أبشركم انخطبت ...باركولي...

25-04-2008, 02:20 PM

كنت جالسة اتفرج عالتلفزيون... متابعة مسلسل... وجا مشهد زواج وحدة من الشخص اللي تحبه من زمااااان...

قلبت القناة على قناة Fuziah (لااحد يسألني وش هي قناة فوزيةلوووول)...

لقيت عرض ازياء فساتين عرايس... قلبت لقيت خطوات وضع مكياج العروس...يعني كل مرة

زواج في زواج ..

سكرت التلفزيون

التفت على ابوي اللي نسيت تماما انه كان جنبي. .. قال لي ابوي:

خير ان شاء الله يابنتي؟! وش فيك؟! عسى ماشر؟!

انا تلخبطت ساعتها وفتحت له التلفزيون وقعدت ساكتة...

اكيد بسكت وش اقول؟ اقول له ودي اعرس؟؟؟ (يعني اتزوج بالعربي)... اقول له ان صاحباتي

اغلبهم تزوجو؟؟؟

ولا اقول له اني تمنيت اكون مكان بنت خالي في كوشتها وفي الزفة امس؟

اووف .. والله قهر .. يا بخت جداتنا ماتطق الوحدة العشر سنوات الا هي مخطوبة وعلى الاطنعش

اعرست وان وصلت البنت ثمنطعش ما اعرست قالوا عانس!!! هذوليك البنات اللي عايشين صح

مب احنا اللي نعجز ونوصل سن اليأس مااعرسنا... أخ يبه الله يفتح عليك وتخليني اعرس...

وتفكني من الدراسة...

وبينما انا غارقة في قاع هذي الهواجيس ويرن التلفون ويقطع حبل افكاري... طالع الرقم ابوي وقال

رقم غريب... رد بلهجة رسمية:

-وعليكم السلام..... الله يسلمك..... الحمدلله بخير..... ايه انا ابوفلانة .... لا منت غلطان انا هو...

ماعليك زود الله يسلمك... من معاي ياخوي ماعرفتك... والنعم.... تفضل وش السالفة اللي تبيني

فيها؟.... لا ماني مشغول... لهالدرجة الموضوع مهم؟!... تفضل تكلم شغلتني...

والتفت ابوي علي وعطاني نظرة غريبة

انا ساعتها قرصني قلبي مو من ردود ابوي بس من نظراته الغريبة

رد ابوي على المتصل: وش فيها زود طيب؟... لا بس مافيها أي ميزات عن الباقي...

>>>ودي ارجفك يبه واخذ السماعة منك واكلم الرجال ناشر غسيلي حتى عند الرجاجيل

رد ابوي على المتصل: طيب وبعدين... ايوه....طيب وش اسمك الكامل؟.... وش تشتغل

بالضبط؟..... طيب من دلك علي وعطاك رقمنا؟..... لا الموضوع يا ابني مو بهالبساطة.... العملية

مش بيع وشرى وبس... الواحد لازم يسأل كثير ويحرص قبل يقدم على أي خطوة... لا موضوع انك

تجي لبيتنا خليها بعدين... لين اسأل عن كل صغيرة وكبيرة... لا لما اكتفي من السؤال واخذ

المعلومات اللي تكفي باتصل عليك تجي ونتفاهم ويكون خير ان شاء الله

انا كنت اتابع حركات ابوي وانا متشققة من الفرحة... اخيرا انخطبت وبتزوج مثلي مثلي غيري...

يوووووه أخيرا بالبس فستان ابيض منفووووووش

اخيرا باطلع اجهز واتقضى للزواج... باسوي زواج كبير مررررررة وباحط زفة ريمكس وطرحتي ماأبيها

خليجية وع باخليها مبتكرة... منيرة منيب عازمتها هي وخواتها ماعزموني الاسبوع اللي فات على

الدي جي اللي سووه... وباشتري اغراض واشيل واحط واخطط... بيصدع راسي بس ولو لذيذ هالصداع...

يوم قفل الخط ابوي التفت علي وهو مبتسم ابتسامة تعجب وهو ساكت... قلت:

- هاه يبه؟ متى بيجي يشوفني؟

- منهو

- هذا اللي خطبني تو

- وشو؟!

- خطيبي اللي تو

- تموووووونين انتي ووجهك صار خطيبك على طول ماعندك وقت

- ايه يبه ترى احذرك هالمرة شف تكرش العريس مثل ماكرشت ولد ام مساعد العام للحين تراها

حازة في نفسي ترى هالمرة باضرب عن الدراسة... ولا الاكل ماأقدر اضرب عنه...
يبه باعنس من تحت راس فعايلك بخطاطيبي...

والرسول حث على تزويج من ترضون دينه وخلقه... وهذا قايل قلبي انه اجودي ترى مااعرفه بس

اتوقع انه كذا... والعرس اهم من الدراسة عشان الجنس البشري ماينقرض.... وبعدين من قال

لك اني منيب مكملة دراستي والله باكمل

حسيت ان عيون ابوي بتطلع من شدة علامات التعجب اللي في وجهه بعدين انفجر من الضحك

- هي انت وين رحت حدك حدك لا تشطحين!!!

- وش اشطح؟! هذي الحقيقة والحقيقة ماتزعل وانت الله يطول لنا بعمرك علمتنا على الصراحة وحب الحقيقة

- أي عريس واي هم؟؟!!... انت مصخنة؟؟ ... هذا مندوب شركة يبي يجي يوريني المكنسة

الكهربائية العجيبة على قولته اللي تغسل وتنفخ وتطبخ خخخخخخخ....

قومي نامي يابنيتي ولا تكثرين قعدة قدام التلفزيون... الحين بس عرفت ليه سكرتيه تو...

النهاية...!!!

عجبتني هالقصة وحبيت انقلها لكم وعساها ماتكون مكررة ,, ...

25-04-2008, 02:38 PM

هههههههههههههه

وانا يحليلي صدقت هههههههههه

اللهي يساامحج

بس عجيييييييبه

يعطيج العاااااااااااااافيه فديتج

وانتظرررر جديدج

تحياااااااااااااتي

فــــــــــــــــــال الســــــــــــــــــــــرور

25-04-2008, 04:32 PM

ههههههههههههههههههههههههههههههههههههه
يسلموووووووووووووووووووووووووووووووو
يا

مكنسه
هههههههههههههههههههههههههههههه

25-04-2008, 04:57 PM

هههههههههههههههههههههههههههه

لا بجد البنت عندها جرأهـ تقول هالكلام

خخخخخخخخخخخ

يسلمووو

25-04-2008, 05:11 PM

مبرووك إذا الصج بتتزوجينننن

25-04-2008, 05:12 PM

ولا قصة خرافية

25-04-2008, 06:08 PM

يسلمووووو دايخة

نبووضةالسعودية

26-04-2008, 01:10 AM

هااااااااااااااااااااااااااااااااااااااااااااااااا اااااااااااي.......................

هههههههههههههههههههههههههههههههههههههههههههههههههه هههههههههههههههههههههههه

والله اني صدقت قلت لزوم ابارك خخخخخخخخخخخخخخخخخخخخخخخخخخخ

والله خطيره هالبنت ................................يسلمو الايادي ...............

بايوووووووووووووووووووووووووووووووووووووووووو ووووو

26-04-2008, 07:10 PM

هههههههههههههههههههههههههههههههههههه
مرررره نآآآآآيس
يسلمووو

26-04-2008, 08:13 PM

هههههههههههههههههههههههههه

يسلموا حبيبتي على هذه القصه الرائعه

ماكنت اتوقع منك كل هذه الجرائه

بس ياحسافه ماكملت الفرحه

الله يعوضكي احسن منه حبيبتي

26-04-2008, 09:41 PM

ههههههههههههههه ديوخه اما عليك سوالف تووووحفه
يسلمووو ع القصه بجد حلوه يعطيك العاافيه

27-04-2008, 03:26 AM

هههههههههههههههه

لا وبعد تقول و تخطط هع

مسكككككككككككككينه هل بنت

والله كسرت خاطري

الله يهداها

سيده يات و قررت من دون ماتعرف شسالفه

لوووووووووووووول

مسكينه

تخاف تعنس

ثاااااااااااانكس قلبي ع القصه الكوووووووووووول