الحلقلة الثانيه من قصة رجل المرور وسارة

06:51 AM

السلام عليكم
اكيد طولت عليكم بايخ انا صح بس اعذروني عندي ظروف ادعولي تعدي بسلام
المهم نعود للقصة انتهينا الحلقة الماضية من قصة فهد و البنت سارة عندما نزل عبدا لرحمن بالثوب للكواي ( المكوجي عند المنطقة الغربية ) نزل عبد الرحمن وجلس يفتر بالشوارع لين ملاقى كواي أنتها من كوي الثوب وكل شي تمام بس فيه مشكلة عبدا لرحمن أول مرة يسوق بجدة وأول مرة يزورها أكيد راح يضيع فيها ضاع وجلس يفتر بالشوارع لين ابعد من مكانهم إلي ساكنين فيه دق علية فهد مارد عبدا لرحمن من زين الطبايع حاط جواله على الصامت جلس فهد يدق وخوفه أكيد على الثوب مو على أخوه هذا كلامه مو من عندي بعد وقت شاف عبد الرحمن جوالة يدق وطالع لقاه فهد رد الوووووو عبدا لرحمن وينك يجاوبه عبد الرحمن قريب بس أنا ظايع بالصراحة فهد وده يضحك بس مو وقته يسأله طيب أنت وينك يجاوبه عبد الرحمن أنا قريب من المكان إلي جلسنا فيه البارح إحنا ونسيبك أبو زياد فهد طيب خلك هناك أنا جايك لا تتحرك فاهم ولا لا عبدا لرحمن طيب أنا انتظركم قبل مايسكر فهد يجيله انتظار يطالع ألا واهو اخو سارة الكبير سالم يرد فهد هلا أبو نايف يرد أبو نايف بدون سلام وينكم انتم تأخرتم يجاوبه فهد دقايق ونكون عندكم سالم بصرعة الضيوف ملو من الانتظار فهد إنشاء الله أبو نايف مع السلامة يمسك فهد بيد أبوة ويسرع لسيارة ويطلب من أخوه عبدا لرحمن يجلس مع الحيوان ولده تركي ينزل فهد واهو لابس سروال طويل وفا نيلة بس عشان إذا جاء هناك عند إخوة يلبس الثوب بسرعة يركبون السيارة ويسرعون يم المكان إلي فيه عبدا لرحمن توقفهم الاشاره بجنب الإشارة واقفة سيارة شرطة ناظر الشرطي ولا حظ فهد بسروال وفا نيلة وشكله مرتبك ووده يقطع الإشارة قام الشرطي وناداه بالميكرفون وطلب منه يوقف جنب الطريق وقف فهد ونزل العسكري وشاف فهد ماهو رابط حزام الأمان قال لا وبعد مو رابط حزام الأمان إثباتك هنا حصلت المشكلة الثانية فهد كان ناسي كل إثباتاته واثبات السيارة بالفندق حاول يوضح موقفه لشرطي الشرطي أبا إلا يسلمه للمركز جلس فهد يوضحلة انه عسكري مثله في المرور مصدقة الشرطي ركب فهد سيارة الشرطة هو وأبوة راحوا المركز قام فهد ودق على نسيبة اخو سارة وطلب منه يجي المركز ومعه بطاقة العمل عشان يكفله ويطلع فهد من السجن قام أبو زياد وطلب من إخوة سالم يعتذر للرجال ويؤجلون الملكة جاء الخبر سارة إن ملكتها تأجلت بسبب خطيبها فهد انحرجت سارة من نظرات البنات ودخلت غرفتها وجلست تبكي ليش أنا حظي كذا ليش ياربي وخبركم بالبنات لابكوا يكسرون الخاطر حتى لو يسمعهم بس (قطوا) انكسر خاطرة بعد تقريبا ساعتين من بكاء سارة (خلصت دموعها من البكي) دق جوالها ماناظرت سارة من المتصل خلص الجوال يدق لين عجز دخلت أخت سارة على دق الجوال وناظرت إلا واهو فهد إلي يتصل ردت سارة اسمع الحوار وتخيل سارة واهي تبكي وفهد واهو جالس يعتذر لها ( هذي من عندي بس أنا مركبها على كلامهم لي)
سارة- نعم
فهد- السلام أنا فهد (على بالة رقمه ماهو محفوظ عندها )
سارة- عارف انك فهد الي حطم حياتي وخرب فرحتي الله يسامحك بس
فهد- والله والله حياتي غصب عني كله من الشقي تركي الله يسامحه
سارة- الله يسامحك أنت وياه خربتم فرحتي وظحكتو البنات علي
فهد – أسف حياتي كل شي يتصلح الأسبوع الجاي وعشان ما اتاخر راح أحط خيمة عند بابكم
سارة – تضحك ههههههههههه الله يأخذ إبليسك خليتني اضحك وأنا ماودي اضحك
------------------------------------------
المهم بدا الكلام الحلو بينهم وما ندري وش صار ذيك الليلة بينهم ما قالوا لي
وانتهت الليلة بسلام
تبغون تعرفون ايش سوى تركي ليلة الزواج وليش فهد طلع من غرفته وترك سارة في الغرفه تابعونا الحلقة الجاية ولا تنسونا من الردود بااااااااااااااي

كُتبت [ 17-05-2008 - 06:51 AM ]

وين الردووووووووووووود يا حلوين

كُتبت [ 17-05-2008 - 09:12 PM ]

شكرا دكتور بلا قلب على التكمله ..
تنتظر التكمله التانيه ..
الله يعطيك العافيه يارب ..
تقبل مروري ..
دمت برغد ..

مع خالص تحياتي :
* همس الحب *

كُتبت [ 18-05-2008 - 12:37 AM ]

مشكور حلوة ننتظر التكملة

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط المتتابع التحول إلى النمط التشعبي التحول إلى النمط الأُحادي