بطاطس مقلي على طريقة ماكدونالدز ..!!

12-04-2008, 08:32 PM

طريقه حلوه لقلي البطاطس..

سلام ياحلوين،، كيف حالكم،،

هذي طريقه حلوه لقلي البطاطس....

يصير نفس بطاطس ماكدونالدز

راح أقول لكم على طريقه روعه لقلي البطاطس

تجيبي البطاطس وتقشريها طبعا و تقطعيها أصابع

وبعدين أثناء التقطيع حطي قدر فيه ماء و مقدار مناسب من الملح على

النار ولما تغلي المويه تضعي عليها مقدار فنجان قهوه خل ابيض

وتضيفي البطاطس وتتركيها لمدة خمس دقائق تغلي

بعدين تصفيها من الماء و تسخني الزيت وتقليها عادي

وراح تاخذ وقت اطول شوي من العادي في الزيت

لكن لا تنتظري حتى تأخذ لون أحمر

طلعيها وهي شبه صفراء لأنك راح تلاحظي انها راح تكون مقرمشه جداً من الخارج وبنفس الوقت طريه من الداخل

يعني لو تركتيها لتاخذ اللون الأحمر او الذهبي الداكن راح تطلع يابسه زياده عن اللازم

جربيها وما راح تغيري هالطريقه

وعلى فكره هالطريقه بتكون راااااائعه مع تقطيع البطاطس حلقات رقيقه جداً مثل منتجات الشيبسي

جربي مع الحلقات الرقيقه لكن طبعاً مع تقليل مدة الغلي

وراح تحصلي على طبق شيبسي ولا اروع

وبالعاااافية