( 1 )
ويغازلون ..
والليل يتسحب على باب الفجر بالهون .
والشمس تتسحب على الشبّاك ..
وهناك ..
يصيدها الملعون !
يا هل ترى يدرون ..
إن الحكاية كلها حكاية هروب من الوجع
ورفض وطمع مدفون .
يا ساهرين بحزن كاسيه الطرب
يا ساكنين أرض العرب
يا ليه ؟ .. يا وشلون ؟ !
من زمان آدم وكل الناس في حاله
على حالة أبوهم ..
يعشقون .
ومن زمن حوّا .. وحوّا ما درت ..
إن الرجال ان فاتهم ملك اليمين ..
من حظهم ما يقطنون .
يعني إذا ضاقت وسيعتهم عليهم ..
يرحلون لحضن أنثى تستمع ..
ويغازلون
( 2 )
لعبة هوى ..
والناس فيها مو سوا ..
الناس إما زاهدٍ في كل شي ..
وإما غوى !
لعبة هزيمة ..
ما ينتصر غير الغبي فيها
وقليل القيمه واللي ما استوى .
( يا عاتكة ) :
صبي سواليفك على جمر الجراح اللي تعب
منها الدوا .
صبي كمان ..
لا توقظيني من الأمان
وغير الأمان .. زمان دون المستوى .
( يا عاتكة ) :
فلتطفئيني قبل أن يبصرن ناري ..
فلتداري ..
فلتغاري .. كلما شنّ الجوى .
إمّا الحزن .. وامّا عيونك
شنّي علي فرحة جنونك ..
واطلقيني بالهوى .
الناس يا عاتك قنابل عشق موقوته على رمشك ..
واذا رمشك أمر يتفجّرون .
وان كان رمشك ما أمر
تناثروا في صيفك اللافح زهر ..
وصاروا يناجون المطر ..
ويغازلون ..!
قصيدة التقطتها بالصدفة لصالح الشادي (منقول )
النمط المتتابع
