متى بترجعين؟اعذرني بنساك

18-03-2008, 12:17 AM

كفايه صارلك شهرين غايب عني يالغالي....

كفايه ياعز الناس ترى والله ماقدر..

دخيلك لاتخيب فيك هقواتي وامالي...

واذا عن الصبر والله وغلاتك عندي راح اصبر..

ابتحمل عنا فرقاك وحالي يرثي لحالي..

مع اني والله لين اليوم مادري ليش بس تهجر...

ابعرف شسبب ارجوك وش الي بس يجرالي..

انا وش سويت ياربي عشان تذوب وتتفجر..

انا والله ماستهل ابد كل الي يجرالي..

اقل مافيها بس قلي سبب خلاك تتغير..

ابعرف بس شالموضوع علامك صرت ماتبالي..

بذمتة كل اهلك في يوم شفتني بشي انا مقصر...

عطيتك قلبي وروحي وهبتك حالي ومالي..

حملت احساس هالدنيا عطيتك لك وانا افخر..

عشقتك عشق لانعشق قبله ولابعده انعشق تالي..

هويتك موت وتخيل الين الموت وتصور..

واذا جاني مسج منك مخزن رقمك الغالي..

ولا امسح رسالتك واتم اقراها وافكر...

واحلل كل كلمه بالمسج واقول الله ياغربالي..

واقول بخاطري معقوله حاسس فيني ويشعر..

وارد اقول يمكن تذكرني وهو ساهي..

لاني توني مرسل له مسج وارسلي يشكر..

وارد اقول لا ماظن على باله انااخطر..

إلين اني اتكدت قلبه بالفعل خالي..

ولاغيري انا بقلبه يحبني موت ويقدر..

لاني مره من المرات طرت فكره على بالي..

نويت ازعل بدون اسباب واشوفه لو بيتاثر..

ابعرف قدري بيهمه وضعي الحالي..

او انه راح يطنشني ولايسأل ويستفسر..

وبالفعل ماجاوبت احرقلي والله جوالي..

ثلاث الاف مره دق وانا مطنش ولا معبر..

كتب لي بالمسج اطلع انا عند بابك لحالي..

قسم بالله ماتطلع لاخربها انا وحدر..

ومشكلتي اعرفه انا زين يسويها ولايبالي..

نزلت وخاطره مكسور يقول وش فيك متغير..

وقلت له بس بتاكد اذا قدري معك عالي..

ضحكلي وقال تاكدت ودمعه بلل المحجر..

وطارت فيني الدنيا لمكاني صاحبي جاني..

تعذر وانا الغلطان وانا الي لازم اتعذر..

بعدها عشنا احلى ايام في قربه ياهنيالي..

وصلنا لمرحله مانفترق عن بعضا واكثر..

بعدها فجأه خلاني ولايسأل عن احوالي..

وانا في خاطري ادري مو حالف يوم يتغير..

ادقله مايجاوبني..!!

بديت اشك في حالي..!!

اخاف انه حصله شي اخافه انه اتكدر..

لعب في قلبي الوسواس خياله ماتهيالي..

حوالي الف مسج ارسلت حبيبي ياعسى ماشر..

ولا جاوب وانا قاعد على اعصابي ياغربالي..

حبيبي صارله اسبوع فيني حتى مافكر..

إلين اني عرفت وشلون اخلي خلي الغالي يكلمني..

وجت فكره بعد مامت وانا فكر وفعلن اتصل فيني..

وبدت احزاني واهوالي وكانت صدمتي كبيره علي الغالي يتغير..

سالته قلت وش فيك مامن شر يالغالي..

وش الي صار بدنيا علامك ليش متبعثر...

او انك يعني ماتدري بدونك صرت انا الحالي..

ولالي خلق اي انسان كثر مافيك انا فكر..

وجاوبني وقال ارجوك ابي هالدنيا تصفالي..

انا مليت وضعي واشوف الكل متغير..

انا ضاقت بي الدنيا وابي ابقى انا الحالي..

خلاص إتركني لاتسال وانا برجع عقب اشهر..

وقلت له مو علي تكذب اعرفك تضعف اقبالي..

تكلم قل وش الموضوع بداء قلبي يدق اكثر..

سكت لحظه وقال ارجوك إبعد عني يالغالي..

وخلني اذكرك بالخير وانت مثلي اذكر..

وارسل لي مسج واحد ولاتدق ابد تالي..

واذا لي خاطر عندك لاتكلم ابد سكر..

وقلت والله ماسكر إلين تقول وتصفالي..

وقالي والله ماتكلم ولو تبكي دمع احمر..

ولكن شوف ربعك وانت تعرف بس وش جاني..

خلاص إفهمها على الطاير لاتحرجني بعد اكثر وسكر..

والدمع فيني على الخدين همالي..

قسم بالله مادري علامه قلبه اتحجر..

فؤادي انهار وانا حملي يهد جبال وجبالي..

في لحظه صارت الدنيا في عيني هالكبر واصغر..

حسافه ماتوقعت يصدق فيني عذالي..

حسافه ما هقيت يوم يصد عني ويتغير..

وبعدها صارلي ماصار وربي يعلم بحالي..

فؤادي باقي بس شوي واحس من الجسم يظهر..

بديت اعرق مادري ليش وخابت كل امالي..

انا توقعت بخاطري خلي مصيره يرجع الغالي

اكيد انه سمع اي شي وجوه صار متعكر..

ولكن طول غيابه وزادت فيني اعلالي..

مرض قلبي تعب فكري واحس جسمي متخدر..

وقلت خلني ارسل له مسج وشكيله احوالي..

وارسلت المسج وشوي دق لي وبدون مافكر..

هلا والله يااغلي الناس هلا والله بالغالي..

الو..و رد ماقلتلك لاتذكرني اوانا اذكرك..

ابي بس اذكرك بالخير ياخلي خلني في حالي..

وقلت وخاطري مكسور انا اسف وماكرر..

قسم بالله إلين اليوم وحالي يرثي الحالي..

قسم بالله إلين اليوم ولا ادري ليش هوتغير..

قسم بالله ماغظت عيوني النوم ولاهدا بالي..

قسم بالله مامر يوم الا وفيه انا فكر..

قسم بالله قلت بنساه بس طيفه يتهيالي..

قسم بالله لو حاولت انساه اذكر..

إلين اليوم انا عندي امل ير جع ويصفالي..

اقول الشوق بيرده على فرقاي مايقدر..

إلين اليوم وضحكاته وبسماته على بالي..

إلين اليوم ماقدر كثر مافيه انا فكر..

ابعرف وش السبب ارجوك وش الي بس يجرالي..

انا وش سويت ياربي عشان يثور ويتفجر..

انا والله ماستاهل ابد كل الي يجرالي..

اقل مافيها بس قلي سبب خلاك تتغير..

ابعرف شالموضوع علامك صرت ماتبالي..

بذمة كل اهلك شفتني بشي انا مقصر..

انا راح انتظر ردك ولو حتى بمسج خالي..

سنه سنتين الي يهم اشوفك ثاني قبالي..

ثلاث سنين او اربع ابصبر يعني راح اصبر..

ولكن حكم احساسك وجاوب ياغلى كل غالي..

بذمة والديك يهون تنساني ولاتذكر..

يهون انك تخليني ولاتسال ولاتبالي..

يهون تنام اليل وتتركني انا اسهر..

كفايه صارلك شهرين غايب عني يالغالي..

كفايه يااعز الناس ترى والله ماقدر..

دخيلك لاتخيب فيك هقواتي وامالي..

واذا عن الصبر والله وغلاتك عندي راح اصبر..

لعيووووونها

18-03-2008, 01:37 AM

تستااهــل

قصيده في غاايـه الجمال

23-03-2008, 08:06 PM

ادري إن فرقاك موت
بس عندي الموت أهون
# # #
لاصار خاين للعهد والحب بعيونه خيال
نار الفراق الحارقه.. ولا الخبيث وجنـّـته
تحيااتي