هذي قصيدة للشاعر المعروف00المتميز حامد زيد 00الذي ابدع االجميع بتحفة اشعاره وروعتها000اترككم مع القصيدة00
على ذاك الطريق اللي يسمونه غرام احباب
وطت رجلي على دربه ولا ادري وش نوى فيني
تبعته لآخر دروبه الين ان القمر قد غاب
تعب قلبي و لا تعبت مسافات توديني
لقيت الليله الجردا هدب ظل و سما و أعشاب
بعد ذاك الظلام اللي يتوهني عناويني
صدفتك معجبه فيني و يا ليت الغرام أعجاب
و تراك انتي الهنوف اللي هقيتك تستحقيني
عطيتك عشق من قلبي وسلمت لغلاك أرقاب
وغيرك يحترق قلبه و لا يقدر يحاكيني
أنا قبلك صدفت عيون لكن وش جاب لجاب ؟
ترى كل العيون اللي لقتني ما تكفيني
رماني حظي العاثر عليك وجيت لك طلاب
ولا انتي اللي عشقتيني ولا انتي اللي عتقتيني
تعالي وأرحمي ذاك الخفوق المولع المرتاب
مهب لأجلي عشان الله يجازيك و يجازيني
تعدى في سما عشقي ولو عشقي خراب أصحاب
و صوني بالهوى نفسك قبل لا انتي تصونيني
وشيليني على متنك خفوق باري منصاب
و من فوق الغرام العذب شيليني وحطيني
والى منك هقيتيني شجاع وما يطيق يهاب
أنا لك بالهوى والله مثل منتي هقيتيني
أنا ما أمشي ورا غيرك ولو انه يطق الباب
و ترى عيب علي أطعن و لو كثرت سكاكيني
هود ما يطيق الدم لا داين و لا طلاب
شجاع وعارف نفسي وأظن انك تعرفيني
غيور ما عرفت أضحك مع الغدر فبرود أعصاب
أبيع عيوني الثنتين قبل أنك تخونيني
و أن اشتد الغرام أترك خفوقي بين ناب و زناب
لفرقا تكسر ضلوعي و لا عشق يوطيني
أنا رجل و لي غيره و اذا اشتد الهوى كذاب
تثور بقلبي الفزعه و لا تهدا شياطيني
سؤالك لو يزعزع بي كياني ما قبلت اعتاب
أجي لك و أسألك نفس السؤال اللي سألتيني
عن العشق القديم أبواب تقفيها كثير أبواب
بعد ذاك الحبيب اللي خدعني و انخدع فيني
أبي عشق تحسب له كل نظرات العيون حساب
و أبي قلب على قلبي و أبي دين على ديني
و أبي نظرة عطا توفي و لا تخلف بدون أسباب
و أبي منك قبل لا انتي تصديني توديني
و أبي درب على العذال صعبٍ متعبٍ غلاب
و أبي نفس الطريق الصعب يبعدهم و يدنيني
ترى لو للقلوب عيون و لدموع العيون أهداب
حشا ما تنزل الدمعه لغيرك لو تركتيني
أنا أول من عرف قدرك و أنا توي صغير وشاب
وأبي منك ما دام انك عرفتيني تحبيني
مادام اني لقيتك في طريق أسمه غرام أحباب
دخيل الله وبعد الله دخيلك لا تخليني
مادام ان كل من يحيى على وجه التراب تراب
عسى تنساني الدنيا دام انتي ذكرتيني
اتمنى تكون نالت اعجابكم000
النمط المتتابع
