++_مسافر_++

17-02-2008, 06:40 PM

من روائع الشاعر محمد عوض بن سرور...

{ مســــــــافـــــــر }

باكر مسافر بس مدري علـى ويـن
قبـل الـوداع اذكـرك بالوديـعـه
بإلله لأطريـت السفـر لا تضيقيـن
اخاف لا ضقتـي تضيـق الوسيعـه
وانا السفر عنـدي مثـل ماتعرفيـن
طبيعـه و محـدٍ يغـيـر طبيـعـه
مثل الزعامه في عيـون السلاطيـن
حكـام نجـد مقوميـن الشريـعـه
وثل المعزه فـي نفـوس العزيزيـن
اخوان جوزا أهل السلـوم الرفيعـه
ومثل البشاشه في وجيـه الجماليـن
زحول الرجال أهل النفوس المطيعـه
ومثل التفاخر في طبـوع الشعاليـن
بأمجاد أهلهـم والحصـون المنيعـه
يعنـي طلبتـك ياعـذاب المزاييـن
لا تطلبينـي شـي مـا أستطيـعـه
إليا غدى الصمـان مثـل البساتيـن
وأقفى خريف الصلب وأقبـل ربيعـه
وكلمت ابوتركي طليـق الحجاجيـن
وقال الوعد روضٍ شمـال الرفيعـه
سريت من دارك على خيـر هالحيـن
هالحيـن لا باكـر ولا هـو تبيعـه
وأليا غدى في عينـي الليـل ليليـن
وصوت الهوى صوت السباع المجيعه
ماعنـدي إيميـل وبريـد وعناويـن
إلا الصحـاري والخطـوط السريعـه
وإليا زملت اذكـر فعـول الدياحيـن
وأرضى ببعض اللي مضى عن جميعه
يطري علي لافي وهـزاع وحسيـن
أخـر رمـوز معنـزيـن النزيـعـه
الدار موحـش والجماعـه مقيميـن
والحـر مايرضـى بغيـر الطليعـه
وأنتي مطاليبك على الراس والعيـن
ما أرضى علي ولا عليـك الهزيعـه
الغدر ماهو مـن طبـوع الأصيليـن
والله يـا منـي ماتجيـك الخديعـه
بس السفـر كانـك بديتـي تلحيـن
يمكن يجـي بينـي وبينـك قطيعـه
ودامك عشقتيني على الزين والشيـن
قولي كذا إن ما طاعك الوقت طيعـه
وإليا زعلتي والله إنـك لـترضيـن
لأن من شرى قلبـي يحـرم يبيعـه
وانا بـأقول وسوي اللـي تسويـن
غيـر جبـال ولا تغـيـر طبيـعـه

.. وسلامتكم ..

.. ودمتم بود ومحبه ..

17-02-2008, 08:39 PM

مثل الزعامه في عيـون السلاطيـن
حكـام نجـد مقوميـن الشريـعـه

مشكوره
خيتو

11-04-2008, 02:51 AM

العفو أخويــــــــــ.,,

نورت متصفحيـــــ.,,

لا خلا ولا عدم..,,

11-04-2008, 05:44 AM

طلة جيدة بل ممتازة ..
تسلم يمينك على هذا النقل الرائع .. ودائما نحن بإنتظار مثل هذه الابداعات ..

كل الشكر والاحترام
وتقبل مروري ...

... أثر يبين مرور ابو ليلى المهلهل ...

11-04-2008, 12:49 PM

نور الدنيا

ذاااائقه عااااااليه

فقد اخترتي بن سرور

وان دل على شي هذا الاختيار

فقد دل على جمال ذوقك وحلاوته ورفعته......

يعطيك الف الف عافيه

بأنتظار جديدك

في رعاية الله

11-04-2008, 01:24 PM

ابو ليلى.,,,

وجودك هنـــــــــا شيء بحد ذاتهــ...جميــــل....

سلمت ع اطلالتك الرائعة...

11-04-2008, 01:25 PM

ما يكبرنيــ..,,

أنت الرائعة..,,

لا عدمتكــ..

ودمتي بسعادة..,,