يلي دفنتوآ جثته ليه تبكون !!!

كُتبت [ 09-05-2008 - 06:42 AM ]

ياللـي دفنتـوا جثـتـه.. لـيـه تبـكـون؟

لـولا الحيـا..لأقـول : معـكـم خـذونـي

منه انحرمت وكنت انا عنـه مسجـون

مـا أذكـر لمحتـه .. غيـر مـره بعيونـي

شفتـه ..وكانـت فرحتـي مالهـا لــون

عجزت لأوصف .. من لمحته شجوني

ياليتنـي ..كنـت الكفـن يـوم تمشـون

أبـقـى مـعـه بالـقـبـر ثـــم تدفـنـونـي

أو ليتني .. من خلفكم كنت (مجنون)

أتـبـع خطـاكـم والـعـذر هــو : جنـونـي

أبكي وراكم .. وأدعي ان كـان تدعـون

مـا يكفـي انـه عـاش عمـره بدونـي؟؟

تكفـون < هاكـم عمـري اليـوم تكفـون

بـرخـص حيـاتـي دام خـابــت ظـنـونـي

مـا فادنـي صبـري !! ولا فـادنـي عــون

ولا فادني دمع(ن) .. حرق لي جفوني

يـا مـا بكيتـه والبكـي يحـرق عيـون

ميت أو انه حي .. دمعي بعيونـي!!

العـام كـان بفرحتـه.. يعـزف لـحـون

واليوم ؛ تحت الأرض .. ماهو بكوني

لكن أنا في فرحتـه.. كنـت مدفـون

فوق الثرى .. واليوم موته سجونـي

(سميت قلبي عقب فرقاه ملعون)

هو و الليالي .. عن هناه امنعونـي

ياليتنـي.. ماعشـت لحـظـه بهالـكـون

و ياليت ربعي .. في سكات اذبحوني

وياليتكـم .. عـن همّـي اليـوم تــدرون

منه انحرمت ,,,, ومن عزاه .. احرموني

حتى بوفاته !! يـوم أنـا طحـت مطعـون

أخفيت طعناتـي .. قبـل لا يفضحونـي

بكـيـت!! لـكـن .. ماتظـاهـرت بالـهـون

أبكي وأقول : الموت هو سبة طعوني

و إن كان في حبّـي أنـا ..ماتحسّـون ..؟!

دلوني لقبـره .. وهنـاك ..
اتركونـي ..! /

منقوله للأمانه

كُتبت [ 09-05-2008 - 12:44 PM ]

ابدااااااااااع
اختي
يسلمووو

تقبلي مروووري

كُتبت [ 10-05-2008 - 08:47 PM ]

هلا والله وغلا بمجنونه لكن حنونه

نورتي يالغلا صفحتي المتواضعه بحضورك الرقيق

دمتي بكل الخير والوفاء

كُتبت [ 10-05-2008 - 09:18 PM ]

أشكرك أختي سحر على الموضوع الرائع

كلمات رائعة ومميزة

لاحرمنا من جديدك المميز

تقبلي شكري وتقديري

كُتبت [ 11-05-2008 - 11:15 PM ]

هلا والله وغلا أخوي فريدوم

نورت صفحتي المتواضعه بحضوورك الراقي

دمت بكل الخير والود

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط المتتابع التحول إلى النمط التشعبي التحول إلى النمط الأُحادي