منك العذر وعلي المعذره @@ لاتحسب حساب هجر ولا هجير
كل ذنبِ بتذنبه بستغفره @@ واحدِ مايعذرك مافيه خير
دور بقلبي وطن واستعمره @@ عندك من الضلع الأول للأخير
عيش فيني ودمر اللي تدمره @@ واعتذرلي وإعتبر سرك في بير
لاتبشرني بجرح وتذخره @@ ولا تعشمني بحزن وتستخير
ولاتنومني بليل وتسهره @@ ولا تنام إلا وأنا جفني سهير
خلني مثل النجوم امبعثره @@ عيش فيني لاشهيق ولا زفير
لاتقول العفو عند المقدره @@ خل قلبك صلب وحسابك عسير
المسامح والزعل للمبزره @@ ولا انا لاني زعلول ولا صغير
ودي ادري كيف للحزن إثمره @@ ودي اقطف من قساوتك العبير
ودي اجفل من افراقك واحذره @@ ودي اعرف لو فقدتك وش يصير
لو تقدر خاطري صدق.. إكسره @@ لو صحيح تحبني.. لاتستشير
إزرع بقلبي سبب يستنفره @@ إثبت إنك غير و إن الناس غير
شاعرك ماكل بنت تجرجره @@ حارت به عقول ناسِ ماتحير
النسا ماحركن فيه إشعره @@ ثار عشقِ ومالقي شيِ يثير
إن سكت كن الوقار فمنبره @@ وان تكلم زمهرير بزمهرير
مايحضر إلا القلوب مجمهره @@ ومايغيب إلا وعشاقه كثير
إن هجرته تستقر بمحجره @@ وان تبعت ارضاه ماعينت خير
اسكنه لاكن بعد ماتهجره @@ إبتسمله بس لاشفته كسير
حن لاكن حن لاجبت إخبره @@ حب لاكن خل حبك بالأخير
لو عطيته وجهك اعطاك إظهره @@ صد عنه ويتبعك مثل الضرير
لاتحاول تكسبه ماتخسره @@ صير ثلج يصيرلك مثل السعير
ماتميل إلا الغصون المثمره @@ ومايسيل من الجروح إلا الغزير
من قبل لاتنقهر منه إقهره @@ قبل لايستحقرك خلك حقير
انثره ..لملمه..لملمه ..انثره @@ صد.. كابر.. طير لو تقدر تطير
من متى وانا اتحرالي مره @@ تثبت اني لاوقعت اوقع كبير
ابك انا مقطوع من غصن إشجره @@ لاصديق.. ولارفيق ولا عشير
إبدوي شيب الصبر إشعره @@ ماعرف ريش النعام ولا الحرير
إن غفا كن السحاب يدثره @@ وإن صحى يفرش من الرمضا حصير
ماخذِ من قسوة البيد اكثره @@ ومن شموخ البدو شيِ مستطير
جنته صحراء والشوك إزهره @@ والسراب بنظرته مثل الغدير
إن فزع يامشجعه يا مظفره @@ من خلقه الله وهو قرم وفقير
كان ماتقدره قول ما اقدره @@ صير غالي صدق ولا لاتصير
الغلا إللي ماتزعزعه اهجره @@ كان قلبك لايجار ولا يجير
شوفلك رجل بليد واستحقره @@ واجد إللي يعشقون بلاضمير
بس انا لو جبتلي مية مره @@ ماتحرك في شعره لو تطير
هي من آخر روائع المخضرم/حامد زيد
وأتنمى أن تنال على إعجابكم...
النمط المتتابع
