أسئلة البنات في الحصة وأجوبة المعلمات

15-05-2008, 04:25 PM

.:. أسئلة البنااات فـ الحصة وأجوبة المعلمه .:.
اتمنى ان تنال اعجابكم

السلام عليكم..
هاي بعض الاسئله والاجوبه المنتشره في اوقات الدراسه
اول ما تبداالحصه..؟؟

(( أبله... ما فهمت الدرس))
اكيد ما فهمتي من هذي الهذرة والسوالف والبرم والسرح والضحك بالحصة

((أبله .... أبا أسير الحمام !! أقصد بيت الراحه ))
يعني ما اتذكرتي السيره الا الحين ........ بعد الحصة سيري .. انتن نفس اليهال سايرات يايات من الحمام !!

((أبله ممكن تعيدين اللي قلتيه ؟؟ ..ما سمعته))

اكيد ما سمعتيه ..... انتي واربيعاتج بس تبن تسولفن ...... كيف بتسمعن ؟
((أبله بسير اشرب ماي ؟))
يعني ما صرتي عطشانه الا الحين ... احسن تمي عطشانه عشان ما تسولفين وتتكلمين

(( أبله منهجنا صعب ...... خططيلنا على الكتاب))
من قبل المعلمة 3 ردود::
الأول : ؟؟؟؟؟؟؟؟؟؟ اخطط لكن ؟؟؟ يهال انتن؟؟؟؟؟
الثاني : انتن صرتن كبار ........ بصف ... لازم تخططن بروحكن
الثالث : ماشيء تخطيط .... كل شي عندكن حفظنه

((أبله دفتري ضايع ....شو اسوي ؟؟؟))
في هاي الحاله المعلم يرد عليها:
الرد الاول : هاه ... نعم ؟؟؟ شو أسوي ؟؟؟اشرايج اروح بيتكم و ادور عليه ..؟؟؟ ..الا انتي دوري عليه وانا شو ذنبي ان ضاع؟؟؟.... انا الي ضيعته ؟؟؟
الرد الثاني : لالا ... الحمد لله ... ما عندي دفاتر بمكتبتي انا طرشت لكم كل الدفاتر ذيج المره
الرد الثالث : ترى ان ما لقيتي دفترج ... راح تعيدينه كله من اول كااااااامل

((بنت تمسح اللوح .. وبعد ما خلصت ....أبله بسير اغسل ايدي))
انا اعرفكن يا البنات ....تبن تشردن من الحصةلا يا حبيبتي ما في طلعه خذيلج كلينكس

((أبله ... الجو حار اليوم ما نقدرنستوعب ..... المكيف خربان))
شو تشوفيني انا المصلح اللي يصلحلكم المكيف؟؟؟..... سيرن الادارة وقولولهم ...يلا لا تضيع حصتنا

(( أبله .. شي نحله اطير فالصف))
اصلا النحله تخاف منكن ... يلا بلا تضيع وقت .. خلونا نكمل شرحنا ..بس علشان نحله صغيره مسوييات قصه

(( أبله .. الجو حلو بنفتح الدرايش))
انتن ما تفتحن الدرايش الا عشان تتطمشن على الرايح واللي ياي ....يلا سكريها

((أبله ... الشمس على عيوني ممكن نسكر الستاير؟))
لا خلوها احسن لكم الشمس مفيده لكم

((أبله ... صراحة .... الامتحان كان وايدصعب))
جب .. محد طلب رايج

(( "في حصة فراغ ".... أبله .. خلينا نظهر برع))
مينونه انا اطلعكن ؟؟؟... عشان تسوون ازعاج.... تزعجون الصفوف وعقبها المديرة ترشني بتقرير للوزاره تراه ادورلي عله..

((أبله انا تعبانه .. بسير عندالاخصائيه عشان الاجازه))
شي ردين:
الاول : جب !! يلا اقعدي وانتي ساكته...
الثاني : اوكي ... لاتشاركين معانا ... بس اسمعي او حطي راسج على الدرج وخذي غفوه وارقدي... <<تتحول ملامح المعلمه الى شر<<

(( أبله ما يبت الدفتر نسيته ))
شي 5 درود للمعلم::
الاول : ليش ؟؟؟ شو يالس يسوي في البيت؟؟..... راقد؟؟
الثاني : ليش يايه المدرسة عيل ؟.
الثالث : كيف نسيتي الدفتر؟؟ حبكت في كل المواد ما تنسين الا دفتر مادتيه ؟!
الرابع : عيل مانسيتي فلوسج؟؟؟...
الخامس : تعالي خذيلج ضربه.... عشان كل ما تنسين دفتر مادتيه تتذكرين هالضربه!!

(( أبله افتح الباب ؟؟؟ ))
لا عشان تتطمشن على اربيعاتكن ... خليه مسكر عشان تتنتبهن للدرس

*** *** *** *** ****

15-05-2008, 09:13 PM

ههههه هذا بالإمـاراتي بس نفـس الحركات ..

يعطيك العافيه ,,’,

17-05-2008, 02:35 PM

هااااااااااااااااااااااااااااااااااااااي .........................
هههههههههههههههههههههههههههههههههههههههههههههههههه هههههههههههههه

يا احليلا تهن البنات واسئلتهن < والله حلو كلامهم خخخخخخخخخخ

يسلمو الايادي قلبو ................................بايووووووووووووووو وووووووووووووو