قصيده أعجبتني حبيــت انقلها لكــم
أخيراً .. مابغيتي تقلبي الصفحة وعلـي تجيـن
على أعصابي وربـي ليـن شرفتـي وجيتينـي
قبل ماتوصلين لصفحتـي خفـت إنـك تمليـن
وترمين المجلـة مـن يدينـك وأبتلـش فينـي
عموماً ماعرفتيني ؟ (محـــمـد) ناظرينـي زيـن
تهجّـي صورتـي وإتمعنـي فينـي وشوفينـي
صحيح إن الحزن سوّا سواته من ثلاث سنيـن
وغيّر فـي ملامـح شاعـرك يومـك تركتينـي
ولكن بي علامـة فارقـة مـن يومهـا للحيـن
دخيلـك ركـزي هـي لـو لقيتيهـا عرفتيـنـي
دخيلك شوفي عيوني وقولي لي وش تشوفين ؟
أنا باعلمك .. (مشهد فـراق ومسرحـه عينـي)
تعالي إتفرجّي .. مشهد من إخراجك سنة ألفين
إلين ألحيـن يعـرض ويتـوزع فـي شرايينـي
بكيتك وقتها لين أنفجر تحـت الهـدب عرقيـن
توسلتـك .. طلبتـك بـس ماكنّـك سمعتيـنـي
على إللي صار لي منك يابنت الناس لو تدريـن
شمت فيني المكان إللي علـى صـدره رميتينـي
جلست أتأملك يامقفيـة فـي عينـي تذوبيـن
وجمعت إللي بقى منـي وجـا واحـد يواسينـي
أثاريه الشعر جاني بهيئة شيـخ فـي الستيـن
وفي كالعـادة إليـا ضـاق صـدري مايخلينـي
تجاهلته وطبطب فوق كتفي قال : قـول آميـن
(عسى الله ينتقـم منهـا) وصـد وراح يبكينـي
بعدها كـل ماكلمتـك تقوليـن لـي : وبعديـن
شهر .. شهريـن أحـاول فيـك لكنـك تردينـي
عرفتي من أكون ؟ إتكلمي ماسمع وش تقولين ؟
بربـك .. أسألـك بالله بغيـابـي ذكرتيـنـي ؟
قسم بالله مانسى ماحصـل منـك ليـوم الديـن
كفاية وأقلبي الصفحة تـرى مـن جـد مافينـي
منقوول لعيوونكم :)
النمط المتتابع
