%% شموخ رجــــــل%%

21-12-2007, 01:44 AM

((شموخ رجل ))

للشـــاعر:إبراهيم العريفي

اتمنى لها الاعجاب من ذوي الذائقه الشعريه

ياقافي اسعفني وجـاوب مناديـك
من هاجسٍ وسط الضماير سطابـه
حرك شعوري لاهب الكبد تحريـك
وباب الشعر مفتوح ماصـك بابـه
حسبي على اللي صابني فيه تشكيك
خيب رجا اللـي بالمـوده لجابـه
فكك رباط الـود بالحيـل تفكيـك
وكاس المعزه صـار مـرٍ شرابـه
بيض الليالـي اظلمـت بالمحاليـك
سبة غريـرٍ صـار حبـه طلابـه
تشربكت هجوس فكـري شرابيـك
من بحر حبه يـوم حالـي غدابـه
في كل ليل ايحل تضـوي دواكيـك
والشوق حده قـام ياكـل نصابـه
شيدتله بالقلـب حصـن ومماليـك
واقفت به الايـام حضـرة جنابـه
والعشق من يمشيه عسر المساليك
وياكم غيري فالهـوا قـد مشابـه
فالمهمهـيـه ورده للتهـالـيـك
وان كثرت الشكوى تطول الكتابـه
وللترف قلنا رح عسى الله يجازيك
من يجرحك بالقلب يدمي صوابـه
تلقى حدٍ غيري يزيد العنـا فيـك
ويصدر عليك احكام حـد الحرابـه
ياطير كان ان الاشـارات تكفيـك
كلٍ علـى جسمـه يفصـل ثيابـه
مات الغلا والشوق ولااحب طاريك
ولاعاد مثلك نشتقـي فـي غيابـه
لياصرت مقفي رح وبعد خطاويـك
وحنا المقفـي ماحسبنـا حسابـه
نظم العريفي جاب شطره على ايك
وعسى الدعاوي كلهـا مستجابـه

21-12-2007, 02:19 AM

لا صرت مقفي رح وبعد خطاويك
وحنا المقفي ما حسبنا حسابه
بيت غاية في الروعة من دون نقله
فما بالك انتي من نقله
طبعا ستزيد حروفه بريقا وسيصبح وزنه الشعري أثقل مما كان
أختي حفيدة.. أبدعتي فأمتعتي...

... أثر يبين مرور ابو ليلى المهلهل ...

21-12-2007, 02:25 AM

جزاك الله خير اخوي

ابو ليلى

على مرورك المميز
والمحمل بريح المسك

في رعاية الله

21-12-2007, 03:03 AM

أختي حفيدة لكم تمنيت أن تطلي علينا برائعه
للمخضرم / حامد زيد حتى تحكمين علينا بالمؤبد
في سجن حروفك التذي لانريد أن نخرج منه

وتقبلي كل ودي واحترامي,,,

... أثر يبين مرور ابو ليلى المهلهل ...

21-12-2007, 03:10 AM

صح لسان قايلها

ابيات روعه

وسلمتي

ودمتي بود

21-12-2007, 06:04 PM

إقتباس:

اقتباس من مشاركة أبو ليلى المهـلـهـل

أختي حفيدة لكم تمنيت أن تطلي علينا برائعه
للمخضرم / حامد زيد حتى تحكمين علينا بالمؤبد
في سجن حروفك التذي لانريد أن نخرج منه

وتقبلي كل ودي واحترامي,,,

... أثر يبين مرور ابو ليلى المهلهل ...

ابشر بعزك يابوليلى
ماطلبت شيء وان شاء الله
انزل احدى قصائد
المخضرم /حامد زيد

في حفظ الله ورعايته

21-12-2007, 06:10 PM

يعطيك العافيه
اختي
غرور انثى

على مرورك العطر

دمتي في رعاية الله وحفظه