جابك الله من غياب ٍ ضيّق صدور المباني
قبل لا الوحشه تزعزع بيتك الصلب وتبيده



بيتك اللي من رحلت وكل جدرانه تعاني
ماتحمل ينتظر شهرين وعيونك بعيده



الله العالم لو إنك جيت متأخر ثواني
ماتشوف إلا بقايا من حصاه ومن حديده



من عرفتك وأنت تايه من مواني لي مواني
وتارك ٍ قلبي مولّع من وقيده في وقيده



ضاعت سنيني أحد بهاليالي وتحداني
وأنت ماتشبع غياب ولاتخاف من النقيده



ودي أتحمد لك الله بالسلامه , مامداني
كل ماتوصل برحله ترجع برحله جديده



دام تدري كل وجه ٍ غير وجه الله فاني
ياخي أكسبلك ثواب وخاف ربك في عبيده



كان فيني عيب قلي:فيني العيب الفلاني
كان هرجي مزعلك في شي قلي:لاتعيده



عيب تصغر في عيوني وأنت برقاب الغواني
كيف تستسهل طعوني وأنت خابرني وليده ؟



لعنبوك أن مت بيدك من يفكك من أخواني ؟
لحزنوا ربعي على فرقاي شاللي تستفيده ؟



أنت منت اللي عشقته أنت أكيد انسان ثاني
ليه صرت بهالبرود وبهالاحاسيس البليده ؟



وين حبك للزعل .وين العناد الأولاني ؟
وين حنّية زمان وفرحة العمر الرغيده ؟



وين ذاك اللي اليا أقبل مايبات إلا بمأني ؟
وين راح اللي اليا أقفى مايروح ألا فقيده ؟



واحد ٍ من جابه الله بس يامر ويعصاني
الوحيد اللي أخافه غصب وأمشي معه سيده



(مابغيت أطيح بيده) لين ماربي بلاني
ولا أنا لو هي بكيفي (مابغيت أطيح بيده)



ذاك بس اللي يامن جيته يلخبط كياني
اللي بنظره ينشف دم قلبي في وريده



قبل أشوفه أجمع اله أحلى القصايد والمعاني
وأن لقيته ماعرفت أقول لي جمله مفيده



الف مره قبله أعد القصيده من لساني
ولعنبوه أن جيت عنده قمت أخربط بالقصيده



أمدحه وأنا أدري أنه لو تباطاني نساني
أنطحه وانا أعرفه مجنون وأفكاره عنيده



من يسوي بي سواتك يالرهيف الاسمراني ؟
منهو من الناس غيرك غلطته ترفع رصيده ؟



من يقص(جناح طيرك)وأنت أعز أنسان جاني ؟
ليه أخاف(رماح غيرك)وأنت ضرباتك سديده ؟



ان تبعتك .أتبعك من طيبي وواسع بطاني
ولا أنا لاجيت أكيد انسان عزالله بكيده



أقدر أنزع لك ثيابي وألبس ثياب الأناني
وأقدر أطلع من عذابي والعب بدورك وأجيده



ومستعد أكسب رهاني لو بغيت أكسب رهاني
وأخدعك بحساس كاذب وأتحدى من يصيده



أبك أنا لي شفت خلّي حط غيري في مكاني
والله إني لتركه وأن صد لعشق سيد سيده



جيت مابيك تحقرني جيت أبيك تعز شاني
جيت أبي فزعة ظلوعك من مشاعرك البليده



خلني داخل (حدودك) وأجبر بخاطر زماني
أكذب بباقي (وعودك) وأصدق بلحظه سعيده



أنتشلني من (برودك) لو تولّع بالمحاني
عطني أحساس (بوجودك) وأخذ كل اللي تريد



تكفى واليا قلت :تكفى بيع خلق الله عشاني
لاتضيّع من يديني فرصة العمر الوحيده



يعلم الله شفت منك ومن غيابك ماكفاني
كان ماتقدر تخفف هم قلبي !! لاتزيده



شف غيابك وش يسوي بالصدور وبالمباني
وأنت تدري كيف كانت صدمت غيابك شديده



والله أنك لو وصلت البيت متأخر ثواني
ما لقــيـت إلا بـقـايـا مـن حــصـاه ومــن حـــديــده




للمخضرم / حـــامد زيـــد

أتمنى ان ترضي القليل من ذائقتكم الراقية ...

شهادتي مجروحه

بالقصيده وقائلها........


وشهادتي مجروحه ايضا

بذوق ناقل القصيده.......





أخي / أبو ليلى

دااائما وأبـــدا

ماتأتي به(قصائد من العيار الثقيل)


أهنئك على هذا




تقبل مروري
مع تقصيري....







يحفظك ربي

ابو ليلى المهلهل


صـــح لســـــانكــ ولســــان قايـــلها

احســــنت الأختيــــــــار

زاد تألق قلمكــ وازددت تميزآآآ

يــ ع ــطيك الف ع ــافيه يالـ غ ــلآآ ع الطرح الرائــ ع


تقبلي ودي قبل ردي"

تحياتي"
جرح ماطاب

كل الشكر على مرورك الخاص .. فحللت اهلا ووطئت سهلا ..

كلمــات نـديـــة
وحروف عطـرة
ومعانـي مترفــة
تختال بين الكلمات
فترسل الدهشة لعين ترقبها

" أبو ليلى المهـلـهـل "

بحق قد أبدعت أخي العزيز
بهذا النقل الجميل
أدامــك الله ورعــاك
دمت رائع
ودام قلمـك الجميــل
تقبل إعجابي وتقديري

يسعدني ويشرفني أن أدخل متصفحك أخوي المهلهل

لم أعد داريا ..... إلى أين أذهب

كل يوم .. أحس أنك أقرب

كل يوم .. يصير وجهك جزا

من حياتي .. ويصبح العمر أخصب

أخي الملك الشاعر : مرور قلمك في صفحتي يزيدني فخرا وسرورا .. أنت ممن أثق بذوقهم الشعري ..
لك كل الشكر والتقدير والاحترام .. ولا خلا ولا عدم



... أثر يبين مرور ابو ليلى المهلهل ...

مرور طيب من انسان لي كل الفخر انني اصبحت جزأ من حياته .. صدقني يا أخي انني فرح بما قلته من كلام ..
فعسى الله لا يحرمنا منك .. وننتظر منك موضوعا بأحر من الجمر ..


... أثر يبين مرور ابو ليلى المهلهل ...