..السلام عليكم ورحمة الله وبركاته..
لكم هذه القصيده
ولكن لاأعلم من قائلها..
اتمنى ان تحوز على رضاك...
*
*
*
*
خسيتي لعنبو جدك،،خسيتـي والغلـط ينعـاب ** خسيتي واقلبي وجهـك ولا كلمـه ولا جابـه
خسيتي والزمي حـدك تراهـا ضاعـت الاداب** انا لاطاشت جنونـي يعـرف الجاهـل ادابـه
وش المغزا من الكلمه بلا داعي بـلا اسبـاب** وهرج الكذب والتجريح قوليلي وش اسبابـه؟؟
انا الشرهه علي اني فتحت لخافقي كـم بـاب** لكن مثل ماجيتي تـرى كبـر الجمـل بابـه!!
خذي نفسك معك برى ثم انقلعي بـدون ايـاب** فمان الله ،،والا اقول فمان ابليـس واصحابـه
تحسبيني على فرقاك باندم واغـرق الاهـداب** انا مبسوط يوم اني طردت الشـوم وغرابـه!!
انا ماعاشر الخاين والا اسمع هرجه الكـذاب** ومثلك قيمته عنـدي تحـت الزيـرو حسابـه
هذاك الـي تحبينـه حقيـر وخكـري ولعـاب** عاجبك ان قذلته شقرا ويميل بالشعـر كابـه
صحيح انـه حقيـر وشكلـه للنسـاء جـذاب** تشبه باختـه فلانـه ومنهـا الـدم متشابـه
وانا مانيب حرف جر تجرينه علـى الاعـراب** انا حرف(ن) جزم نفسه ومثلي يصعب اعرابـه
تشوم النفس عن زينك عقب ماطاح فيها ذباب** وانا حر(ن) ولـد حرتركـت الزيـن وذبابـه
انا شيخ(ن) ولد شيخ بذكـره تنعـم الانسـاب** الا قام العرب كـلا،، يراجـع دفتـر انسابـه
ولد شيخ (ن) وسط ربعه له بين الرجال حساب** اليا ضاقت به الارياء،، يهز الارض مشعابـه
محنكني على الطيبه من يومي صغير وشـاب** اجل وش رايك بطفل دلال القهـوه العابـه!!!!!
ترى بدرري على مثلك تعيب وساسها معيـاب** ياليـت الـي يعيبنـي يحـاول يستـر ثيابـه
انا لاجتني الزله مـن الجاهـل وهـو كـذاب** تركت القافله تمشي،،، وراهـا تنبـح كلابـه
وانا ليا من كشف ان الخوي اصبح لسانه داب** نزعت السم من عرقه وكسرت بمخلبي نابـه
خلاص اليوم يافلانه كرهتك والقلـوب غـراب** وترى كل طير(ن) بكبد السماء يشبع مخلابـه
خساره مثلك بقلبي تضمـه غرفـة الاحبـاب** وخساره غلطة العاشـق يحطـك اول احبابـه
بعد هذا تبين ارجع لاجل عينك نكون اصحاب؟؟ **خسيتي واقلبي وجهك ولا كلمه ولاجابه!!!!!!!
*
*
*
مودتـــي
النمط المتتابع
