كرامتي تســــوى حياتك وتســــــواكـ

04-10-2007, 01:13 AM

عندما يصرخ جرح الكرامه فلن تجد بدن من سماع عذوبة حرفه ورقة كلامه وعزته وشموخه رغم الألــم:(

كثير من البشر يسأل عن اسباب الحزن فينـي

وكثير من البشر وده يعرف بدنيتي وش صـار

وعلام اللي يقابلني يشوف الدمـع فـي عينـي

وانا توي صغير السن حزين وشـارد ومنهـار

انا بحكي بقول الحين عن اللي صار في سنيني

ولكن قبل لا اتكلم ابيكـم تحكمـو يـا اخيـار

تعالوواشهـدو يانـاس تعالـواطالعـوا فينـي

تعالو شاهدوا جسمي غدى ناحل وعقلـي طـار

انا ماني تـرى مدمـن ولا ضاعـت ملايينـي

وربي يابشـر حالـي سبايـب وقتـي الغـدار

تعالو واسمعوا مني وش اسباب الحـزن فينـي

وشنهي سبة دموعي وش اللي بدنيتي اسـرار

يتيمٍ ايه انـا عايـش يتيـم محـدٍ يراعينـي

ولحدٍ عني جاء يسـأل وحيـدٍ جالـسٍ بالـدار

يتيمٍ مافـي بالعالـم رحـومٍ جـاء يواسينـي

يتيمٍ عايش بحسره وضيقـه عيشتـي امـرار

يتيمٍ في نهـار العيـد محـد جانـي ينادينـي

يقول لي خذ حلاو العيد زمانٍ كنا فيـه صغـار

يتيمٍ صـاح ياموتـي رجيتـك رجـوه تجينـي

يومٍ استاذي قال بكره يجـون ابائكـم ياصغـار

شهادتكـم تـرى بكـره وابوكـم لازم يجينـي

بسلمها انا بيده وشهـادة شكـر مـع ازهـار

وجاء بكره وجيت امشي ولحدٍ ماسـك ايدينـي

ومن أي طالب دخل ماسك بدين ابوه صرت اغار

وكنـت الاول ولكـن دموعـي كانـت بعينـي

نزل دمعي وسط حفلٍ كبيـر وحاضرينـه كثـار

مقصر زادها الاستاذ ما بـارك صـار يعزينـي

شهاده كانت بيدي احسهـا جمـرة مـن نـار

ترى هذا سبب واحد من اسباب الحـزن فينـي

يكفـي يابشـر وإلا اكمـل وافشـي الاسـرار

ابحكي عن سبب ثاني سبب زاد الحـزن فينـي

حبيبٍ مـت فـي حبـه ولكنّـه طلـع غـدار

انا رغم اليتـم حبيـت عشقـت بكـل مافينـي

عشقت وكنت له وافي واذا اخطأ اجيب اعـذار

انا حبيت لي شخصٍ عشقتـه عشقـي لعينـي

وهو حبني واقسم لي برب المصحـف الجبـار

انـا صدقـت حلفانـه وهقيـت انـه بيغلينـي

ومثل ماني احبه مـوت توقعتـه يجينـي بـار

ولكـن خيّـب ضنونـي توقعتـه بيحميـنـي

توقعته حبيبي يكـون ولكـن صاربـي غـدار

اثاري كـان يتسلـى ووقتـه يضيعـه فينـي

وانا اللي أحّسبه يحبني واحسبه حاط لي مقدار

قطع في طعنته اخر عـروق الفرحـه بسنينـي

وزادالحزن في قلبـي وخلانـي اعيـش بنـار

خدعنـي ونيتـه ينهـي حياتـي وده ينهينـي

وعجزت اخذ بثاري منه حبيبي كيف اباخذ ثـار

ومع غـدره وطعناتـه غرامـه ساكـنٍ فينـي

ولا ظني انا بنساه لو اتعالـج بوسـط شهـار

عرفتو يابشر هالحين ليه الدمـع فـي عينـي

عذرتوني على جسمي عذرتوعقلي اللـي طـار

وامانـه يابشـر تكفـون اذا منكـم يلاقينـي

لايسألني وش الباقي من اللي بدنيتـي اسـرار

لاني لو انا بحكـي جميـع اللـي انـا فينـي

ياناس عقولكم والله بتلحق عقلـي اللـي طـار

منقووووووووووووش:a39:

اعتذر لكي يانفسي عما بدرمني ان اخطئت

05-10-2007, 12:06 AM

فتى عاش اليتم وشرب من مرّه كؤوسا وأقداحا

كل شيء يهون الا فقد احد الابوين

وجاء بكره وجيت امشي ولحدٍ ماسـك ايدينـي
نزل دمعي وسط حفلٍ كبير وحاضرينـه كثـار

قصيدة مؤثرة ورائعة شكرا أختنا / النــــــوري
على نقلها
وبالمناسبة القصيدة للشاعر / شاعر حزن سعد الميموني