يابوي انا من ضوك اشعلت ضوي = والله ماتفني ولو كنت غالي
شربت علمك في مراحل نموي = حتى قوى عودى وغنا لساني
تذكر ضناك الحالك اللي ينوي = صار اكبر من ايه نوايا واماني
ياليت عمرك طول وعشت جوي= وتشوف كيف انجبت لك عمر ثاني
عشق على حبل الوريد متلوي = لهوايه التحليق وحدي خذاني
ما ضقت من باكر وانا اقول توي = هذا زمان الغير ولا زماني
ودي تحدثه النجوم بعلوي = دام الثرى يحلم بحزة طماني
من لادخل بين الرجال متقوي = ماظنتي يصهل صهيل الحصاني
واللي على جال الظلوع متطوي = تباشري بمفارقه يا لمحاني
والله لا سوي ثم اسوي واسوي = والافلا باسمي فلان الفلاني
ماتوه عداي وصار وقتي عدوي = لابو دقايق ساعته والثواني
انا على ذاك المكان متروي = بس الوعد لاقلت هذا مكاني