ريوف الشمري.(لله درك من شاعره).

22-02-2008, 01:28 AM

السلام عليكم ورحمة الله وبركاته,

هذه الابيات التي جادت بها قريحة الشاعره ريوف الشمري وهي ترثي القائد صدام حسين طيب الله ثراه.

ثقيـل الليـل وعيونـي عَصَيّـه
غَدَت لي فـي ظلامـه حاتِمِيّـه
أغالب دمْعهـا و الدمـع غالـب
و لابه خَدّ ما هـو لـه ضِحيّـه
تِطاول في ظـلام الليـل حزنـي
و ضاقت بـي وَسـاع المهْمِهيّـه
همومٍ فـي همـومٍ فـي همـومٍ
تِضيق بْهـا حـروف الأبجديّـه
أحس من الغضب فالصَدْر بِـذره
تِمِصْ مـن العـروق الشمريّـه
و كم بذرةْ غَضَب قبْلهْ بِصـدْرِي
نِمت وَ اوْراقهـا خِضْـرٍ نِديّـه
نِمت حتـى غـدا وآرف ظِلالـه
مِقيـلٍ ياسـع هْمـوم البِـريّـه
قِتيل الغبْـن و الحسـرات قلبـي
و لا له في سُلُـوم الغبْـن دِيّـه
غَبِن مما أرى و اسْمع و أعايـش
صور تِثْقِـل فضـاء الشاعِريّـه
شِتات و ضعْف و اسْتِعمار غاشم
يبـونـا نقْبَـلـه و بأرْيَحِـيّـه
وِ آخِرْهـا وَ لاهـي بالأخيـره
مَعَ المشنوق في عِيـد الضِحيّـه
مَعَ اللـي زاد موتـه و بْجـداره
سِجـلات الخـنـوع اليعْرُبـيّـه
مَعَ اللي منْظـر اعْدامـه ذَهلْنِـي
له اللّْه منْظرٍ وِشْ هـزّ فِيّـه؟!!
رُفض يِخْفي عن الجلاد و جهَـه
وِ قابَـل كالجِبَـل وجْـه المِنيّـه
له اللّْه كيف ما غمّض و لا ارْمش
و لا هـزّه نِـبـاح الرافِضـيّـه
وِقفْ فوق المنصَّـه فـي ثِبـاتٍ
مِهِيـبٍ يعْجِـب النفْـس الأبِيّـه
كأنّـه حاكـمٍ مِـن فـوق منبـر
يبـي يِلْقـي خطـابٍ للرِّعِـيّـه
وِقفْ شامخ وِ ذَكَّرْنـي شُموخَـه
شموخ جْبـال سلمـى الحايلِيّـه
رَحل صدام وآخـر شَـيِّ قالـه
بِأنّ اللّْه ( أَحَدْ ) و أحمـد نِبِيّـه
رِحيلٍ صـاغ للتاريـخ صـوره
تبي تبقـى مَـعَ الأجيـال حيّـه
بِكيت و لا تِحَسْـب إنـي بِكيتـه
سِبـب رِقّـة عواطـف إنثوِيّـه
و لاني يوم مِـن أنصـار ظلْمـه
و حزب البعْث ما هو حِزْب لِيّـه
وِ لكِنّـي ذِرفْـت الدمْـع لَـمّـا
عَرفت أعْماق و أبْعـاد القِضيّـه
رَحل صدام فـي مشْهـد يِأجِـج
فِتِـنْ وِيْزِيـد نـار الطائِفـيّـه
رِحيلٍ عَجَّلوا بَهْ فَجْر الاضْحـى
وِ فالتَّعْجِيل بَـهْ مقْصـد وِ نِيّـه
وِصل يا بوش مضمون الرسالـه
يِجَلِّـي كِـل مسْتـور و خَفِـيّـه
وِصل وِ إن كان في قومي عقولٍ
تَغَابـتْ عَـن مَعانِيـه الجِلـيّـه
سلامي يـا زعامـات الكراسـي
أسوقه في أسى صِبْـح و عَشِيّـه
و مِنّي قبْل مـا أنْهـي قِصيـدي
لِكـل النايِميـن أحـلا تِحِـيّـه

22-02-2008, 01:41 AM

الله الله الله
قصيدة تدل على (( ما يكبرني لقب )) بلا شك .. فاالابداع لا يدل الا على المبدع وانتي كما عودتينا .. ويبدو ان منتدى همس القوافي بدأ يستعيد نشاطه .. ويأخذ نصيبه من اهل الذوق الشعري ..

أختي : هي الكلمات لا تسعفني لان امدح ما تنقلين .. فأتمنى ان يصل اعجابي من مجرد سكوتي .. فأرجو ابلاغي اذا وصل ..

وتقبلي مروري على صفحاتك الواسعه ..

... أثر يبين مرور ابو ليلى المهلهل ...

22-02-2008, 01:47 AM

جزاك الله خير

ياخوي بو ليلى

كما اعتادت صفحاتي
ان ترى نورك ...
الجميل..
واللذي يرفع من مستواها حتى الافق....

يعطيك الف عافيه

فأرجو ابلاغي اذا وصل ..

وصل وصل
ياخوي
مرورك السامي بحد ذاته
فخر
فكيف بماتخطه حفظك الله
(............)

يحفظك ربي

22-02-2008, 02:57 AM

شكرا على الإبداع قمة بالروعة

22-02-2008, 04:25 AM

العفو

اخوي / محمد

جزاك الله خير على مرورك

يعطيك العافيه

يحفظك ربي

22-02-2008, 05:30 PM

رريوف الشمري..شااعره..قوويه..
بقصائدهاا..وكلهاا..منهاا المعارضون..والؤيدون..
....
القصدية.راائعه..وكل كلمة صادقه فيهاا..
صح السانك يا ريوووف..
وتسلم ايدينك..يا ما يكبرني..
..
تحياتي
×هجووس×

23-02-2008, 02:06 AM

يامــــرحبا فيك اخوي هاجس

يعطيك العافيه ياخوي
على المرور الطيب

جزاك الله خير

يحفظك ربي

23-02-2008, 07:43 AM

في هالوقت ..
وفي هالحال ..
ما أقول غير الله يرحمك ويغفر لك ..
دعوهـ من قلب صآدق أحسن له من مليون بيت شعر ..

ريوف كتبت وأبدعت ..
وما قصرت ..

شآكر لكِ يا إختي
على نقل الأبيآت الرآئعه

24-02-2008, 03:04 AM

صدقت ياخوي

الدعاء افضل

ولكن (القريحه)<<تجبر

جزاك الله خير
على مرورك الطيب

يعطيك العافيه

يحفظك ربي

24-02-2008, 02:53 PM

الف شكر اختي مايكبرني لقب على القصيده الروعه والله يرحم صدام حسين

24-02-2008, 07:54 PM

الشكر لك على مرورك الطيب

جزاك الله خير اختي

يعطيك العافيه

يحفظك ربي