بنت عمرها 3سنوات ترفع الضغط

بسم الله الرحمن الرحيم
السلام عليكم
ها هو الدكتور الجريح يقص عليكم قصة من القصص الي حصلت معه
كان يامكان في يوم من الايام عام 1417هـ
كان عندي اختبار ادب في الصف الثاني ثانوي وكان صعب للغاية مثلكم عارف الادب وقفتوا على الاطلال وغيرة ماني عاف وش استفيد من وقوفه على الاطلال الناس يدرسون كيف يخترعون طائرة واحنا ندرس وقف احمد حافظ وغيرة من الشعراء المهم
في ذاك اليوم زارتنا خالتي (اخت امي طبعا) وكان عندها بنت عمرها 3سنوات بس كن عمرها 100 سنة دخلت البت علي الغرفة وبدت تسأل فاضية
اسمع الحوار
وش اسمك
انا فهد
وش تسوي
اذاكر
بدرس معك
لا مامه روحي لامك
عطني قلم
يابنت روحي لامك
خذت القلم بالقوه ضيفه ولازم احترمها
قالت ابي ورقة
عند ماما
خذيت البنت وطلعتها برى الغرفه
بعد اقل من 10دقايق البنت فتحت الغرفة
جابت الكرسي من غرفة البنات وفتحت الغرفة علي
دخلت البنت وتبي تسحبني قالت
انا احبك
وانا بعد احبك روحي لماما شاطرة
لا انا بدرس معك
يابنت روحي لامك الله يهديك انا عندي اختبار
البنت حست اني معصب روحت وجلست على المكتب وبدت تفتش انا طنشتها قلت ما راح تخرب شي بحكم انها صغيرة في السن
شوي الا وانا اسمع صوت ورقة تقطع
التفت الاوهي البنت تقطع ورقة
ارتفع ضغطي مادري شنو هاالورقة قمت لها ولقيتها الورقة الي انا جالس عليها من الظهر الخص فيها الادب من معاني واسباب وغيرة على بالي اني لما احفظ النصوص راح اراجعها بجد ومفهوميه عشان احفظها مرة
اتشت بس البنت ضيفة عندنا وامها مدلعتها زياده ولا تبي احد يظربها خذيت البنت ووقفت عند باب الغرفة وقلت لها روحي لمامه وجيبي لي شاهي قلت في بالي عشان تمسكها امها مني واذاكر وناديت لامي وقلت لها امسكوا هاالبنت ابي اذاكر معاد فية وقت الساعة احدعشر من الليل
خذت امي البنت ونزلو ودخلت غرفتي وجلست
اكيد واحد منكم بيقول ليش ماقفلت الغرفة انا راح اقولك
اولا ابوي رافض ان احد يقفل غرفتة عشانة يحسبنا ننشغل في شي ثاني ولا نذاكر
ثانيا انا احب اذاكر والمكيف طافي عشان ماانام من البراد ولا اذاكر
المهم نرجع للبنت الصغيرة وانا جاس اذاكر وانا نايم على بطني ومعطي الباب ظهري
دخلت البنت بعد مامرت على غرفة البنات بجنب غرفتي وفهمو منها اني ابي شاهي وصبو لها بكاس وعطوها تجيبه لي وهي داخله الغرفة والكاس معها بصينية صغيرة وجاية من وراي تبي تعطيني الشاهي مسوية مطيعة البنت جايبة الشاهي الي وصيتها فية مادرت انها تصريفه
جات البنت وتمشي شوي شوي وانا مانتبهت لها وهي تمشي بشويش عشان ماينكب الشاي وكان حار مرة تدرون وش صار تعالو اقولكم
تعثرت البنت في سلك الدفاية وطاح الكاس على رجولي من ورى وكان حار لدرجت انه شال الجلد من الحرارة ورحنا للمستشفى وطلعت من المستشفى الساعة 3.5 الفجر ونمت طبعا من غير مااذاكر باقي الكتاب قمت في الصبح حاولت اذاكر بس مافية وقت ودخلت لاا ختبار وانا ماني فاهم شي بس نجحت على الحافة وكان نجوحي لعدة اسباب :a33:


1_ ابوي كان مدس في نفس المدرسة
2_مدرس المادة كان عم البنت بنت خالتي واكيد يبيني اسامح بنت اخوة



والسلام عليكم
لاتنسوا الردووووووووووووووود وشاكركم على صبركم علي

ههههههههههههههههههههه

مشكور ويعطيك العافيه
دمت بود