن) صدوق(ن) صديق = إذا غبت عني عيوني معاك
أودي بنظره عليها شفيق = حلايا عيون(ن) تزيد ابحلاك
عيون ابسحرها تزيد الحريق = طويل(ن) هدبها شبيه الملاك
وجسم(ن) منسق رفيع(ن) رشيق = عجبني قوامك وكللي لباك
جدايل شعرها تشمه تفيق = يفوح الدخون المعتق هواك
وجيد(ن) عليه القلايد تليق = وصدر(ن) شموخه على الله رضاك
ولا أقدر أوصف وأبحر عميق = لأني أخاف العيون اتعناك
كفاية أشوفك قريب(ن) عشيق = تحبني تعزني تبيني واباك
وأنا بطلب الله يعين العويق = يسهل أمور(ن) تعبني عناك
تعبني حبيبي قليب(ن) رقيق = تعلق فـ/حبك أُوَدّه لقاك
النمط المتتابع
