إن كـان ما شالتك الأرض .. رموش عيني شالتك

19-04-2008, 09:58 PM

خذني غلا يا أصدق غلا بالوقت الأول والأخير
........................... أبغاك تدرس حالتي أول وأنا أدرس حالتك

حنا نفس واحد .. وروح .. وقلب .. وعيون .. وضمير
........................... عدالتي ظلمك .. وظلمي منتهى عدالتك

يا بدري الطلــّــة ويا طلــّــتك يا البدر المنير
........................... ترى خسوف القمر .. بشارة وصول إطلالتك

وإطلالتك عندي أنا .. تعني لي الشي الكثير
.......................... لا صارت .. عيوني على خــدّك سحآآآآب .. وسالتك

أوقف .. وأسميــك الملك .. وشوي أسمــّيك .. الأمير
............................. أخاف من سطوة سمــوّك ... وأحترم جلالتك

حبــك كبير ... وبالمقابل .. قدرك بقلبي كبير
............................ إحساسي بــ محبتك ... وإحساسي .. بــ زمالتك

لا يضيق لك خاطر .. فديتك .. لو يصير اللي يصير
........................... إن كان ما شالتك الأرض .. رموش عيني شالتك

يا أترف مشاعر بالبشر ... يا أرق من لمس الحرير
.......................... ساعة زمن ... ممشاك من غرفتك .. حتي صالتك

دلعك يثقل خطوتك .. وأحيان .. يمنعك المسير
......................... وأحيان أشك إن الدلــع ... سلالته .. سلالتك

يومك تعــض .. شفيفتــك .. وإصبعك لــ عيوني .. يشير
......................... وتقول هذي مالتي ؟؟ ... وأقول طبعا مالتك

تقولهااا .. وأعيش نشوتها .. وأحس الموووت أخيــر
........................... لا شفت موتي بين عقرب صدرك .. وسلسااالتك

تدري ؟؟؟ لا شفت بيالتك .. بأطراف ثغرك .. تستدير
............................أضرب على صدري .. وأقول الحظ .. حظ بيالتك

مدام أبوك الناي .. وأمك ضحكة الطفل الغرير
.............................. وتصير عمــّــتك الشطانة .. والشقاوة خآآآآلتك ؟؟

لازم عليك آغير من نفسك .. وحتي منك آغير
............................. عشان لو تطاولك كل البشر ... ما طالتك

ما طالتك .. يالأسمر الجذآآآآب .. يالملح المثير
............................ ياللي سمـــارك .. جامعِِ .. سكر وملح أصالتك

فتنتني .. بعيونك الخدرات .. والزول القصير
............................ وحببتني في طيشك ... وحببتني .. جهالتك

ماعاد لي .. سلطة على حالي .. وأنا بــيديك أسير
............................. ولا عاد لي حيــلِِ يساعدني .. على حيالتك

يا علــّــني فدوتك من راســك .. إلى إصبعك الصغير
.............................. يا كبر بختي .. يوم ناولتك يــدي .. ونآآآآآلتك

يا أصدق غلا .. وأعذب غلا .. بالوقت الأول .. والاخير
.............................. هذي خلاصة حالتي .. عطني خلاصة حالتك

للشاعر / مطلق النومسي

علها تنال من ذائقتكم العالية الشئ القليل ..

... أثر يبين وجود أبو ليلى المهلهل ...

19-04-2008, 10:33 PM

لازم عليك آغير من نفسك .. وحتي منك آغير
............................. عشان لو تطاولك كل البشر ... ما طالتك

ما طالتك .. يالأسمر الجذآآآآب .. يالملح المثير
............................ ياللي سمـــارك .. جامعِِ .. سكر وملح أصالتك
ماجنن حالنا الا الاسمر الجذاب
تسلم اخوي
وكما عودتنا مواضيع في قمة الروعة
يعجبني ماتطرح
سواء من ابداعاتك او غيرها
لك نظرة خاصة واسلوب معبر في الطرح والرد
تقبل مروري

19-04-2008, 10:38 PM

أهلا الخاطر المجروح :

نورت الموضوع بهذه الطلة الرائعه منك ..
وشهادتك أعتز فيها ... ولك كل الشكر على هذا المرور الطيب ..

دمت لمن تحب ..

... أثر يبين مرور ابو ليلة المهلهل ...

19-04-2008, 10:56 PM

دلعك يثقل خطوتك .. وأحيان .. يمنعك المسير
......................... وأحيان أشك إن الدلــع ... سلالته .. سلالتك

يومك تعــض .. شفيفتــك .. وإصبعك لــ عيوني .. يشير
......................... وتقول هذي مالتي ؟؟ ... وأقول طبعا مالتك

تقولهااا .. وأعيش نشوتها .. وأحس الموووت أخيــر
........................... لا شفت موتي بين عقرب صدرك .. وسلسااالتك

تدري ؟؟؟ لا شفت بيالتك .. بأطراف ثغرك .. تستدير
............................أضرب على صدري .. وأقول الحظ .. حظ بيالتك
يسلمك ربي على النقل
ويعطيك العافيه يالغلا

19-04-2008, 11:02 PM

أهلا همس الشوق ..

مشكورة على المرور الروعه .. والله لا يحرمنا ردودك

... أثر يبين مرور ابو ليلى المهلهل ...

19-04-2008, 11:07 PM

قصيدة رائعة والأروع ناقلها

الله يعطيك ألف عافية أخي المهلهل على النقل المميز

ننتظر جديدك

تقبل شكري وتقديري

أخوك محمد

20-04-2008, 12:25 AM

غزليه باذخة القاف والمعنى........

أرويتنا شعرا...

حضورك مثــل السحاب الذي يمر ويمطر ويروي الضمئا...

فحضورك اروانا شعرا وارضى ضمئنا وعطشنا....

فنتمنى ان يمر السحاب داااائما...

تقبل مروري
....

وتقصيري في الرد....

فهذه الذاائقه ,, صعب ان نوفيها حقها...

يحفظك ربي.....

20-04-2008, 02:03 AM

إقتباس:

دلعك يثقل خطوتك .. وأحيان .. يمنعك المسير
......................... وأحيان أشك إن الدلــع ... سلالته .. سلالتك

0
0
الله...
صح الساانكـ ياا مطـلق..< احبه ذالأدمي..
تصدق ياا ابو ليلى انهـ يلعب رديــهـ..^_^
..
ولاهنت على هالنقـل ..الجمييل..
وتسلم يمنااكـ ولا عدمناااكـ
وكلك نظرر..
..
ابوليلى.. لك الود..

20-04-2008, 07:33 AM

روووووووعــــــــــــــــه

لا يضيق لك خاطر .. فديتك .. لو يصير اللي يصير
........................... إن كان ما شالتك الأرض .. رموش عيني شالتك

كما اعتدنا لك ذائقه شعريه فريده
كون انها من ادائك
او روعة النقل

جميل جدآ ان ترتمي بين مطويات القصائد حينها تدرك بأنك في اعماق الشعر

وفي قلب الشاعر وتتجسد المشاعر بين ثنايا الكلمات والآحرف

تسلم يمينك يالغلا

20-04-2008, 08:25 PM

محمد بكري ...

هلا والله بطلتك الي فاقدينها من زمان ..
نورت الموضوع بمرورك يالغلا ..

الله لا يحرمنا منك .

... أثر يبين مرور أبو ليلى المهلهل ...

20-04-2008, 08:27 PM

ما يكبرني لقب :

ثقي تماما أنني عندما أرى مرورك على الموضوع وإشاداتك الجميله .. فإني أدرك مدى قوة الموضوع وجماله ...

لأن ذائقتك لا تختار الا الجميل

تقبلي كل ودي وشكري

وعسى الله لا يحرمنا منك ...

... أثر يبين مرور ابو ليلى المهلهل ...

20-04-2008, 08:29 PM

أهلين أخوي هاجس ...

اي ادري يلعب ردية صارله فترة يمكن ..

لك كل ودي على طلتك الرائعه أخوي هاجس وتقبل كل شكري واحترامي

عسى الله لا يحرمنا منك ...

... أثر يبين مرور ابو ليلى المهلهل ...

20-04-2008, 08:31 PM

طعس وغدير ..

يا حي هالطله ..

أشكرك جدا جدا على الاطراء وشهادة أعتز فيها ..

وثقي تماما .. مرورك في مواضيعي يزيدني بهجة

فأرجو أن نرى طلاتك في منتدى همس القوافي لأننا بحاجه لها ..

كل الشكر لك وتقبلي ودي ...

عسا الله لا يحرمنا منك ...

... أثر يبين مرور ابو ليلى المهلهل ...