شوفو شخصياتPrison Break المسلسل الاروع من الرائع

08-05-2007, 09:06 PM

Prison Break

حينما تبي تفزع لأخوك .. وتنشبلك مليون مشكلة .. وش السواة ؟؟

موضوعي راح يكون عن المسلسل المهبول Prison Break اللي جننا العالم بروعته وبأحداثه
الخطيرة خصوصاً انه يتميز عن المسلسلات الثانية بروعة تمثيل الأبطال ..
فكرت موضوعي شلون أصيغه أو كيف أقدر أقدمه للجنة المسابقة ..
بالأخير قلت بنزله باللي يجي أهم شي المشاركة مو الفوز << وخر اهناك ..

فكرة بسيطة عن المسلسل :
مسلسل امريكي من ثلاث أجزاء (كل جزء يتكون من 22 حلقة ) قصته تحكي خطة الهروب من سجن فوكس ريفر
يقودها مهندس يريد إنقاد أخاه من براثن قضية محكوم عليه فيها بالاعدام . ولتحدث بعدها الكثير من الأحداث حول البحث عن البراءة ليمتاز المسلسل بنوعية من الأثارة
الرائعه .. المسلسل حالياً في جزءه الثاني أو في نهاية الجزء الثاني ودائماً ما يطرح هنا في الأقلاع
خصوصاً في موضوع المسلسل .
المسلسل من أنتاج قناة FOX الأمريكية واللي تنتج الكثير من المسلسلات الرائعه ..
أبطال المسلسل أصبحوا مشهورين وكلاً يمتاز بشخصيته .. والحين بطرح الشخصيات مع الصور
بأسلوب ان شاءالله بيعجبكم ..

.
.

مايكل سكوفليد "Michael Scofield"
مهندس معماري مهوب طبيعي .. عنده مخ ولا مخ دوافير ( الظاهر يكثر زعتر) .. اخوه انسجن
وهو مظلوم في جريمة قتل وفكر انه يطلع اخوه من السجن

يمتاز بذكاء لدرجة انه قدر يرسم
خريطة السجن في باله وفي جسمه ! ..

ليكولن بروزو "Lincoln Burrows "
الرجل المزيون ( ليتني مثل جسمه ) المهم هذا اخوه مايكل اللي انسجن ظلماً عصبي مره لدرجة
انه اذا عصب ودك ينقلون وظيفتك للخرخير يمتاز بالقوة الجسمانية ..

الدكتورة ساره "Dr. Sara Tancredi"
هالدكتوره المزيونة هي طبيبة في السجن وحبت مايكل من أول ما شافته وصارت بينهم علاقة حميمة
وطبعاً ابوها عميد ولاية واستغلها بالبداية مايكل عشان يطلع من السجن ولكن بعدين صار
يحبها ويعشقها بشكل جنوني .. تمتاز بذكاء غبي << كيفي تحليلي وانا حر

المحقق ماهون "Alexander Mahone"
طبعاً هالممثل يخرج في بداية الجزء الثاني من المسلسل يعني الجزء الأول ماله اي دور لكن في
الجزء الثاني يكون من أقوى أبطال المسلسل وتعجبني شخصيته لأن له ذكاء مقارب لذكاء سكوفليد
عيبه انه مدمن مخدرات ..

براد بالاك "Brad Bellick"
المسؤول في السجن وكان نشبه بنت يهود لسكوفليد والشله .. ولدرجة انه حاطهم في راسه بشكل
موطبيعي .. حتى بعد هروبهم من السجن الرجال قام يلاحقهم وين ماكانوا .. شخصيته كريهه مره
بس مأدي دوره بشكل قوي ..

كليرمان "Paul Kellerman"

المحقق في الاف بي آي .. واللي كان يهدف الى تحريك قضية ليكولن عشان يعدمونه .. ويعتبر اليد
اليمنى للرئيسة الامريكية .. بس بعدها يقلب على العالم كله .. لدرجة انه قلب على نفسه .. شخصيته
حلوه بس يقهرني اذا سوى نفسه يبي شي بس النصاب يبي شي ثاني .. عنده لاعنه مهيب عند أحد..

أل جي "LJ Burrows"
آي لآفيو داري << دايم يقولها ويرفع ضغطي هالورع

هي ولد ليكولن وراعي مشاكل هالولد
جاب لي الصمرقع لكثرة مشاكله وبلاويه ..عشان كذا منيب كاتباً عنه شي بالطقاق فيه محد قاله
يرفع ضغطي المسكين..

سكروزي "Fernando Sucre"
يا حبي له هالمكسيكي .. هذا كان رفيق مايكل بنفس الزنزانه طبعاً الميزة الحلوه فيه انه خواف درجة
اولى .. واللي أعجبني فيه اكثر انه يحب بنت مكسيكيه ويسوي المستحيل عشان يشوفها ويعيش
معها .. لدرجة انه سرق سيارة من الجنادريه قصدي من واحد عشان يدز للمكسيك يقابلها
شخصية حلوه بتعجب الجميع ..

أبروزي "John Abruzzi "
الايطالي اللي له هيبه مو طبيعيه في السجن .. يحتك بمايكل لأسباب خاصة في فكرة الهروب لكن
تصادفه بعض المشاكل مع المساجين .. شخصية حلوه لكن خربوها المخرجين في بداية الجزء
الثاني .. أطلق شي فيه انه قطع يد ... (تي باغ)

تي باغ "T-Bag"
الزاحف هذا أطلق شخصية في المسلسل .. تعرفون يوم قالوا لنا كلمة .. واحد مخربها .. هذا مخربها
بقوه مع اي انسان .. صوته رايق حيل .. يمتاز بأنه يقدر يسوي اللي براسه لو على خراب بيته
ينضم الى مايكل بعد ما عرف فكرة الهروب ..

بيجماين مايلز "Benjamin Miles "
يا شينه هو وبنته .. تجيك احيان ودك تصيح من حالته .. كان زعيم الخوال في السجن ومسوي زحمة
بس بعدين عرفت انه ما عنده ما عند جدتي .. عنده بنت فيها بثارة العالمين .. كان جندي امريكي
سابق وبعدها انسجن وانضم لشلة المهابيل ..

هنري بوب "Henry Pope"
هذا مدير السجن .. واللي كان واثق في سكوفليد .. طلب من سكوفليد انه يصمم له في السجن تصميم
بسيط لشكل تاج محل .. لكن مايكل كان يفكر في طريقة للهروب من السجن ..وتصير بعض
الأحداث في نهاية الجزء الثاني مع بوب ..

"وطبعاً باقي بعض الشخصيات .. لكن أخترت الأهم والأجمل في المسلسل" ..

معلومات مهمة عن المسلسل :
*لتحميل الجزء الأول كاملاً "تورنت"
>> الضغط هنا <<
وترجمة الجزء الأول
>> الضغط هنا <<

* المسلسل كما قلت سابقاً يعرض على قناة فوكس الأمريكية يوم الأثنين الساعه 11 مساءاً ..
كما يتم تنزيل الحلقات في صباح الثلاثاء والترجمة في ليل الثلاثاء ..
*الحلقة 19 من الجزء الثاني هي آخر عرض في القناة .
*يوجد موضوع في الأقلاع يعرض ويناقش المسلسل بشكل دائماً كما يتم تنزيل الحلقات بروابط
مباشرة وتورنت .. بقيادة بعض الأعضاء المميزين .. ولزيارة الموضوع هنا ..
*المسلسل حصل تقييم 9.4 من 10 في تقييم الموقع المتميز IMBD
*يوجد الكثير والكثير من المواقع التي تختص بهذا المسلسل وتناقشه سواءاً اجنبية أو عربية

*وفي النهاية أعذروني على التقصير ..

08-05-2007, 09:36 PM

100ألف شكراااااااااا يا عزوز ...... أنا أحد مدمني هذا المسلسل وقاعد على نار استنى الجزء الثالث .....
بصراحه احلى مسلسل شفته بحياتي يعني اللي ما شافه فاته عمره كله ...........
أكــــــــره بيليك ... أحسن نهايته شينه ......
موضوعك أروع من الرائع الله لا يحـــــــــــــرمنا منك ...........

08-05-2007, 09:42 PM

يسلموووووووووووووووووووووووو على المرور يامشاري الله لايحرمني منك ولا من ردودك
المسلسل شي مو طبيعي وصراحه الي ماشافه غصبا عليه لازم يشوفه لانه من جد مسلسل راااااااااااائع

مشكور يالغالي على المرور وشكرا على هالدعم الحلو