العالم تنساني وتنساك

25-04-2008, 07:08 AM

لاتحسبني يوم انا اطريـك مغليـك
يمكن مع سير السوالـف طريتـك

العام تنساني وانـا اليـوم ناسيـك
كلك على بعضك ترانـي نسيتـك

ماني على رجواك يازين ناصيـك
اموت في عـزي وانـا مارجيتـك

كل المشاعـر فيضهـا ماتدانيـك
دامك تشكل في غـرورك وطيتـك

كنت اتحاشى غلطتـي ماتباريـك
حتى وانا مجرووح جيت وعطيتك

اعطيتك افراح العمـر والتباريـك
وان داربك همك رحلـت ولقيتـك

واليا طلبت احلى القصايد تسليـك
جبت القصايـد كلهـا وارتضيتـك

اكتب علشـان المعانـي معانيـك
واقرا حروفي واعرف اني قريتـك

واداعب احلامك واناجـي لياليـك
وان مرني طيفك مشيت وسريتـك

واليوم بدلـت المشاعـر تماتيـك
وأقصى ضلوعي عن هواها قصيتك

يحرم علي اليـوم بسمـك اناديـك
وش عاد لو قلتـي ترانـي نسيتـك

25-04-2008, 11:54 PM

تسلم الايادي اللي انتقت الجميل من القصائد ’’

روعه يالغلا ’’

صح لساان قايلها ولاهان ناقلها ’’

تقبلي مروري من صفحتك الرائعه ’’

ارق واعذب تحيه ’’

26-04-2008, 03:04 AM

\\
\

إقتباس:

واليا طلبت احلى القصايد تسليـك
جبت القصايـد كلهـا وارتضيتـك

اكتب علشـان المعانـي معانيـك
واقرا حروفي واعرف اني قريتـك

واداعب احلامك واناجـي لياليـك
وان مرني طيفك مشيت وسريتـك

\\
..
ابيااتـ..فيهاا
من الفرااق..والألم..
..
والبعــد..اللذي ولد..
مع الوقت..شمووخ النفس..
..
تبطي اخليك
ذاائقه راائعه..
ونقل اروع..