الهنوف اللي بدت معي الغرام من البدايه
جيتها كلي عسى الخلاق يهدي والديها
جيتها ما املك لهلها لاضلال ولاهدايه
غير كلمة عاشق باقصى ظميري محتسيها
كلمة عندي وصاه وقلبها راع الوصايه
انشدوها كان تبغاني فانارجال ابيها
ياحبيبي جيت من شانك تدرجني خطايه
شوكتين اشوفها والباقيات آطى عليها
جيت خاتم ركعتين الاستخاره والقرايه
يالله اجعل خيرتي فالحاجه اللي مهتويها
ياحبيبي والله ان مالي مع اهلك غير غايه
غايةانصاب منها واتعزوى واحتميها
غاية من دونها ماعاد في قلبي عنايه
داه منها ون بغيت احلف لك ان دواه فيها
وانت تعرف غايتي يامنيتي دايه دوايه
حيثك اكبر غايتن من كم وقلبي يمتنيها
انت باحجار الهوى بانن على قلبي بنايه
والبنايه ياكثر ناس تبيها واحتديها
ان كتبك الله لي قفاالعنا واقبل هنايه
والبلى لاصرت دره فالبحر وازريت اجيها
مشكله لاصرت في دبرة قليلين الدرايه
عالم سبحان من حط الامانه في يديها
ياحبيبي ماعلينا من مرددة الوشايه
الوشايه صيدة الواشي تموت ويشتويها
البدايه حب ناقص وصل واملنا النهايه
يالله اجعل فالنهاية خيرتن دوم احتريها
ياهني اللمبه اللي فوق برواز المرايه
نورها يكشف عليك وغرتك تكشف عليها
وسلامتكم
طبعا هذه القصيده اعجبتني ونقلتها لكم كماهي وهي للشاعر
محمد الدهيمي
اخوكم الخليجي
علي
النمط المتتابع
