المشاعـر( جيـش ) وقلبـي مَرْكِـزَه

صرتي لي " خامس جهه لأربع جهـات !

وصورتك في وسـط عينـي [ مبـرْوِزَه ]

حروفهـ تخلق

في بياض السماء

قوس قزح ..

يتلون ألوانا

لقد حلق بنا عالياً

وكأننا نلامس الغيوم الزرقاء بأيدينا

لا نرى سوى سحر يأخذنا

لأبعد مدى

الإسم : أحمد الصانع

الهوايه : فوضوي

العمر : سنتين وأكثر

واللقب : شاعر شظاوي

أبي من زود حُبي .../ أربكك !

لمَّا تسألني أحبك ..؟ قلت " أموت " !!

إنت مثل " الحلم " ولمَّا أمسكك

أدري إنِّك واقع / وتطري البيوت ..

يا عيون الريم وشلون أشبكك ؟!

من يشوفك قال : ما شا الله توت ..!

ماني متخيِّل أشوفك مو معاي !

ياللي تسوى في عيوني " كل شي " !

الشتا , فرقى عيونك يا دفاي !

ما يموت الحُب ونبض القلب حي !

من بعيد و ....... ضعت

شوفي عاد , لو من قريب ؟

ما تغيب أحلام قلبي في وجودك

لك أسلِّم نفسي , أربطني بقيودك

جابك الله ..؟

أو أضحِّي في سبيلك !

ليه كل عيد إنتْفارق ؟!

صرت أكرَه كل عيد !

وإنتْ فارق .. في [ غلاتك ] ..

وقلبي ما عنده مثيلك !

[ ممنوع ] أحب غيرك لأن الحقيقه ؟

مافيه " أحد " يسوى يجي في / مكانك .

[ ممنوع ] أنام إلا ب هذي الطريقة :

( أنام أنا ويَّاك .. و أحضن حنانك )

[ ممنوع ] أنا أنساك لو في – دقيقة - !

لازم ( أفكر فيك ) , و ( أعز شانك ) . . .

[ ممنوع ] أسمع : صوت : كل الخليقة ..... .

ويا زين كل كلمه تجي من { لسانك }

[ ممنوع ] أحس إنْ كنت ويَّاي ضيقه

ياللي خدمك الحظ .../ فيني و عانك

إيه ب أرحل والطريق أدري .. طويل ..

مشكله " قربك " .. وبُعدِك مشكلَه ..

وإن خذاني المُوت إترك قال وقيل ..

قول هـ الجُمله .. وخطاك

محلِّلَه :

[ ربِّي إلهَم أهله الصَبر الجَميل

وإرحمه يا رب وإحسِن مدخلَه ]

قالوا الركاده قلت مجنون : غادي

عقلي يحبه , ورايكم مو ضروري

قالو تبيه ..؟ وقلت حتَّى : فؤادي

طاريه دهن العود .. وطيفه بخوري

آنا بـ وادي وهـ الخلايق بـ وادي

أغيب عن هـ الناس أخفي حضوري

لي الله صرت لطعوني ( هَدَفْ )

ولطيبتي الرامـي

أنا [ لا طاعني هذا الزمـان ]

ولا بعـد طعتـه !!

حبيبي صَعبه أتحَمَّـل جُروحـي

وعظَّـة إبهامـي

قضى صبري وكل حَـلٍ

عشـان الحُـب ؟ جرَّبتـه


إذا لِك يُوم مِتضايـق ..؟

أنـا الضِيقـات أيامـي

وإذا لِك يُوم تذكِرنـي ..؟

أنـا النسيـان زعَّلتـه

وإذا جِسمِك تعَب ,

حتى أنا خايف مِنْ عضامي ..!!

أنا أمري إلى رَبِّـي ..

مِـنْ الصَدمـات / سَلَّمتـه

محالٍ ألتقـي بنقطـه معـاك ..

وأنصُـب خيامـي

ربيعك وين يا الغالي..؟

أنا أسمع فيه مـا عشتـه

أنا اللي كنت أسهرلـك

وأقـول: لراحتـك نامـي

غفى بعض التعب فينـي

وبعضـه فيـك سهَّرتـه

تِغمِّض جفنـي اخيـوط النهـار

وألمـح أوهامـي

وأرجع أكتشف جفنـي

معـك مـا يـوم غمَّضتـه

أنا فيني التعب عايش من رجولي إلين

الراس !!

قوي قلبي ,, ولكني أحس / ب غيبتك

هايب !

تخيَّل كل ما أصبر على غيابك ,

تضيق أنفاس !!!

أتوب شلون عن حُبك وغلاك بداخلي

شايب ..؟

أحبك كل يوم " أكثر " وفيني لك كثير

إحساس !

حضورك كان في قلبي جميع الوقت يا غايب ..
أنا من وين ما أطالع , أشوفك إنت

كل الناس !!

في داخلي شوق / وعذر ..

والله يعين المبتلي ..!

زعلانه مني !

وتنهدم فيني ملايين القصور

لأنك طموحي .. ورغبتي ..

وتخطيطي |. ل مستقبلي .|

" بركان " شعري .. ما هدى

وخايف مع المُده يثور !

في غيبتك ..

شفتي { الشعر وشلون فيني ينغلي ؟

زعلانه أدري ..

وضيقتك في داخلك أربع شهور !

وتأكدي إنَّ إزْعَلِك ..

هو يُعتَبَر نفس إزعَلي

تعبتْ / وما صِدَقْ حَظي

وفوق الهم أشيل الهم

صغيرٍ في العمر آنا

وكبيره حيل مأساتي

محدْ يدري عن أخباري

محد في دنيتي مهتم

وحيدْ أمشي مع همِّي

وكبيرْ " الحزْن " في ذاتي

سِمَعْ قلبي عَنْ

الراحَه { واهيَّه مِنْ الوهم أوهم

أعيشْ آنا بوسط واقعْ

نهاياتي في بداياتي

دام عذّبني الغلاف

إن عشقتك
صدقيني كني عاشقْ لي حريق

الحَطبْ عمري

{ وناركْ بس تاكل ما تخاف }

قلبي إختارك وجيتك

طايرٍ حرٌ طليق

ما ملا غيرك عيونه ..
وياما في دنياه شاف

إحتمل قلبي وجودك

وإحترى يصبح عشيق

ما لقا فيك المزايا

وإسمحي له" الإنصراف