قالت :قصيمي
قلت:فخر ومعزه
اهل الفخر والعلم والحلم والباس
قالت:قصيمي قصدها بي تهزئ
ماتدري اني بفتخر وارفع الراس
الحمد لله روسنا دوم رزه
اللي خلقنا بس نحنيله الراس
صافي نسبنا والحسب في عزه
اصلاٍ اصيل وفصل والعرق دساس
اهل الوفاء والدين صافي منزه
عن كل ماشاب العقيده من دلاس
حنا العقيلات ننشد الرجال غزه
حنا هل الدنيا وللدين حراس
حنا سنايد نجد في كل حزه
لاخانت حلوق الرجاجيل الانفاس
حنا جبالٍ يعجز الريح هزه
حنا لنجد حزام وعصابة الراس
نارض احياظ المرجلان وننزه
مانمشي دروب الرذيله والادناس
من يغلط لسانه علينا نجزه
واللي يحقر حق الرجاجيل ينداس
ان العقل يكفيه بالعين خزه
يقضي عليه الخوف مع كل هوجاس
من ذكرنا في قلبه تثور نزه
من طاري القصمان يبلاه وسواس
نومه كوابيسٍ وروعه وفزه
دقت رقاويس الخطر به والاجراس
ونهو لقاله من علينا يوزه
هوله الصعبات وبليس خناس
مايدري انه للمهالك يدزه
عجل على مبناه يمحى من الساس
يابنت حنا من نخانا نعزه
يامن بناء الملهوف وتهابنا الناس
مرسولنا للخير دايم نكزه
ومن صرخه المحتاج نرخي بالكياس
تاريخنا مجدٍ لبسناه بزه
نمشي بوسط السوق ماندحم الساس
لك ماتركنا بكاس المجاد مزه
واجد عليك ومثبت حثاله الكاس
وش جاب حر الطير لفريخ وزه
منهو يساوي جوهر الماس بنحاس
لاتحسبين انك لنا مستفزه
وش ياخذ الباعوض من ريش قرناس
تعيــــــش القـــ ص ـــــيم ... :a21:
النمط المتتابع
