للغياب عذر وهاأنا أضع بينكم هذه القصيده وآخر البوح وأتمنى ترتقي لذائقتكم
جيت أنتظر وأنا على الموعد أحر مـن الجمـر
قـاعـد أراقــب طـلـة الغـالـي ونـفـح عـطــوره
ياوردتـي حـان اللقـا بليلـة غـرامـك والسـهـر
قـم لـب دعــوة ليـلـك الـلـي ينتـظـرك تــزوره
بنسى الزمان وكل حـزن الوقـت لامنـه حضـر
لأنـه يجـددلـي الـفـرح فــي طلـتـه وحـضـوره
بانـت وبيّـن نورهـا غطـى علـى ضـي القـمـر
حـتـى عـلـى ضــي القـمـر تكـابـر ومـغــروره
يادانـةِ غـنـى الـفـرح بقدومـهـا وزان السـمـر
طـرّف بـهـا لـيـل الـغـرام ونفسـهـا مـسـروره
يامشتـل ورود الغـلا والـشـوق وأيــام العـمـر
لـيـل السـهـارى يبـتـدي مــع جيـتـك يـانــوره
عـن ألـف ليلـه جيتـك فـي ليلتـي وأحلـى بـدر
زيـن بهـا صـدر السمـاء أرجــاء هالمعـمـوره
قم لاعب النسمه ورح معها علـى شـط البحـر
وأطفح علـى سيـل الغـلا وأمواجهـا المنثـوره
ياملهمة كل القصيد اللي أنتشـى منـك السحـر
أنـتـي المعـانـي والـحـروف ودرّهــا وبـحـوره
منهـو قـدر ياصـل جمالـك يالغـلا منـهـو قــدر
مــدام للحـلـوات صـرتـي منـطـقـه مـحـظـوره
حارس على حدك وأنا أفداك من عرض البشر
عايـش مجـنّـد بالـغـلا وأنـتـي زمــان الـثـوره
يامشتـل ورود الغـلا والـشـوق وأيــام العـمـر
لـيـل السـهـارى يبـتـدي مــع جيـتـك يـانــوره
النمط المتتابع
