•• ₪ أفــكــــــــار طـــفولــيــــــــه ₪ ••

28-02-2008, 08:28 AM

السلام عليكم ورحمة الله وبركاته ..

وش أخبــااركم ..؟

طبعاً الموضوع باين من عنوانه

أفكـار طفولتنــا..

كلنا نعرف أن الطفوله هي أجمل مراحل عمر الإنسان ..
قلـوب نقيه / وأنفـــس طـاهره / و أرواح عذبــه ..

القليلون [جداً] يحتفظون بها في كبرهم ..

وأكيد مع هذا

شقــاوة / ويسأل عن كل شي وملقوف <<-- لحد يجيني يقول كل واحد يتكلم عن نفسه
اللقافه فطره في الطفل

وبعد فيه شي حلووو

أن عنده معتقدات عجيبـــــه وقناعــات غريبه

أبتكلم لكم عن نفسي أولاً

.

المـطـــر

أول سالفه بقولكم .. هي سالفه المطر
تعرفونه المطر ..
اللي ينزل من السماء <<-- احلفي

يوم كنت صغيره قلت لامي شلون يجي المطر ..؟
قالت : من الله هو اللي ينزل المطر..
طبعاً أنا من صغري وانا ذكيه بسم الله علي ماكفتني الإجابه ..
المطر من ربي فاهمه هالشي
بس أبي أعرف المويه اللي تنزل من السماء بس من وين جايه ..
وأمي الله يصلحها تحسبني صغيره وبيمشي علي هـ الكلام ..

سألت أخوي من وين يجي المطر قال من السماء
وكمّل : "أنا يوم كنت صغير كنت أحسب أن عند الله بزابيز كثيييييييره وإذا بغى ينزّل المطر يفتحها"
<<-- أخوها على النقيض تماماً (لاحظوا ترى متعوب عليها ) يعني يحسب انه يكلم وحده ام عشرين سنه عشان يقولي كذا
البزابيز هي الصنابير حقة الغسالات
طبعاً هو قايله كذا لأنه فهم وعرف من وين يجي المطر ..
لكن أنا ذات العقل الخصب علقت في راسي سالفه البزابيز
مع أني أدري انها غلط
بس مثل اللي تقول [نشبت]
وكل ماجا مطر تخيلت البزابيز الكثيره مفتوحه وتصب

.
.

الحـــرامي

أول يخوفونا بـ الحرامي ..
ترى يجيكم الحرامي
ترى يسرقكم الحرامي
ومدري وشو ذا الحرامي

أتخيله رجال كبير ولابس كلش (أسود) ويغطي وجهه بـ (أسود)يطلع بس عيونه ..

هذا الحرامي عندي
وانصدمت أنه إنسان عادي مثلنا
يعني أي واحد يمكن يصير حرامي مب لازم لابس أسود ..
صرت كل ماشفت (هالعماله) قلت حرامي ..

.
.

المـــوت

"الله يخلي لكم أحبابكم ويطوّل بـ اعمارهم"

أول لما كنا نلعب بـ المسدسات وطبعا لازم نطلع صوت ( طععع - طقش طقش )
بعدين نمسك قلبنا : آآآآع ..ونطيح عالارض بـ البطئ
(ونطلع لسانا ونقول قق <<-- الصوت ) يعني متنا
مدري من اللي لاعب علينا وقايل ان اللي يموت يطلع لسانه
حتى ألحين .. إذا جيت ألعب على أختي الصغيره
أقول آآآآآع وغصب عني يطلع هالصوت قق

.
.

الإشــــاره

أحمر - أخضر - أصفر
كنت محتاره من ألوان الاشاره شلون تتغير ..؟

<<-- ياكثر اسألتها
سألت الوالد -الله يحفظه- قال : يغيرونها المـرور ..

وماقالي من وين يغيرونها ولا شلون ..

تعرفون خيالي واااااااسع
حسبت هـ (الشرطي) داخلها ويغير الالوان ..

وبطبيعه الحال هـ الشرطي (عصقوول) عشان يدخل في الحديده حقة الاشاره

بس يوم كبرت عرفت

.
.

الأرض والجاذبيه

<<-- تحس عنوان درس في العلوم برابع ابتدائي

أذكر أخوي قالي أن الارض مثل الكوره
شلون طيب مثل الكوره ولا تحس ..؟؟
قال: عشان إنــا صغاااار مره ..

تخيلي أجيب نمله وأحطها على كوره كبيــــره بتحس ..؟؟

طبعاً اقتنعد بكلامه -نوعاً ما- بس شلون مانطيح ..؟؟

قال عشان [الجاذبيه] .. ليش إذا رمينا الكوره تطيح ..؟؟عشان فيه جاذبيه بالارض تسحبها ..

مثل المغناطيس بس كبيييير

هالمعلومه حلت مشكله عندي .. وهي اني أبي أطير
ليش العصافير تطير وأنا لا
دايم أشوفها في السماء ودي أطير مثلهم ..
حتى اني كنت أقول: "ياليتني عصفوره"

<<-- طيب حلمي انتس تطيرين مب انتس عصفوره

.
.

طويلــــــه

أذكر يوم كنت بأولى ابتدائي كانت معنا بالفصل بنت طويييييييييييييييله ماشاء الله ..
يمكن طول المعلمه ..
وما اقتنعت أن هالبنت عمرها من عمر كل اللي بالفصل

ومره قالت الاستاذه من أكبر وحده بالفصل ..؟؟ (تقصد نفسها)

قلت أنا متحمسه : منيره (البنت الطويله)

.
.

بابا وماما صغااار
ماكنت أتخيل شلون أمي أو أبوي كانوا صغار ..
مستحيل هـ الفكره تدخل مزاجي
يعني مدري شلون ..
مره قالت أمي لما كنت صغيره كنت كذا وكذا
مادخلت مزاجي الفكره ..
شلون كانت صغيره ..

بس

دايم الصغار امهم وأبوهم عندهم شي عظيم

.
.

وفيه الكثيييييير من الاشياء اللي كنت اعتقدها بس هذا اللي أذكره حالياً

شــاركوني

بـ أفكاركم / وخيــالاتكم الصغيره

.

28-02-2008, 04:56 PM

يسلمووووووو
اي من جد
احنا لكا كنا صغار تلعب بالمسدسات
نسوي نفسنا متنا
نطلع لسانا
ونفتح عيونا
مدري ليه
ا

02-03-2008, 08:38 AM

هههههههههههههه
الله على ايام الطفولة>>>>>>لاخت عمرها 50 سنة
هههههههه

02-03-2008, 11:13 AM

شكرا على هذا الجهد الرائع والمداخلة الفكاهية الظريفه ..
ولكن ربما سؤال خطر الى ذهني وحيرني وهو :

ان اسم كاتب الموضوع اسم رجل .. ولكن اسلوب المتحذث اسلوب بنت .. ولم يكتب على الموضوع انه منقول ..
فأرجو التوضيح .. ولكم كل الشكر وفائق الإحترام ..

... أثر يبين مرور ابو ليلى المهلهل ...