الشاعــر سيف السيف :

يقوله اللي هيّضته العلومي .... متذكّر ضلعٍ ولاهوب ناسيه

متذكرّ ضلعٍ براسه رجومي ..... ياواهنيّ اللي بعينه يراعيه

يجيه نسناس الهوا كل يومي .... ويجيه نسناسٍ يغيثه وحييه

&
&
&


الشاعــر عقــاب:

ياونتي ونّة ضعيفٍ مقلّــــي ... يبي الجميل وهيّبته الخســـــاره

أو ونة اللي باللواهيب خـلّي ... مع درب جيشٍ منكفٍ عقب غاره

ياعين مافرقا الحبيب هوىً لي ... ماران خلّي منك طلق ٍ اشكاره

ياعين ما هاذي بحزه بكا لي .... مالك بكى وأنتي تمــــــرين داره

ياعين هاتي من دموعك وخلّي ... ولحدٍ درى أن اللي يبكّيه جـــاره
&
&
&

وهذهـ أبيات من روائــع الشاعــر راكــان بن حثلين:

يا محلا الفنجان مع سيحة البال .... في مجلس ٍ مابه نفس ثقيله

هذا ولد عم وهذا ولد خــــــال .... وهذا رفيق ٍ ما لقينا مثيلــــــــه

&
&
&

وقولــــهـ :

يالله ياللي طالبه مابعد فــال ... يالي من الضيقات ينجي عبيده

افرج لمن قلبه غدا فيه ولوال ... والنوم ما جا عينه إلا قليلـــــــه

لا من تذكرت رموس عصرٍ لنا زال ..شوف الفياض وفقد عز القبيله

&
&
&

الشاعــر الامير محمد الاسديري:

يامعدي المرقاب خلّه لمشتااق .... حوّل وخل معذب القـــلب يرقـــا

ياليت ربي ما خلق حب وفـرااق .... وإلا خلق حـــبٍّ على غير فرقـــا

~~~~~~~~~



جــهد بسيط ,, أتمنــى أن ينــاال إعجــابكــم ,,

فلا تحــرموني روعـــة مــروركـــم,,