السلام عليكم احبابي..

حبيت اكتب لكم هالقصايد ...عل وعسى تعجبكم..
اهداء..
الى كل من يحاول الهروب من واقعه الحزين..
..
واهداء..
الى الي ما تغيب عن بالي...
الله يحفظها...
_____________________________________________
((غريب الوقت))
غريب الوقت بطباعه ظروفه تنقلب ضدي..
توهمت الأمل باقي اثاري ما بقت آمال..
مشيت بدرب كله ظلمه ولا ادري وينه موّدي..
أتابع خطواتي وأمشي وأعيش بعالم الترحال..
أخلص من هم قلبي وغيره في الحشا يبدي..
أداوي جرح في قلبي وأحس الجرح بي لا زال..
من جروح الزمن والله انا واصل حدّي..
كفايه يا زمن يكفي من همومي معا الغربال..
ترى أيام الفرح يا وقت بالسرعه الي تعدّي!!
وايام الحزن توقف وفيها كل شي طال!!!
حبيب لي بعد ما كنت انا عنده وهو عندي..
بعد عني ولاحتى خطرت وجيت له على البال!!
نساني كيف ما ادري؟وله انا ما اعلنت صدّي..
ومدري سبب بعده جفا.. ولاّ حكي عذال؟
بس المشكله لو كان هو متعمد بعدي..
وش الي بفعله مادام متغير عليه الحال!!
وعدته بصادق الإحساس وانا صادق معه بوعدي..
وعدني ما يفارقني..وفرقني بلحظه استعجال...
اذا هو عايش براحه..حشا ما بكون له ندي..
عسى ربي يهنيه بحياته مستريح البال!!!
_______________________________________________
((خيانهxخيانه))
صدقيني ما بقت للحب قيمه..
الجفا شل الوفا واصبح مكانه..
والصراحه اصبحت كلمه قديمه..
والهوى اصبح خيانه في خيانه..
والمحبه كنها طفله يتيمه..
مات ابوها وانحرم عنها حنانه...
والمشاعر مثل ما كف كريمه..
في يدين بخيل ذوّقها المهانه...
والأحاسيس اختفت وامست عديمه..
وفا المحبه كل شي ولّى زمانه..
صدقيني قصتي قصه أليمه..
البري مظلوم والقاضي أدانه...
الهوى يا بنت ماذقنا نعيمه..
ولا خذينا على الهوى عهد وضمانه..
يوم صار الخل يظلم في نديمه..
كيف تبغين الهوى يعتز شانه؟؟
بس نفس الحر ما ترتضي الهزيمه...
والذكي لا بد ينجح بامتحانه..
راح الوقت فيه نفسي مستهيمه..
والهوى ما عاد يغريني كيانه..
تصدق كانت في الهوى روحي غريمه..
وكان عندي الحب اخلاص وامانه..
بس بان النور لي وانزاح غيمه..
وفي عيوني كل شي بيّن بيانه..
وفالنهايه اعذريني يا فهيمه!!
الهوى كله خيانه في خيانه!!!
والسموحه على النكد!!!

تحياتي