كل البيت يدورن الثوب(قصة تموت من الظحك)

بسم الله الرحمن الرحيم
السلام عليكم
ممكن اقص عليكم هالقصة وياليت تعجبكم
مرة من المرات كان عندنا احتفال بالمدرسة لمتفوقين
المهم
قبل الاحتفال في الليل يعني ليلة الاحتفال
انا من ضمن المتفوقين ولازم اظهر بمظهر يليق بطالب متفوق
تابع القصة
طبعا الحوار بيني وبين امي
يمة وينك
انا بالمطبخ
السلام
وعليكم السلام خير
يمه وين ثوبي الجديد
لية
بكرة عندنا حفل للمتفوقين وابي البسة كل ثيابي صفرة من الكلوركس
دورة يمكن بغرفتك
لا ماهو بغرفتي
اسأل الشغالة
تقول ماادري عنه
طيب يمكن عند الكواي
طيب من وداة لة
انت
لاانا مودي ثيابي امس ماهو معها
تأكد منت خسران شي
(رحت للكواي وشفت الثياب الي عنده ماكان معها ورجعت للبيت)
اكيد زعلان
نرجع للحوار بيني وبين امي
يمه
خير انشاء الله
يمة مالقيت ثوبي
تعال تعش وبدوره لك
مابي عشاء ابي ثوبي
ياولدي تعال تعش وبعدين ادورة يمكن في مكان الغسيل برى
يمه دورته في كل مكان ومالقيتة والله انكم ماتنامون الى لين يطلع ثوبي
انشاء الله ياولدي
(اخواني يضحكون علي )
تنرفزت وضربت واحد من اخواني (انا الكبير وبكيفي اضرب الي ابي)
امي حذفت علي الكاس وكان فية عصير وانكب علي
وطلعت الغرفة عشان اغير ثوبي طبعاً
تدرون وش صار تعالو شوفوا (هية مصدق مبقق عيونك قصدي اقر بس البيوت لها حرمتها)
المهم
وانا اجلع او افصخ ثوبي ضحكت مرة لا وبصوت عالي
من قوت الضحك طلعو اهلي علي بالفرفة اكيد يحسبوني انهبلت
(كله عشان الثوب)
امي مسكتني وقالت فهد وشفيك
وانا اضحك
يمه فهد وشفيك بسم الله عليك
فهد قول وش فيك
يمة بقولك بس بشرط
(اخواني ساكتين مندهشين من الموقف)
يمة تدرين وين الثوب
لا والله ياولدي
يمة هذا هو
هذا الي انت لابسة
اية
هدؤ ثم كف بس عادي
وطلع الثوب الي ادور علية من المغرب علي وانا جالس اتهم الخدامة اقول يمكن انها خربتة من الغسيل وذبتة في الزبالة

ههههههههههههههههههههههه ,,,
والله أنـك عـجـيـب ,,,
مـشـكـور ...