السلام عليكم ورحمة الله وبركاته

أحيانًا تُخطب إحدى الفتيات لشاب عن طريق الأهل, وقد يعقد قرانهما كي يتسنى له رؤيتها ومحادثتها والتعرف عليها, وقد يسجل العقد في المحمة, ولكن ولظروف خاصة بالفتاة كأن تجده غير لائق بها فكريًا أو دنيًا أو حتى اجتماعيًا ,أو قد لاتشعر نحوه بعاطفة تخولها متابعة الحياة معه , فتفسخ خطوبتها ويتم طلاقها في المحكمة, فتخرج من الخطوبة بلقب مطلقة ,وقد تكون مدة الخطوبة لاتزيد عن أيام ...ينظر الناس إلى تلك الفتاة على أنها مطلقة أو مخطوبة سابقًا, وهذا يؤثر عليها في مسألة الزواج مستقبلا, وحدثت قصص كثيرة مشابهة لذلك ..سؤالي للشاب الذي أريد أن أطرحه عليه ... بصراحة :هل تقبل بالزواج من مخطوبة سابقًا أو مطلقة ولماذا سلبًا أو إيجابًا ؟
منقوووووووووووووووووول

أختكم
النــــــــوري

أرجوا التفــــــــــــــــــاعل

مع الأسف

عندنا البنت المطلقه يحكمون عليها بالموت

يعني ماتنخطب مره ثانيه الا بالموت وكل الناس ينظرون لها نظره اسحقار

حتى لوماكل لها يد في طلاقها وكان العيب من طليقها تلاقينه عايش حياته طبيعي

ويتزوج ويجيب عيال وهي المسكينه قاعد ببت اهلها تنتظر ولد الحلال اللي ماراح

يجي !!!

احنا مانحس باالمصيبه الا اذا طاحت علينا

مثلا لو تطلقت اختي او اي احد يقرب لي يصير حرام وماتستاهل وهي مالها ذنب

واذا تطلقت بنت الجيران نقول تستاهل واكيد مسويه شي ولا كان ماتطلقت

طيب ليه ماادري مجرد عقليات متخلفه حكمت علينا نعيش بهاالنظام البايخ




وانا من رائي ان الزواج بمطلقه او فتاه كانت مخطوبه عادي ومافيه شي وفي

اختراع اسمه (اسأل قبل لاارتبط)واذا البنت محترمه وماعليها كلام مايمنع ارتبط

واذا البنت عليها غبار دور غيرها اما الطلاق لاابد عمره ماكان مشكله.....





النوري

يعطيك العافيه غلاتي

لاعدمنا مواضيعك المميزه

في انتظار القادم

هذي المشكلة ..

أن الناس دايماً حطون اللوم على البنت

يعني لو ما فيها عيب ما كان تركها

طيب يا الناس الرجال لا هو نبي ولا ملاك نازل من السماء

له أخطاءه وله عيوبه ,, ومن حق البنت ترفض تكمل مشوار الحياة معه

ومثل ما قالت أختي كلي أمل

ما حد يحس إلا لما هو أو أحد يعز عليه يطيح بهذي المصيبه

وخاصة المرأة ..

وصدق من قال أن المرأة ضد المرأة في مجتمعنا

وأنا أقول قبل ما نحكم على أحد نحط نفسنا في نفس الموقف

ليش هالأنانية ..

ليش كل واحد ما يحب الخير إلا لنفسه

ليش ما نقدر مشاعر بعضنا ونحس بأحساسهم

وأحنا في هالدنيا الي تخوف كل انسان معرض لأنواع من المصايب

وخاصة هليام ..

يعني ممكن اي وحدة تنخطب وتكتشف أن هالأنسان أبد ما يصلح لها

و ممكن تتزوجه مرة وحدة .. ولا تكتشف خزياه إلا بعد
الدخله


ايش يصير يعني .. خلاص انقلبت الدنيا ..
ايش ذنبها هي ..
غذا أهلها قالوا لها هذا زين ويالله خذيه ووثقت فيهم


لا وفي شي ثاني .. أنا أعرف وحده أهلها غصبوها على شاب ما تبيه

وفي ليلة الدخله قالت له أنها مغصوبة عليه ..

وهو لأنه رجال يحترم نفسه وعنده كرامه

تركها ورجعها بيت أهلها من غير ما يلمسها ..

الناس بدوا يتكلمون .. وكل واحد يقط كلمة أكبر من الثانية على البنت

ايه وأكيد شايف فيها شي مو عدل عشان تركها ..

أكيد مسويه شي .. وووو

بس الحمد لله .. رب العالمين انقذها من هالموقف ..

لأنها بنت طيبة وعلى نياتها

وكان ولد عمها يبيها من زمان .. وتزوجها

يعني لو فيها شي ما تزوجها


أعوذ بالله .. صاير الاتهام في العرض مثل العلك في حلوق الناس

ولا كأن فوقهم رب يسمعهم ويشوفهم وبيحاسبهم ويعاقبهم

ولا كأن وراهم جنة ونار ..

كلي أمل
لون الصباح
يعطيكم الف عافيه على التعقيب
وسلمت اناملك
على هذه الاراء الرائعه
وحفظكم الله
ودمتم لمن احبكم