أكيد العيد مختلف عن باقي الأيام
أكيد فيه زيارات ونروح نصلي صلاة العيد
بالنسبة للفرحة .. هو بصراحة الي مو مبسوط من داخله
اي مناسبة مراح تفرحة
بالنسبة لي عيد الفطر مميز أكثر من عيد الضحى
ومع ان كل الناس كانت تقول وللحين يقولون أن عيد الأضحى للحجاج أكثر
يعني هم الي يحسون فيه أكثر منا ..
بس بصراحة أنا حجيت .. ويوم العيد كنت في مكة
ولا حسيت فيه لأني كنت جالسة على أعصابي
أنتظر يضحون عشان أحل الأحرام و أرتاح وكنت افكر في رمي الجمرات وفي الرجعة ثانية للحرم والطواف وضغط الزحمة وبعدين السعي ووو
وبعد ما جاء خبر انهم ضحوا فرحت حيييييل
لأني افتكيت من الاتزامات لأن في اشياء كثيرة محرمة على المحرم
استانست وحليت الاحرام ..
بقى علينا قلق رمي الجمرات والخوف من الزحمة والواحد يخاف تجيه حصاة طايشه ويخاف يطيح ويدسونه ههههههه
يعني انا احس ان الي ما يحجون يفرحون ويلبسون جديد
أما احنا نبقى بس نحاتي ايش بنسوي بعدين
وبقينا كذا .. لين خلصنا اعمال الحج كلها ..
وربي ما حسيت بالعيد إلا لما جينا بنطلع من مكة
لأن بكذا خلصنا الواجب
شو الي تغير تعال قولي بدي اعرف
النمط المتتابع
