(1)
خلاص أبعد ..وانا ببعد
دخيلك نسني حبك
بعد ماأهديتني جرحك
دخيلك فارق اهدابي
وبعثر لمه احبابي
أنا بكذب وبقول ابعد
وأبيك تصدق الكذبه
ومعي تبعد؟!
دخيلك نامت جروحي
على روحي؟!
وزادت حرقه انفاسي
وأنا المطعون باأحساسي
وقمه حزني احساسك
وأنا ماعدت أتحمل أداوي
جرحي واسكت؟!
أنا بحكي وبقول لكل عن
اللي حرك احساسي..
عن اللي بعثر جروحي
عن اللي من تعارفنا
رمى سهومه بروحي؟!
(2)
أبيك تكون ويايه
صديق يحقق منايه
وأبيك تكون بالصوره
وأنا البرواز والرسمه
وأنت ألوانها الحلوه
أبيك تصدق احساسي
بانك أغلى من ناسي
جمعني بك حظي المسكين
وانا منكر لك المعروف؟!
(3)
زمن أهداني البسمه
وكتمت بصدري هالعبره
خطاي أني رسمتك حلم
وبقيت اروي معك حلمي
وصارت دنيتي هالحلم
ومات الحلم في لحظه
وانا اللي كم حلمت القى
من احساسك مجرد حلم
صرخت بكل مافيني..
أنا ماأخطي ولا بزله..
وخطاي اني رسمتك حلم..
وخطاك أنك مسحتيني
قتلتيني..
وقلتي بصدق من قلبك
جنابك ..والله مايعني
لشخصي ..حتى ..حتى
الحلم ..رضيت
أو عمرك ماترضى
ترى ماعدت لي شي
(4)
أنا شسوي بعمري
مدام أنك قتلتني
حتى ..حتى ..الحلم
وأنا والله حلفت
أني على حبك
اصونك حتى من
نفسي؟!
وأحفظك حب
مثل اسمي؟!
واردد حبك
بقلبي؟!
(5)
لأنك أصدق الاحساس
ولأنك أجمل من البوح
ولأنك اسمى .. وارفع ..
ماأجيب الحب بالطاري؟!
أنا ماودي بكلمه تكون اليوم
عنواني
أنا لمن حكيت بصمت أبي
احساسك
يترجم ..أبي ترسم على شفاهي
وتقول الصدق مبدانا ..
وحقيقتنا
طهارتنا ..أبي العزه ترفعنا
عن الزلات والذله..
ويبقى حبي بدربي مجرد حلم
واصونه؟!
وأطهرحب أعيشه
وأصونه حتى من قلبي؟!
ويبقى الجرح في دمي
يذكرني بغروب الشمس
وتبدأ رحلتي بجرحي..
وأذكركل حلم ..مر..
واقول الجرح يامقواه
سلب من عيني الراحه
وماتت قصتي وياه
وتفارقنا ..ورسمنا
حتى ..حتى الدم..
وتفارقنا
وجرحا ظل ياسرنا
يبعثرنا ..ويوجعنا..
وتفارقنا..
وتفارقنا..
وتفارقنا..
ولاظني بعد هاليوم نتلاقى
عجبتني ونقلتها لكم
بقلم:عائشه السعيد
النمط المتتابع
