دام أنا بعينك حقيره أعشقك يا أعظـم حقيـر ..!!

26-03-2008, 01:49 PM

إستشير القلب دامك تشعـر إنـك مستشـار
ولاتظن عيوني أبدا غيـر عينـك تستشيـر

لاتحسـب إنـي أراوغ أو أمانـع أي قـرار
دام حبك بي خيالي خل يصيـر اللـي يصيـر

والقنـاع اللـي لبستـه مايغيـر هالمسـار
كل واحد في غرامه يمتلـك قلـب وضميـر

جيت لك موت وتحدي .. لو تبي جيت إنتحار
المهم إبقى عشانـك دام حبـك بـي خطيـر

كيفها عيونك حبيبـي لـو تناظـر بإحتقـار
دام أنا بعينك حقيره أعشقك يا أعظـم حقيـر

خلها تطـول المسافـه مـا أمـل الإنتظـار
دام أشوفك في خيالي عاشـقٍ مالـه نظيـر

ودامها صارت تحدي ما أحب لعـب الصغـار
وأبتدي أقنع عيوني بس تشوفك هـي كبيـر

وأعلن سيوف التحدي وأرفعك فـوق الكبـار
وكل شامخ في طريقك أجبره يبقـى صغيـر

وساحة الشعر بمداها تصبح لعينـك قطـار
كلها تهون لقصيدك بـس تهنـى بالمسيـر

دوم أنا أبقى قويه .. بـس أحـس بإنكسـار
تدري وش يعني شموخٍ داخله يبقى كسير ؟؟

تدري وش يعني عظيمٍ .. تشعره بالإنهيار ؟؟
تدري وش يعني غرامٍ مابه إنسانٍ يغيـر ؟؟

تدري وش يعني حبيبٍ راح عنك وإستدار ؟؟
تدري وش يعني بروده يشعلك نار السعير ؟؟

كلها تهون لعيونك وأشعـر إنـي بإنتصـار
وأمسك النـار بيدينـي ولا أفكـر بالمصيـر

دامك المـوت الحقيقـي ياحـلاة الإحتضـار
تزرع الشوك بطريقي أمشي وأتخيـل حريـر

التحدي هو غرامـي ولا أعـرف الإنحـدار
ولذة السكر هوايه تخجـل الوضـع المريـر

شفتني كيف أنتهي بك شفتني ياأحلى مـرار
لجلـك أجبـر هالمربـع ياعذابـي يستديـر

ولجلك عيـون البرايـا كلهـا منـي تغـار
وكل ماسافر مدينه خافقـي لعينـك سفيـر

تمطر الدنيا غيـومٍ برقهـا يضـوي شـرار
والصحاري كلها لـك وردةٍ وسـط الغديـر

والمسافه لـو بعيـده مـا أمـل الإختصـار
ماتهـم الجاذبيـه دام أنـا لعينـك أطـيـر

كلهم قالوا غريبه وين عقلك .. كيف طـار ؟
قلت أنا للـي خذانـي وإبتعـد عنـي كثيـر

يستشير الكـون لكـن مايفيـد المستشـار
هو عقب نظرة عيوني .. به عيونٍ يستشير ؟

26-03-2008, 08:02 PM

تسـلميــن عالكلمات القوويه والحلووه

ويعطييج الف الف عافيه

تقبلي مروري

شــوق الغــلا

26-03-2008, 08:44 PM

كلمات مؤثرة جدا في مجملها ...
نعم هي الدنيا يوم لك ويوم عليك ..
ولكن من المهم أن نتفاءل داآآئماًًً..

27-03-2008, 12:28 PM

يســلمــووووو ع المــرور الـرووعهــ ...

تقبلــوا منــيـ كـلـ الـود ...

وبـاقة ورد ...

27-03-2008, 12:40 PM

تدري وش يعني حبيبٍ راح عنك وإستدار !!

جنآآآآن يادمعة الم ..

يسلمو على هالابيات الرائعه ,,

يعطيك العافيـــه ياذووق ..

تقبلي مروري ,,
مخاوي الليل

27-03-2008, 01:14 PM

الجنـــانــ مـــــروركــ فيــ صفحتــيــ يالغــاليـ ...

اللــهـ يسـلمكـ ويعــافيكـ ربيــ ...

مشــكوووووووور ...

تقبـلـ منـيـ كـلـ الـود ...

وبـاقة ورد ...

27-03-2008, 05:48 PM

كلهم قالوا غريبة وين عقلك .. كيف طـار ؟
قلت أنا للـي خذانـي وأبتعد عنـي كثيـر
يستشير الكـون لكـن ما يفيـد المستشـار
هو عقب نظرة عيوني .. به عيونٍ يستشير؟

كلمات رائعة بحق تشكري على النقل الموفق
تقبلي مروري